Taktu þátt í uppbyggingunni með okkur!

Kolbeinn Óttarsson Proppé, þingmaður Vinstri grænna, skrifar réttlátara skattkerfi og þá sveltistefnu sem hann telur hafa einkennt síðustu framlögðu fjárlög.

Auglýsing

Eftir níu daga kjósum við um það hvernig við viljum að sam­fé­lagið okkar sé. Viljum við byggja um sam­fé­lag til fram­tíðar með ábyrgum og skyn­sömum hætti, eða viljum við fara þá leið stöðn­unar sem Sjálf­stæð­is­flokk­ur, Við­reisn og Björt fram­tíð mörk­uðu í fjár­laga­frum­varp­inu sem lagt var fram í haust. Það er mik­il­vægt að muna að fjár­laga­frum­varpið var ekki frum­varp eins manns, fjár­mála­ráð­herra, heldur flokk­anna þriggja sem allir sam­þykktu að leggja það fram.

Fjár­laga­frum­varpið sprettur heldur ekki úr engu því það byggir á fjár­mála­á­ætlun til fimm ára og fjár­mála­stefnu. Þar er tónn­inn sleg­inn, ramm­arnir settir um hvað eigi að verju miklu (eða öllu heldur litlu) til­ ­upp­bygg­ing­ar í sam­fé­lag­inu. Allir þing­menn Sjálf­stæð­is­flokks, Við­reisnar og Bjartrar fram­tíðar sam­þykktu áætl­un­ina og stefn­una, studdu þá svelti­stefnu sem fjár­lögin byggja á.

Af hverju er ég að rifja þetta upp núna? Jú, vegna þess að um þetta snúa kosn­ing­arnar að miklu leyti. Þær snúa að því að afnema leynd­ar­hyggj­una sem er skjól fyrir kyn­ferð­is­of­beldi, sér­hygl­ina sem birt­ist í því að stjórn­ar­flokk­arnir skirrð­ust ekki við að koma á nýju dóm­stigi, Lands­rétti, þannig að stór hluti þjóð­ar­innar telur að það hafi verið gert eftir póli­tískum for­send­um. Og þær snú­ast um það hvernig við byggjum upp sam­fé­lag til fram­tíð­ar, sam­fé­lag sem er sam­keppn­is­hæft í lífs­kjörum og tæki­færum á við það sem best ger­ist eða sam­fé­lag stöðn­unar sem mun fara hall­oka í allri sam­keppni. 

Auglýsing

Fyrir síð­ustu kosn­ingar lof­uðu allir flokkar því að byggja hefja upp­bygg­ingu í heil­brigð­is­mál­um, mennta­mál­um, vel­ferð­ar­mál­um, sam­göngu­mál­um, hús­næð­is­málum og öðrum málum sem eru for­senda for­senda þess að við gætum nýtt þau tæki­færi sem fram­tíðin bíður upp á. Nú virð­ist sumir þeirra hafa gef­ist upp og eyða sínu púðri í að tala þá flokka niður sem vilja enn vilja ráðast ú upp­bygg­ingu til að und­ir­búa sam­fé­lagið fyrir fram­tíð­ina.

Það er nefni­lega hægt að sækja fram með ábyrgum og ­skyn­söm­um hætti án þess að hækka skatta á almennt launa­fólk. Vinstri græn vilja auka arð­greiðslur úr rík­is­bönkum um tugi millj­arða á kom­andi kjör­tíma­bili og nýta til að greiða niður skuldir þannig að afgangur rík­is­sjóðs fari í upp­bygg­ing­una. Við viljum auka skatt­eft­ir­lit og draga úr und­an­skot­um, sem getur skilað tugum millj­arða á hverju ári. Við viljum hækka afkomu­tengd veiði­gjöld á þau sem nýta sam­eig­in­legar auð­lindir þjóð­ar­inn­ar. Við getum tekið upp hóf­legan auð­legð­ar­skatt á hreina eign yfir 200 millj­ónum og hátekju­skatt á tekjur yfir 25 millj­ónir á ári.

Ekk­ert af þessu var að finna í fjár­mála­á­ætl­un ­Sjálf­stæð­is­flokks, Við­reisnar og Bjartrar fram­tíð­ar. Það að þessir frá­far­andi stjórn­ar­flokk­arnir séu á harða­hlaupum frá eigin fjár­mála­á­ætlun er í besta falli pín­legt. Það að Sjálf­stæð­is­flokk­ur­inn dúkki upp rétt fyrir kosn­ingar og lofi 100 millj­örðum úr bönk­un­um, nýbú­inn að leggja fram og sam­þykkja álykt­anir þar sem þetta var ekki að finna, er bara hefð­bund­ið kosn­inga­hjal til að vinna atkvæði. Við í Vinstri grænum teljum að flokkar eigi að segja það sama fyrir kosn­ingar og eftir þær, eigi m.ö.o. að standa við kosn­inga­lof­orðin sín.

 Og við viljum rétt­lát­ara skatt­kerfi.

Skatt­kerfi er nefni­lega ekki bara excel-skjal, rík­is­fjár­mál ekki bara fyr­ir­tækja­rekst­ur. Rík­is­fjár­mál eru er ramm­inn utan um sam­neysl­una, sjúkra­húsin okk­ar, veg­ina, mennt­un­ina, list­irn­ar, sam­fé­lagið allt. Það er hægt að fjár­magna þá nauð­syn­legu upp­bygg­ingu sam­fé­lags­ins sem kallað hefur verið eftir und­an­farin ár. Sem er afleið­ing þess að síð­ustu rík­is­stjórnir hafa svelt sam­neysl­una og þannig tekið lán inn í fram­tíð­ina. Lán eru nefni­lega ekki bara krónur og aurar í raf­rænu kerfi. Að láta inn­við­ina drabb­ast niður er svo mun dýr­ara en við­halda þeim og byggja stöðugt upp – það er lán sem kom­andi kyn­slóðir borga.

Stjórn­mála­flokkar þurfa að svara því hvað það kostar að byggja ekki upp inn­við­ina, að láta vega­kerfið drabb­ast nið­ur, van­rækja opin­bert heil­brigð­is­kerfi, mennta­kerfi. Að byggja ekki upp inn­viði fyrir ferða­þjón­ust­una, stærstu útflutn­ings­grein lands­ins? Að drag­ast aftur úr öðrum þjóðum í menntun og vís­indum og hlúa ekki nóg að unga fólk­inu okk­ar? Hvað kostar þetta allt sam­an? Hvaða tæki­færum missum við af vegna þessa? Hafa stjórn­mála­flokk­arnir svarað því?

Vinstri græn vilja ná breiðri sam­stöðu um að blása til sókn­ar, byggja upp vel­ferð­ar­sam­fé­lag, hafa öfl­uga sam­neyslu fyrir okkur öll. Kæri les­andi, taktu þátt í upp­bygg­ing­unni með okk­ur!

Höf­undur er þing­maður Vinstri grænna.

Meira úr sama flokkiAðsendar greinar