Þegar fjár­mála­á­ætlun var kynnt í vor, voru við­brögð mín við mennt­un­ar­kafl­anum sorg. Ég spurði Krist­ján Þór Júl­í­us­son, mennta- og menn­ing­ar­mála­ráð­herra hvort ekki væri við hæfi að votta samúð vegna hans. Við önd­uðum bæði djúpt og vorum sam­mála um að fjár­magnið til skóla­kerf­is­ins var ekki nægj­an­lega mik­ið. 

Þegar við í Bjartri fram­tíð gerðum sam­komu­lag um rík­is­stjórn og sömdum um mennta­málin lögðum við ríka áherslu á menntun og menn­ingu. Ég var ánægð að sjá að í öllum flokkum sem að rík­is­stjórn­ar­sátt­mál­anum komu var lögð áhersla á inn­spýt­ingu í mennta­kerf­ið. Ég trúði því að allir flokkar myndu tryggja að það yrði sett í for­gang og fram­kvæmt. 

Fjár­mála­á­ætl­unin sem kom fram í vor end­ur­spegl­aði ekki þann vilja sem rík­is­stjórn­ar­sátt­mál­inn gaf fyr­ir­heit um. Þar voru vissu­lega aðrar aðgerðir sem við höfðum sam­mælst um að væru mik­il­vægar líka en ég taldi veru­lega vanta upp á fjár­mögnun þeirra samt. Sem nýr þing­maður átt­aði ég mig ekki á því þá að í stað þess að þegja við áfallið hefði ég átt að tjá mig un von­brigðin varð­andi fjár­mögnun mennta­mál­anna.   

Þegar ég kom heim úr sum­ar­leyfi var ég ákveðin í að beita mér fyrir því að þrýsta á stefnu okkar í Bjartri fram­tíð og reyna að beita mér fyrir því að mennta­málin yrðu betur fjár­mögn­uð. Ég átti fund með ráð­herra um hug­myndir sem ég hafði um þau lof­orð okkar í stjórn­ar­sátt­mál­an­um. Okkar fundur var stuttur og svar hans á þann veg að ekki væru til pen­ingar til að gera það sem við höfðum sam­mælst um. 

Í dag hef ég ný tæki­færi sem full­trúi Bjartrar fram­tíðar í fram­boði. Við vitum fyrir hvað við stöndum þegar kemur að menntun og tökum upp þráð­inn að nýju við að tryggja það sem ekki birt­ist í fjár­mála­á­ætlun og fjár­lög­um. Okkar mennta­stefna snýst nefni­lega um skap­andi fram­tíð. 

Í stutti máli hér er nokkra punktur úr stefnu Bjartri fram­tíð um mennta­mál.

Við viljum að fjár­mögnun og tekju­skipt­ing ríkis og sveit­ar­fé­laga verði end­ur­skoð­uð, ekki síst varð­andi leik- og grunn­skóla. Ríkið leggi sveit­ar­fé­lög­unum til nýja eða aukna tekju­stofna til að standa undir lög­bundnum skyldum sínum og síauknum verk­efnum á öllum skóla­stig­um.

Björt fram­tíð vill styrkja rekstur fram­halds­skóla lands­ins og grípa til aðgerða strax enda hlut­fall útgjalda rík­is­ins til fram­halds­skóla­stigs­ins undri með­al­tali OECD ríkj­anna. Við viljum búa til kerfi sem lagar sig að nem­endum frekar en að nem­endur þurfi að að laga sig að kerf­inu.  Nauð­syn­legt er að ­fjölga ­nem­endum sem taka þann val­kost að skrá sig í verk­námi. Til þess þurfa stjórn­völd að ráð­ast í metn­að­ar­fulla stefnu­mótun á upp­bygg­ingu iðn­náms, end­ur­nýjun á tækja­kosti í iðn­mennta­skólum og kynn­ingu á nám­inu.

Fjár­fram­lög á hvern háskóla­nema á Íslandi eru líka lægri en að með­al­tali í OECD-­ríkj­unum og mun lægri en ann­ars staðar á Norð­ur­lönd­un­um. Íslenskir háskólar hafa verið veru­lega van­fjár­magn­aðir og munu ekki stand­ast sam­keppni um starfs­fólk, nem­endur og getu til að afla styrkja með þessu áfram­haldi. Háskól­inn verða að njóta meira sjálf­stæðis til þess að aðlag­ast breyttum tímum og til­einka sér nýsköpun af ýmsu tagi, í kennslu­háttum og rann­sókn­um. Við viljum að fjár­veit­ingar til háskóla end­ur­spegli nem­enda­fjölda og aukið fé sé sátt í sam­keppn­is­sjóði á sviði rann­sókna og tækni­þró­un­ar. 

Björt fram­tíð leggur mikla áherslu á að hús­næð­is­mál Lista­há­skóla Íslands verði leyst til fram­búðar  eins fljót og unnt er, þar sem hann er án vafa hjartað í fram­þróun upp­bygg­ingar skap­andi greina. 

Björt fram­tíð telur mik­il­vægt að efla kenn­ara­menntun til að bregð­ast við fækkun kenn­ara og minnk­andi aðsókn í kenn­ara­nám fyrir leik­skóla og grunn- og fram­halds­skóla.

Við viljum einnig að gert verði átak í að hvetja karla til að stunda kenn­ara­nám og að mik­il­vægt er að stuðla að breyttu við­horfi í sam­fé­lag­inu gagn­vart kennslu­starfi.

End­ur­skoða þarf starf­semi LÍN. Flækju­stig í umsókn­ar- og afgreiðslu­ferli er farið að hafa hamlandi áhrif á þjón­ustu þess og end­ur­vekja þarf grunn­hugsun LÍN sem er að styðja við bak ein­stak­linga.  Við viljum blandað kerfi náms­styrkja og náms­lána. Ódýr lán ættu að standa öllum til boða og náms­styrkir ættu að nýt­ast sem hvatn­ing til góðs árang­urs og til að jafna félags­lega stöðu stúd­enta.

Skap­andi fram­tíð felst meðal ann­ars í því að efla lista­kennslu á öllum skóla­stig­um, standa vörð um höf­und­ar­rétt­inn, lækka skatta á menn­ing­ar­starf­semi, þar á meðal á bæk­ur, stór­auka fjár­veit­ingar til skap­andi greina á öllum sviðum um allt land og efla menn­ing­ar­sam­starf okkar við aðrar þjóð­ir. Einu gildir hvor mæli­stikan er not­uð, efna­hags­leg eða menn­ing­ar­leg, við græðum öll á því að virkja og örva enn betur sköp­un­ar­gleð­ina og -kraft­inn sem býr í þjóð­inni og búa þannig til fjöl­breytt­ara, skemmti­legra, mann­eskju­legra og auð­ugra sam­fé­lag.

Höf­undur er þing­maður Bjartrar fram­tíðar og skipar odd­vita­sæti á lista flokks­ins í Reykja­vík­ur­kjör­dæmi suð­ur.