Rafn­ar ehf., sem hefur síð­asta ára­tug unnið að þró­un, hönnun og smíði á bylt­ing­ar-­kenndri ­teg­und báta, hefur tekið höndum saman við Vikal International um smíði á hrað- og létta­bátum fyrir lúx­us­snekkjur á alþjóða­mark­aði. Frá þessu var greint í dag, í frétta­til­kynn­ing­u. 

Rafnar ehf. er hug­ar­fóstur Öss­urar Krist­ins­son­ar, stofn­anda Öss­urar hf., en fyr­ir­tækið hefur síð­ustu tíu ár unnið að þró­un, hönnun og smíði á bylt­ing­ar­kenndri teg­und báta.  Um þrjá­tíu manns starfa hjá fyr­ir­tæk­inu í tæp­lega 6.000 fer­metra hús­næði í Kópa­vog­i. 

Vikal International var stofnað í Ástr­alíu árið 1982 af báta­smiðnum Gunn­ari Vík­ingi og sér­hæfir sig í smíði og sölu á hrað- og létta­báta fyrir lúx­us­snekkjur á alþjóða­mark­að­i. 

Þetta er enn eitt dæmið um hvað hug­vitið getur gefið sam­fé­lagi okkar mik­inn virð­is­auka, en oft er það svo að við fjöl­miðla­fólk­ið, erum ekki að fylgj­ast nægi­lega vel með því mikla og magn­aða starfi í hug­vits­iðn­aði ýmis konar sem í gangi er á hverjum tíma. 

Eitt af því sem Kjarn­inn hefur reynt að gera frá stofnun er að fjalla um lítil og með­al­stór fyr­ir­tæki, ekki síst þau sem eru í frum­kvöðla­starf­semi og upp­bygg­ing­ar­starfi. Hjá þeim vinnur um 70 pró­sent íslensks vinnu­mark­að­ar.

Það skiptir máli að um þessa starf­semi sé fjallað meira, og það hvetur okkur til dáða hversu mik­inn áhuga fólk hefur á starf­semi þess­ara fyr­ir­tækja.  

Rafn­ar, sem telja má til fyr­ir­tækja af þess­ari stærð­argráðu (Þó mörg fyr­ir­tæki vilji láta skil­greina sig sem stór!), mun nú geta boðið við­skipta­vinum sínum að smíða hrað- og létt­báta fyrir lúx­us­snekkj­ur, en með samn­ingnum við Vikal nær Rafnar að fá aðgang að góðum við­skipta­vin­um, þar á meðal 300 til 400 auð­ug­ustu fjöl­skyldum heims. Þetta skiptir miklu máli, segir Björn Jóns­son fram­kvæma­stjóri Rafn­ar.

Rafn­ar ehf. afhenti í sumar Land­helg­is­gæsl­unni nýjan strand­gæslu­bát, en hann ger­ir Land­helg­is­gæsl­unni kleift að bregð­ast við aðstoð­ar­beiðnum á grunn­slóð með­ ­skjót­ari hætti. Í haust afhenti Rafnar svo Hjálp­ar­sveit Skáta í Kópa­vogi nýj­an ­leit­ar- og björg­un­ar­bát sem gjör­breytir aðstæðum til­ ­leitar og björg­un­ar. Þá stendur yfir hjá Rafnar smíði á leit­ar- og björg­un­ar­báti fyrir Björg­un­ar­sveit­ina Geisla á Fá­skrúðs­firði sem verður afhentur sveit­inni á fyrri hluta árs­ins 2016, að því er segir í til­kynn­ingu.

„Vikal International hefur náð góðri fót­fest­u á þeim mark­aði sem sér­hæfir sig í hrað- og létta­bátum fyrir lúx­us­snekkjur á al­þjóða­mark­aði og það er okkur mikil ánægja að geta verið fyrstir til að bjóða við­skipta­vinum okkar upp á slíka báta með þessum bylt­ing­ar­kenndum skrokki ,“ ­segir Gunnar Vík­ing­ur, fram­kvæmda­stjóri Vikal International, í til­kynn­ing­unni.

Um þetta sam­starf, og þessa merki­legu útrás, er það eitt að segja, að hún er ánægju­legur vottur um fram­taks­sem­ina hjá frum­kvöðlum í íslensku atvinnu­lífi. Þar er ekki kapps­mál að verða strax stór, heldur fyrst og síð­ast að vaxa með góðri vöru og þjón­ustu. Vel gert!