Hvernig samfélag vilt þú?

Halla Tómasdóttir segir skipta máli að forseti búi yfir fjölbreyttri starfsreynslu, meðal starfa forseta er að leiða saman fólk, sætta og sameina.
Halla Tómasdóttir segir skipta máli að forseti búi yfir fjölbreyttri starfsreynslu, meðal starfa forseta er að leiða saman fólk, sætta og sameina.
Auglýsing

Ég ákvað að bjóða mig fram til emb­ættis for­seta Íslands vegna þess að ég vil gera gagn og láta gott af mér leiða. Brýn­asta verk­efnið sem blasir við er upp­bygg­ing trausts í sam­fé­lag­inu, því án trausts náum við hvorki að vinna saman né horfa til fram­tíð­ar. Sem for­seti myndi ég vilja leiða sam­tal þjóð­ar­innar um stór mál sem varða fram­tíð okkar allra. Hvernig ætlum við að tryggja fjöl­breytni í atvinnu og búsetu, hvernig ætlum við að gæta að því að tæki­færin sem fel­ast í auk­inni ferða­mennsku gangi ekki of nærri okkar sam­fé­lagi og nátt­úru, hvernig ætlum við að stuðla að því að börnin okkar velji að búa á Íslandi í fram­tíð­inn­i. 

Upp­bygg­ing sam­fé­lags­sátt­mál­ans

Á ferð minni um landið og í heim­sóknum á vinnu­staði hef ég orðið vör við að fólk er orðið lang­þreytt á nei­kvæðni og sundr­ung í sam­fé­lag­inu.  Þegar efna­hags­lífið hrundi töp­uð­ust ekki ein­ungis efn­is­leg verð­mæti heldur einnig traust og sátt. Eft­ir­málar þess hafa ekki síst komið í ljós á síð­ustu vikum þegar leynd­inni var svipt af aflands­reikn­ing­um.  Að mörgu leyti hefur gengið ágæt­lega að koma efna­hags­legum þáttum í samt lag, en vinnan við að græða sam­fé­lags­sárið er bara rétt að hefj­ast.   

For­seta­emb­ættið getur gegnt mik­il­vægu hlut­verki við að leiða sam­tal um fram­tíð­ar­sýn Íslands, hvernig sam­fé­lags­gerð við viljum byggja upp og standa vörð um og hvaða gildi við ætlum að hafa að leið­ar­ljósi. Við Íslend­ingar viljum búa í heið­ar­legu og rétt­látu jafn­rétt­is­sam­fé­lagi þar sem borin er virð­ing fyrir fólki og nátt­úru. Þetta kom skýrt fram á Þjóð­fundi í Laug­ar­dals­höll árið 2009. Við þurfum að tala miklu meira um þessi gildi og við þurfum að sýna þau í verki í dag­legum athöfn­um. Þannig getum við byggt sam­fé­lags­sátt­málan upp á nýtt, þannig getum við grætt sárin og byrjað að skapa aftur traust.  

Auglýsing

Vil opna Bessa­staði

Ég sé hlut­verk for­seta fyrir mér sem þjón­andi leið­toga. Leið­toga sem hvetur og virkjar sam­ferða­fólk sitt, hlustar og leiðir fólk sam­an, setur mál á dag­skrá og hugar að hags­munum þeirra sem minna mega sín.

Þjóðin öll á for­seta­emb­ættið í sam­ein­ingu og ég vil opna Bessa­staði.  Það er mik­il­vægt að allir lands­menn, og þá sér­stak­lega börnin okk­ar, fái tæki­færi til að kynn­ast menn­ing­ar­arfi okkar Íslend­inga. Ég vil bjóða börnum í heim­sókn til að skoða forn­minjar sem finna má á Bessa­stöðum sem og ýmsa muni og minjar sem tengj­ast lýð­veld­is­sögu okk­ar. Ég vil halda menn­ing­ar­at­burði í tún­inu, taka virkan þátt í íslensku sam­fé­lagi og styðja við þau fjöl­mörgu góðu verk­efni sem fólk og félaga­sam­tök leiða um allt land. Ég vil vera dug­legur for­seti sem í senn ræktar garð­inn heima og virkjar sitt alþjóð­lega tengsla­net í þágu mennta, menn­ingar og atvinnu­lífs.

Ég sé hlut­verk for­seta fyrir mér sem þjón­andi leið­toga. Leið­toga sem hvetur og virkjar sam­ferða­fólk sitt, hlustar og leiðir fólk sam­an, setur mál á dag­skrá og hugar að hags­munum þeirra sem minna mega sín.

