Við stofnun árið 2006 var Byr spari­sjóður stærsti spari­sjóður lands­ins, en rekstur sjóðs­ins skil­aði hagn­aði upp á tæpa 2,7 millj­arða króna á fyrsta rekstr­ar­ári hans. Eignir sjóðs­ins í árs­lok 2006 námu 22 pró­sentum af sam­an­lögðum eignum allra spari­sjóða í land­inu og í lok árs 2007 voru þær um þrjá­tíu pró­sent af heild­ar­eign allra spari­sjóða. Í lok árs 2007 nam eigið fé hans rúmum 53 millj­örðum króna og eig­in­fjár­hlut­fallið var 40,2 pró­sent á sama tíma. Sterk staða sjóðs­ins skýrð­ist fyrst og fremst af 26,3 millj­arða króna stofn­fjár­aukn­ingu í des­em­ber 2007, þeirri mestu í spari­sjóða­kerf­inu fyrr og síð­ar.

Um helm­ingi stofn­fjár­aukn­ing­ar­innar var svo varið til greiðslu arðs til stofn­fjár­eig­enda þremur mán­uðum síð­ar. Staða sjóðs­ins veikt­ist mikið á haust­mán­uðum 2008, en eig­in­fjár­­hlut­fall hans í árs­lok 2008 var komið niður í 8,3 pró­sent, sem er rétt yfir lög­bundnu lág­marki.

Byr spari­sjóður tap­aði 16,5 millj­örðum króna á fyrri hluta árs 2009, en heild­ar­tap sjóðs­ins það ár nam 38,8 millj­örðum króna. Ein­ungis virð­is­rýrnun útlána nam 38,2 millj­örðum króna árið 2009, og í lok árs­ins var eigið fé sjóðs­ins orðið nei­kvætt um 22,6 millj­arða króna og eig­in­fjár­hlut­fallið nei­kvætt um 18,5 pró­sent. Tap sjóðs­ins á árunum 2008 og 2009 má helst rekja til geng­is­taps af fjár­eignum og umtals­verðs fram­lags í afskrifta­reikn­ing vegna virð­is­­rýrn­unar útlána.

Þetta er örstutt brot úr ítar­legri umfjöllun Kjarn­ans um Byr spari­sjóð. Lestu Kjarn­ann í heild sinni hér.