Þar sem bleikur fíll hittir strút fyrir

Dóra Sif Tynes segir að vega þurfi og meta hvort það kunni að þjóna almannahagsmunum betur að ganga alla leið með fullri aðild að Evrópusambandinu. Hið minnsta verði að gefa almenningi kost á því að taka afstöðu til þess hvort málin verði könnuð.

Auglýsing

Það verður seint sagt að umræða um Evr­ópu­mál hafi verið áber­andi hér á landi und­an­farin miss­eri. Frá síð­ustu alþing­is­kosn­ingum hefur samt ýmis­legt gerst í henni Evr­ópu. Tíðar fréttir ber­ast af vand­kvæðum  Breta vegna fyr­ir­hug­aðrar útgöngu úr Evr­ópu­sam­band­inu en að sama skapi jákvæðar fréttir um stöðugan hag­vöxt innan sam­bands­ins og auk­inn stuðn­ing við Evr­ópu­sam­starfið á meg­in­land­inu. Kynntar hafa verið hug­myndir um fram­tíð­ar­þróun sam­bands­ins og innri mark­að­ar­ins. Lítið fer hins vegar fyrir umræðu um hvernig þessi atvik hafa áhrif á íslenskan veru­leika. Vissu­lega hafa sumir ráða­menn reynt að gera því skóna að Brexit við­ræð­urnar feli ein­hvers konar bull­andi tæki­færi í sér fyrir íslenska þjóð. Það hefur þó farið lítið fyrir því að menn séu beðnir um að útlista nánar í hverju þessi tæki­færi fel­ast. 

Það er nán­ast orðin við­tekin venja hér á landi er líður að kosn­ingum að menn dæsi og segi að Evr­ópa sé bara ekki á dag­skrá, ekki núna. Ef það svar dugar ekki, kemur iðu­lega í kjöl­farið að við séum svo vel sett með EES samn­ing­inn að ekki þurfi að ræða þessi mál frek­ar. Er það svo? Eru kannski Evr­ópu­málin bleiki fíll­inn í her­berg­inu? 

Á und­an­förnum árum höfum við séð hvernig EES samn­ing­ur­inn er að þró­ast í átt til auk­innar sam­ræm­ingar á reglum innri mark­að­ar­ins og fram­sals fram­kvæmda­valds til sjálf­stæðra ­eft­ir­lits­stofn­ana. Reglur um evr­ópsk fjár­mála­eft­ir­lit sem færa evr­ópskum stofn­unum beint og óbeint eft­ir­lits­vald með íslenskum fjár­mála­mark­aði eru nær­tækt dæmi. Nú er það svo að mati und­ir­rit­aðrar að hér er um afar mik­il­vægar reglur að ræða sem eru til bóta bæði fyrir íslenska neyt­endur og íslensk fjár­mála­fyr­ir­tæki. Hins vegar verður ekki litið fram hjá því að þessi þróun reynir á þan­mörk íslenskrar stjórn­skip­un­ar. Í lýð­ræð­is­sam­fé­lagi þarf að ræða slíka þró­un, ekki bara í upp­hrópun­ar­stíl part úr degi á Alþingi. 

Auglýsing

Nýverið flutti for­sæt­is­ráð­herra Bret­lands ræðu í Flór­ens­borg sem beðið hafði verið með nokk­urri eft­ir­vænt­ingu enda var gerði hún þar grein fyr­ir fram­tíð­ar­á­formum Breta í kjöl­far útgöngu úr Evr­ópu­sam­band­inu. Í ræð­unni kom skýrt fram að það væri úti­lokað að EES samn­ing­ur­inn kæmi til greina sem lausn á fram­tíð­ar­sam­bandi Breta og ESB. Ástæðan væri sú að í því fyr­ir­komu­lagi fælist lýð­ræð­is­halli sem ekki væri ásætt­an­legur fyrir Breta. Bretar yrðu að taka upp allar reglur innri mark­að­ar­ins án þess að koma að gerð þeirra. 

