Ég verð alltaf svo­lítið sorg­mædd þegar ég les hversu margir hafa lít­inn skiln­ing á starfi grunn­skóla­kenn­ar­ans. Ég ákvað því að setja starfið mitt, sem ung­linga­kenn­ara 140 nem­enda, í annað sam­heng­i: 

Ég er stjórn­andi í fyr­ir­tæki í þekk­ing­ar­geir­an­um.

Ég er með 140 starfs­menn sem ég skipti í ca 20 manna minni hópa. Ég get ekki rekið neinn og ég fékk ekki að velja starfs­menn inn í hóp­inn minn.  Vinnu­að­staðan okkar er frekar lítið her­bergi. Stundum vinna starfs­menn­irnir einir en oftar í hóp­um. 

Í fyr­ir­tæk­inu þurfa starfs­menn­irnir að viða að sér nýrri þekk­ingu og nýta svo þekk­ing­una í verk­efna­vinnu.

Til þess að allir starfs­menn­irnir geti til­einkað sér nýja þekk­ingu þarf ég að hafa ýmis­legt í huga:

• Les­blindu starfs­menn­irnir þurfa sér úrræði.
• Ein­hverfu starfs­menn­irnir þurfa sér úrræði.
• Tví­tyngdu (eða jafn­vel mál­lausu) starfs­menn­irnir þurfa sér úrræði.
• Taka þarf sér­stakt til­lit til starfs­manna með athygl­is­brest og/eða ofvirkni.
• Hluti starfs­mann­anna getur ekki unnið nema að það sé alveg hljóð á vinnu­staðn­um, ann­ars missa þeir ein­beit­ing­una. 
• Aðrir ein­beita sér best ef þeir geta hlustað á tón­list við vinnu sína. 
• Nokkrir starfs­menn til­einka sér nýja þekk­ingu best með því að vera á hreyf­ingu og geta talað um verk­efnin sín í leið­inni.
• Sumir vilja gjarnan að nýja þekk­ingin sé útskýrð mynd­rænt.
• Nokkrir starfs­menn vilja vinna sam­an, í litlum hóp­um, til að viða að sér nýju þekk­ing­unni.
• Aðrir vilja vinna ein­ir. 
• Finna lausn hvernig ég aðstoða alla í hópnum við að til­einka sér nýju vit­neskj­una.

Ég þarf að búa til vinnu­hópa innan hvers starfs­manna­hóps með allt ofan­greint í huga jafn­framt því að finna bestu sam­setn­ingu starfs­mann­anna , þ.e. hvaða ein­stak­lingar geta unnið sam­an. Þá eru ennþá fleiri þættir sem þarf að huga að.

• Í síð­asta vinnu­hópi voru ein­stak­lingar sem unnu lítið en töl­uðu mik­ið, ég get aug­ljós­lega ekki látið þá vinna sam­an. 
• Sumir geta ekki unnið saman þar sem þeir fara alltaf að ríf­ast, ekki setja þá sam­an.
• Taka til­lit til að dug­leg­ustu starfs­menn­irnir vilja ekki alltaf vinna með þeim sem eru svo­lítið lengur að til­einka sér nýju þekk­ing­una.
• Taka til­lit til að þeir sem eru aðeins lengur að til­einka sér nýju þekk­ing­una, vilja ekki alltaf vinna sam­an.
• Taka til­lit til þess að aðstand­andi eins hafði sam­band og bað vin­sam­leg­ast að hafa við­kom­andi ekki í vinnu­hóp með ákveðnum starfs­manni.
• Taka til­lit til feimna og hlé­dræga starfs­manns­ins, velja góðan hóp fyrir hann, svo má ekki gleyma starfs­mönn­unum sem glíma við kvíða­rösk­un, þeir þurfa líka að vinna í sterkum hópi.
• Taka til­lit til að bestu vinir báðu um að vera saman í vinnu­hóp.

Þegar vinnan fer af stað er hlut­verk mitt einnig marg­þætt:

• Hafa hemil á  ­kraft­mikla starfs­mann­inum sem á erfitt  ­með að sitja kyrr og er út um allt.
• Passa að dug­legu starfs­menn­irnir hafi nóg fyrir stafni svo þeim leið­ist ekki.
• Ýta við þeim starfs­mönnum sem eiga það til að detta í dagdrauma í miðri vinnu.
• Hvetja þá starfs­menn sem sjá engan til­gang í að vinna þessa vinnu og hafa því engan áhuga.
• Hjálpa þeim starfs­mönnum sem eiga almennt erfitt með að til­einka og nýta sér nýju þekk­ing­una.
• Passa að allir í vinnu­hópnum séu virkir þannig að það sé ekki aðeins lít­ill hluti hóps­ins sem sér um alla vinn­una. 
• Taka á upp­á­komum sem koma iðu­leg upp á meðan á vinnu stend­ur, t.d. ósætti yfir mynd sem var deilt á face­book, rifr­ilda sem skap­ast vegna dóna­legra athuga­semda eða þegar starfs­menn henda hlutum í hvern ann­an. 
• Aðstoða við að leysa vanda­málið í hóp­vinn­u ­sem skap­ast þegar einn úr hópnum er veikur eða far­inn í frí með fjöl­skyld­unni.

Þegar starfs­menn­irnir fara heim sit ég eftir og met vinnu­fram­lag og úrvinnslu starfs­mann­anna. Fer á fundi, sinni skrán­ingum í tölvu, hef sam­band við aðstand­endur starfs­manna sem eiga í erf­ið­leikum í vinnu sinni, sinni end­ur­mennt­un, tek þátt í stefnu­mótun fyr­ir­tæk­is­ins, set mig inn í nýja hug­mynda­fræði sem á að fara að vinna eft­ir.  Loks get ég byrjað að vinna að því hvernig ég legg fyrir næsta  verk­efni og hvernig ég get komið til móts við fjöl­breyti­leika starfs­mann­anna. Þá þarf ég að sjálf­sögðu að hafa allt ofan­greint í huga en  einnig að taka til athug­un­ar:  

• Hvort verk­efnið (eins og öll önnur verk­efni starfs­mann­anna) taki á þeim við­miðum sem yfir­menn mínir setj­a. (að­al­námskrá mennta­mála­ráðu­neyt­is­ins) Þau við­mið eru í mörgum liðum og þátt­um, það má engu gleyma. Máta þarf því verk­efnið inn í þann pakka. 
• Hvernig aðstoða ég starfs­menn­ina í að til­einka sér nýju þekk­ing­una.
• Hvernig skipti ég í hópa.
• Kenn­ara­starfið er ekki ein­falt. Þetta er ekki bara les­bók og vinnu­bók.