Fjöl­breytt starfs­reynsla gagn­leg

Ég tel skipta máli að for­seti búi yfir fjöl­breyttri starfs­reynslu, meðal starfa for­seta er að leiða saman fólk, sætta og sam­eina.  Ég kynnt­ist ung grunnatvinnu­vegum þjóð­ar­inn­ar, var í sveit og starf­aði í fiski á ung­lings­ár­um. Störf mín á full­orð­ins­árum hafa að miklu leyti snú­ist um að koma breyt­ingum til leiðar og að fá fólk til að vinna sam­an. Ég tók virkan þátt í upp­bygg­ingu Háskól­ans í Reykja­vík, þar sem ég var stjórn­andi, ráð­gjafi og kenn­ari fyrir nem­endur á öllum aldri. Þar leiddi ég einnig verk­efnið Auði í krafti kvenna. Ég starf­aði sem mannauðs­stjóri hjá stórum alþjóð­legum fyr­ir­tækjum í Banda­ríkj­unum sem og hér heima. Ég tók við stöðu fram­kvæmda­stjóra Við­skipta­ráðs vorið 2006, en sagði upp starfi mínu ári síðar til að stofna Auði Capi­tal vorið 2007. Við sem það gerðum vildum starfa á grunni góðra gilda og auk­innar sam­fé­lags­legrar ábyrgð­ar. Fyr­ir­tækið fór skað­laust í gegnum efnahagshrunið og olli engum tjóni. Ég tel að stjórn­un­ar­reynsla mín, kynni mín af grunnatvinnu­vegum lands­ins og bak­grunnur sem stjórn­andi, frum­kvöð­ull og kenn­ari komi að góðum notum í emb­ætti for­seta. 

Jafn­rétti fyrir alla

Ég hef mikið beitt mér fyrir jafn­rétt­is­málum og ég á mér þann draum að við Íslend­ingar verðum fyrst þjóða til að brúa kynja­bil­ið. Við stöndum fremst meðal þjóða á helstu mæli­kvörðum sem horft er til varð­andi kynja­jafn­rétti en við getum þó gert enn bet­ur. Það er lyk­il­at­riði að mínu mati að konur og karlar sam­ein­ist um að brúa kynja­bil­ið. Kynja­jafn­rétti er ekki ein­göngu mál­efni kvenna, það skiptir vissu­lega máli að stúlkur og konur séu metnar að verð­leikum og hafi tæki­færi til að kom­ast til áhrifa og valda til jafns við drengi og karla, en það skiptir ekki síður máli að styðja við dreng­ina og tryggja að þeir sæki sér áfram menntun og hafi val um fjöl­breyttar starfs­grein­ar. Jafn­rétti nær þó yfir svo miklu meira en kynja­jafn­rétti.  Ég vil að á Íslandi sé jafn­rétti fyrir alla.  Ald­ur, kyn, upp­runi, búseta og fjár­hags­leg staða mega ekki ráða för þegar kemur að tæki­færum á Ísland­i. 

Aftur heim

Það sam­fé­lag sem ég ólst upp í ein­kennd­ist af dugn­aði og náunga­kær­leika. Mig langar til þess að við Íslend­ingar stöndum vörð um þessa sam­fé­lags­gerð.  Ég hef verið svo lánsöm að hafa fengið tæki­færi til að mennta mig og starfa erlend­is, bjó um margra ára skeið í Banda­ríkj­unum og síðar í Bret­landi og á Norð­ur­lönd­un­um, en ég kem alltaf aftur heim því sam­fé­lagið og nátt­úran eru mér dýr­mæt. Af þeim  löndum sem ég hef fengið að kynnast, tel ég Ísland vera það besta til þess að alast upp í og því eru börnin okkar sam­mála.

Ég á mér þann draum að íslensk börn og ung­menni fái tæki­færi til að ferð­ast til ann­arra landa, læra tungu­mál og verða menn­ing­ar­læs, en ég vil að þau langi til þess að koma aftur heim. Ég vil að þau sjái Ísland sem landið þar sem gott er að búa, eign­ast fjöl­skyldu, skapa verð­mæti og láta til sín taka. Börn okkar og nátt­úran eru hinn raun­veru­legi auður þjóð­ar­inn­ar, það er mik­il­vægt að hafa hug­fast. Ég tel einnig mik­il­vægt að Ísland sé í far­ar­broddi þjóða hvað varðar að eld­ast við aðstæður sem við erum sátt við eftir langa starfsævi. Pabba var líka umhugað um það, en hann vann síð­ustu starfs­árin sín sem hús­vörður á heim­ili eldri borg­ara við Sunnu­hlíð í Kópa­vogi. Því miður lést hann áður en hann gat notið þess að njóta elli­ár­anna en skila­boð hans voru skýr: „við eigum að hlúa að þeim sem hafa lagt grunn­inn að upp­bygg­ingu sam­fé­lags­ins sem við búum í.“

Sam­ein­umst um það sem skiptir máli

Mér finnst skipta málið að búa í mann­eskju­legu sam­fé­lagi. Sam­fé­lagi sem er gjöf­ult fyrir alla og grípur þá sem á hjálp þurfa að halda. Ég vil búa á Íslandi þar sem allir skipta máli. Ég veit að ég er ekki ein um það. Við stöndum á tíma­mótum og nú er rík þörf á að sam­eina og sætta. Ég tel að for­seta­emb­ættið geti leitt sam­tal um upp­bygg­ingu trausts. Það er nefni­lega þannig að þegar við tölum saman sem mann­eskjur þá erum við miklu oftar sam­mála en ósam­mála. Alla­vega um þá hluti sem virki­lega skipta máli. Við erum öll í sama lið­inu, Íslandi.

