Á Alþingi í morgun fór fram sér­stök umræða um verð­trygg­ing­una. Helgi Hrafn Gunn­ars­son, þing­maður Pírata, var upp­hafs­maður umræð­unnar og Bjarni Bene­dikts­son fjár­mála­ráð­herra var til svara. Ell­efu þing­menn tóku þátt í umræð­unni, að Helga og Bjarna með­töld­um. 

Þing­menn vöktu athygli á því í umræð­unni að Sig­mundur Davíð Gunn­laugs­son tók ekki þátt, og var raunar ekki einu sinni í þingsal, þegar umræðan fór fram. Hann hefur í tvígang neitað að ræða málið í sér­stakri umræðu á þingi, og vísað á Bjarna Bene­dikts­son. Þó hefur hann rætt um verð­trygg­ing­una oft og víða ann­ars stað­ar, líkt og aðrir fram­sókn­ar­menn. 

Verð­trygg­ingin og afnám hennar var eitt stærsta kosn­inga­mál og kosn­inga­lof­orð Fram­sókn­ar­flokks­ins fyrir síð­ustu kosn­ing­ar. Þremur árum síðar bólar ekk­ert á þessu afnámi, sem þó var sagt ein­falt og auð­velt í kosn­inga­bar­átt­unni. Það er alveg rétt sem þing­menn stjórn­ar­and­stöð­unnar sögðu á þingi í dag, að þing­menn Fram­sókn­ar­flokks­ins hafa gert Bjarna Bene­dikts­son að blóra­böggli í mál­inu. Þing­menn flokks­ins hafa reglu­lega talað um afnám verð­trygg­ingar og mik­il­vægi afnáms­ins og þrýst á rík­is­stjórn­ina í mála­flokkn­um. Síð­ast fyrr í þess­ari viku komu þing­menn í ræðu­stól Alþingis til að lýsa því að lok­inni kjör­dæma­viku hversu mikið verð­trygg­ingin brenni á fólki. 

Það vakti því athygli í bak­her­berg­inu að það var ekki nóg með að for­maður flokks­ins hafi ekki tekið þátt, heldur tók aðeins einn þing­maður Fram­sókn­ar­flokks­ins þátt í umræð­unni, Willum Þór Þórs­son.

Hvar voru fram­sókn­ar­menn­irn­ir? Af hverju voru þeir ekki mættir til að taka þátt í þess­ari umræðu um eitt þeirra stærsta bar­áttu­mál?