Stefán Páls­son sagn­fræð­ingur er í heim­sókn í Sparkvarp­inu þessa vik­una. Hann er dyggur stuðn­ings­maður Fram í fót­bolta og hefur séð tím­anna tvenna hjá þessu forn­fræga félagi í Reykja­vík. Hann rifjar upp dag­ana þegar hann var polli í Vest­ur­bænum og fór langa leið til þess að styðja sitt lið.

Karla­lið Fram hefur verið mikið í deigl­unni í sumar vegna brott­rekstrar Ásmundar Arn­ar­son­ar. Stefán rýndi aðeins í stöðu mála hjá klúbbnum og hvernig það er að vera stuðn­ings­maður Fram í gegnum súrt og sætt.

Þessi þáttur er annar þáttur í íslenskri syrpu þeirra Sparkvarps­manna. Stefán fór yfir stöðu íslenskra stuðn­ings­manna og rifj­aði upp þegar lukku­dýr Fram var lif­andi ref­ur. Honum þykir miða­verðið á Pepsi-­deild­ina ekki hátt og finnst það heldur miður að stuðn­ings­menn íslenskra félags­liða taka liðin í ensku úrvals­deild­inni fram yfir á leik­degi.

Sagn­fræð­ing­ur­inn er einnig mik­ill stuðn­ings­maður Luton Town í ensku fjórðu deild­inni. Strák­arnir komust að því hvað til kom að Stefán studdi Luton frá barn­æsku. Bær­inn Luton er einna helst þekktur fyrir að vera einn af flug­völl­unum í kringum London en Stefán sagði sögur af ferðum hans á leiki með neðri deild­ar­lið­inu í þetta litla bæj­ar­fé­lag, háleitum mark­miðum stjórnar félags­ins og hvernig liðið hefur flakkað á milli deilda síð­ast lið­inn ára­tug.