Það er ójafn­vægi í gangi og það hallar á lands­byggð­ina og það er ekki gott. Að fólk sjái sér ekki fært að búa út á landi, eða sé ekki gef­inn kostur á því er slæmt því það skapar eins­leitt borg­ar­sam­fé­lag í stað fjöl­breyti­leika.

Fólk sækir í þjón­ustu, afþr­ey­ingu, aðstöðu og tæki­færi, ekki síður en atvinnu og allt þetta hefur mark­visst færst suður og þá er ekk­ert skrítið að fólkið fylgi eftir jafn­vel þó hug­ur­inn sé út á landi.

Það þríf­ast ekki allir í borgum og hæfi­leikar allra nýt­ast ekki best þar, það er ein­fald­lega ekki pláss fyrir alla á einum stað til að blómstra og það vantar fólk út á land til að nýta þau tæki­færi sem þar bíða sam­fé­lag­inu til góða.

Fólki fækkar út á landi með ein­staka und­ar­tekn­ingum eins og á Akur­eyri, en þar hefur náðst að byggja upp umhverfi með flestu sem fólk sækir í og fólk treystir því að svo verði áfram. Nálægar byggðir njóta þeirrar þjón­ustu og tæki­færa sem bjóð­ast á Akur­eyri.

Það þarf að byggja upp sterka byggð­­ar­kjarna í hverjum fjórð­ungi sem hafa gott aðgengi að höf­uð­­borg­inni, þannig mun fólki fjölga út á landi

Það þarf að byggja upp sterka byggð­ar­kjarna í hverjum fjórð­ungi sem hafa gott aðgengi að höf­uð­borg­inni, þannig mun fólki fjölga út á landi, en fjölgun fólks er lyk­il­at­riði þess að auka þjón­ustu, fjölga tæki­færum, byggja upp aðstöðu og skapa atvinnu á sjálf­bæran hátt sem mun á end­anum leiða til jafn­vægis milli lands­byggða og höf­uð­borg­ar.

Að gera inn­an­lands­flug að almenn­ings­sam­göngum eins og gert er í Skotlandi er ein­föld og fljót­leg leið til að stuðla að þessu jafn­vægi, slíkt aðgerð mun styrkja þá byggð­ar­kjarna sem nú þegar hafa sýnt sig að fólk vill búa á.

Það þarf ekki að finna upp hjól­ið, skoska leiðin er til, inn­leiðum hana á Íslandi.

Höf­undur er íbúi á Egils­stöðum