Þessi orð for­sæt­is­ráð­herr­ans breska hljóta að vekja okkur til umhugs­un­ar. Flest erum við sam­mála því að EES samn­ing­ur­inn hafi fært okkur bæði efna­hags­lega vel­sæld og aukin rétt­indi. Sam­keppn­is­regl­ur, neyt­enda­vernd, umhverf­is­vernd, rétt­indi á vinnu­mark­aði og svo margt fleira í okkar lagaum­hverfi í dag á rætur að rekja til EES samn­ings­ins. Þá myndu fæstir vilja gefa eftir rétt­inn til að ferð­ast óhindrað í Evr­ópu, taka þar upp búsetu vegna náms eða starfa og eiga hindr­un­ar­laust við­skipti. 

Það er hins vegar sjálf­sögð og eðli­leg krafa að tekin sé umræða um hvort óhjá­kvæmi­legur lýð­ræð­is­halli EES samn­ings­ins sé ásætt­an­legur með til­liti til hags­muna allra, ekki bara sumra. Vega og meta hvort það kunni að þjóna almanna­hags­munum betur að ganga alla leið með fullri aðild að Evr­ópu­sam­band­inu. Hið minnsta verður að gefa almenn­ingi kost á því að taka afstöðu til þess hvort málin verði könnuð til hlít­ar. 

Ann­ars erum við bara eins og strút­ur­inn sem rekur höf­uðið þráð­beint í sand­inn þegar bleiki fíll­inn birt­ist. 

Höf­undur er stjórn­ar­maður í Já Ísland og vara­þing­maður Við­reisn­ar. 

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Ýmsar hættur í krefjandi „hagstjórn í hálaunalandi“
Gylfi Zoega heldur áfram umfjöllun sinni um stöðu mála í hagkerfinu. Í síðustu grein, sem birtist í Vísbendingu, fjallaði hann um efnahagslífið í hálaunalandi, en að þessu sinni er hugað að hagstjórninni.
Kjarninn 16. febrúar 2020
STARA - The Music of Halldór Smárason: verkefni sem samfélagið umvafði
Halldór Smárason safnar fyrir útgáfu á fyrstu plötu sinni á Karolina fund.
Kjarninn 16. febrúar 2020
Hilmar Þór Björnsson
Kynningarferli í skipulagi – Elliðaárdalur
Kjarninn 16. febrúar 2020
Verksmiðjan hefur ekki verið starfrækt síðan haustið 2017.
Verðmiðinn á verksmiðjunni í Helguvík lækkaði um 4,2 milljarða á níu mánuðum
Bókfært virði kísilmálmverksmiðju United Silicon í Helguvík er komið niður í 2,7 milljarða króna. Óvissa á mörkuðum fyrir silíkon hefur neikvæð áhrif á söluferli verksmiðjunnar.
Kjarninn 16. febrúar 2020
Tapaði rifrildi og varð vegan
Samviskan er svo mikilvægt tól, hún er áttavitinn okkar, segir Eydís Blöndal, varaþingmaður VG. Hún segir okkur þurfa að endurskoða það sem við teljum lífsgæði og hætta að líta á jörðina eins og hún sé eingöngu til fyrir mannfólk.
Kjarninn 16. febrúar 2020
Grænlenski olíudraumurinn lifir enn
Þrátt fyrir mikla leit að olíu og margar tilraunaboranir sem hafa engan árangur borið hyggst grænlenska landsstjórnin ekki leggja árar í bát. Landsstjórnin kynnir þessa dagana nýja olíuáætlun.
Kjarninn 16. febrúar 2020
Alibaba varar við víðtækum áhrifum veirunnar í Kína
Stærsta sölutorg á netinu í heiminum, Alibaba, varar við því að áhrifin af Kórónaveirunni verði víðtæk í Kína og að merki um það séu þegar farin að sjást.
Kjarninn 15. febrúar 2020
Árni Stefán Árnason
Hundahald á Íslandi - réttarstaða hunda og eigenda þeirra
Kjarninn 15. febrúar 2020
Meira úr sama flokkiAðsendar greinar