Í Ist­an­búl í Tyrk­landi leika þrír risar: Galatasaray, Fener­ba­hce og Besikt­as. Þessi lið hafa ein­okað tyrk­neska knatt­spyrnu og deilt titl­inum öll árin frá stofnun tyrk­nesku deild­ar­innar nema tvisvar. Þor­geir og Þór­hallur könn­uðu liðin og stuðn­ings­manna­menn­ing­una í Ist­an­búl sem er hreint út sagt mögnuð ásamt því að tala um ríg Fener­ba­hce og Galatasaray.

Rígur Fener­ba­hce og Galatasaray er engum líkum en það er eini borg­ar­slag­ur­inn í heim­inum þar sem tvær heims­álfur mæt­ast. Sá rígur hefur fengið það orð á sig að vera heit­asti rígur í Evr­ópu. Tyrk­neska knatt­spyrnu­sam­bandið hefur sett reglur um að stuðn­ings­menn megi ekki ferð­ast með á úti­leiki þess­ara liða vegna ítrek­aðra vand­ræða í stúkunni.

Auk þess­ara liða eru tvö lítið lið, Ist­an­bul Basaksehir og Kasimpasa. Ist­an­bul Basaksehir, stofnað 1990, eru efstir í deild­inni sem stendur og hafa risið ótru­lega á síð­ustu árum þökk sé stjóra þeirra Abdullah Avci. Kasimpasa leika á Recip Tayyip Erdogan-vell­inum en for­seti Tyrk­lands, sem völl­ur­inn heitir eft­ir, lék með lið­inu um skeið á yngri árum.

Að lokum tóku þeir stöð­una á lands­lið­inu og fóru yfir síð­ustu ár og stöðu lands­liðs­ins í dag.