 Börn okkar og nátt­úran eru hinn raun­veru­legi auður þjóð­ar­inn­ar, það er mik­il­vægt að hafa hug­fast. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Guðmundur Árni óskar eftir viðræðum um myndun nýs meirihluta með Framsókn
Samfylkingin bætti við sig um níu prósentustigum af fylgi í Hafnarfirði og er nú með jafn marga bæjarfulltrúa og Sjálfstæðisflokkur, sem tapaði einum. Framsókn er samt með öll tromp á hendi og getur valið með hvorum flokknum myndaður verður meirihluti.
Kjarninn 16. maí 2022
Nýtt valdajafnvægi á Norður-Írlandi – Sögulegur kosningasigur en snúin staða
Í fyrsta skipti í hundrað ára sögu Norður-Írlands er lýðveldisflokkur með flestu sætin á þinginu í Stormont. Óljóst er hins vegar hvort kosning um sameiningu Írlands sé í sjónmáli.
Kjarninn 15. maí 2022
Líf Magneudóttir, oddviti Vinstri grænna í Reykjavík.
Vinstri græn vilja ekki taka þátt í meirihlutaviðræðum
Oddviti Vinstri grænna í Reykjavík segir niðurstöðu kosninganna vonbrigði. Flokkurinn ætlar ekki að sækjast eftir því að sitja áfram í meirihluta. Oddviti Viðreisnar vonast hins vegar til að starfa áfram í meirihluta.
Kjarninn 15. maí 2022
„Börn eiga fyrst og fremst að leika sér og hlæja – ekki þjást og gráta“
Myndlistarmaðurinn Jón Magnússon safnar fyrir prentun á myndlistarbókinni „Á meðan ...“ sem er til styrktar starfi Unicef í Úkraínu.
Kjarninn 15. maí 2022
Bjarni Benediktsson, formaður Sjálfstæðisflokksins, Katrín Jakobsdóttir, formaður Vinstri grænna, og Sigurður Ingi Jóhannsson, formaður Framsóknarflokksins.
Skýrt ákall um breytingar en erfitt að draga heildstæða ályktun
Formenn ríkisstjórnarflokkanna segja niðurstöður sveitarstjórnarkosningar skýrar en túlka hana með mismunandi hætti. Formaður Framsóknarflokksins segir flokkinn í borginni, sem vann mikinn kosningasigur, fara í meirihlutaviðræður af yfirvegun.
Kjarninn 15. maí 2022
Einar Þorsteinsson, ddviti Framsóknarflokksins í Reykjavík, sem vann stóran sigur, segir borgarstjórastólinn ekki vera markmið í sjálfu sér.
Borgarstjórastóllinn ekki markmið í sjálfu sér
Oddvitar stærstu flokkanna í Reykjavík eru varkárir í yfirlýsingum um nýtt meirihlutasamstarf en telja rétt að fráfarandi meirihlutaflokkar stilli saman strengi. Oddviti Framsóknarflokksins segir borgarstjórastólinn ekki vera markmið í sjálfu sér.
Kjarninn 15. maí 2022
Ótvíræður sigurvegari kosninganna, ekki bara í Reykjavík heldur á landsvísu, er Framsóknarflokkurinn.
Sigrar og töp sveitarstjórnarkosninganna
Framsóknarflokkurinn vann sveitarstjórnarkosningarnar, ekki bara í Reykjavík heldur á landsvísu. Sjálfstæðisflokkur mátti þola nokkur erfið töp en vann sigra inn á milli. Vinstri grænum gengur ekkert ná fótfestu í stærstu sveitarfélögum landsins.
Kjarninn 15. maí 2022
Danska kvennasveitin Reddi komst ekki áfram á úrslitakvöld Eurovision á laugardag. Danmörku var eina Norðulandaþjóðin sem komst ekki áfram í úrslit og Danir velta fyrir sér hvað fór úrskeiðis.
Gangtruflanir í dönsku Eurovision vélinni
Í annað skipti í röð mistókst Dönum að komast í úrslit Eurovision söngvakeppninnar. Danskir Eurovision sérfræðingar segja ekki nóg að flytjendur standi sig vel, lagið þurfi að höfða til áhorfenda og dómara.
Kjarninn 15. maí 2022
Meira úr sama flokkiAðsendar greinar
None