Í þætti vik­unnar fengu strák­arnir mark­vörð Stjörn­unn­ar, Har­ald Björns­son, í heim­sókn. Har­aldur ræddi um Öster­sund FK í Sví­þjóð þar sem hann spil­aði á síð­asta ári. Borgin Öster­sund er í miðri Sví­þjóð og er aðal­lega þekkt fyrir góðan árangur í vetr­ar­í­þróttum frekar en að eiga gott fót­boltalið. Mik­ill upp­gangur hefur þó verið hjá knatt­spyrnu­liði borg­ar­innar und­an­farin miss­eri.

Árið 2011 var liðið statt í fjórðu deild í Sví­þjóð árið 2011 og áttu erfitt með að finna leik­menn til að spila með lið­inu. Síðan þá hafa þeir unnið sig hratt og örugg­lega upp sænska deild­ar­stig­ann og spila á þessu tíma­bili í efstu deild­inni í Sví­þjóð, Alls­vensk­an. Í síð­asta mán­uði tókst lið­inu að vinna ótrú­legan sigur á liði Herthu Berlin í Europa League. Liðið tryggði sér þátt­töku í Europa League með því að vinna sænska bik­ar­inn fyrr á árinu og með því að slá út tyrk­nesku ris­ana í Galatasaray.

Frá­sögn Har­alds er mögnuð fyrir margt leyti því að Öster­sund FK verður seint flokkað sem venju­legt fót­boltalið. Sem dæmi tal­aði Har­aldur um að leik­mönnum hafi verið skylt að taka þátt í leik­rit­inu Svana­vatnið sem sett var á svið þegar hann lék með lið­inu. Auk þess hélt liðið lista­sýn­ingu þar sem leik­menn sýndu meðal ann­ars mál­verk, döns­uðu eða voru með list­gjörn­ing.

Þessar óvenju­legu hefðir urðu til þegar enski þjálf­ar­inn Gra­ham Potter sá um að stýra lið­inu alla leið upp í efstu deild. Sam­kvæmt Har­aldi er Potter ótru­lega metn­aða­fullur þjálf­ari, ólíkur þeim sem hann hefur haft og með ýmsar öðru­vísi aðferðir í þjálfun sinni á lið­inu.