Hvers virði er stúdentspróf?

Frambjóðandi Miðflokksins veltir fyrir virði náms.

Auglýsing

Í sam­fé­lag­inu virð­ist algengt við­horf að menn eigi að ganga mennta­veg­inn áður en þeir fara að vinna ­fyrir sér. Menn eru ekki taldir hæfir til margra starfa án þess að ganga þann veg og vissu­lega má ­færa rök fyrir í ein­hverjum til­fell­um. Þá er það við­horf algengt að hærra mennt­un­ar­stig geri menn verð­mæt­ari en þá sem eru af lægra mennt­un­ar­stigi. Þetta við­horf end­ur­spegl­ast að ein­hverju leiti í því hvernig sam­fé­lagið verð­launar menn fyrir hærra mennt­un­ar­stig með hærri laun­um. Þetta er vissu­lega rétt­læt­an­legt í þeim til­fellum þar sem námið er nauð­syn­legur und­ir­bún­ingur fyrir starf­ið. En það er ekki alltaf svo að náms­leiðin öll geri menn betur und­ir­búna.

Menntaminni­mátt­ar­kennd 

Er ekki betra að verða álit­inn snill­ingur og útskrif­ast úr virtri mennta­stofnun á „háu“ skóla­stigi frekar en „lág­u“? Meira að segja nafnið „há­skóli“ eða „há­skóla­nám“ gefur til kynna að þetta sé æðra nám heldur en ann­að. Sá sem hættir við að læra iðn­grein og ákveður að fara frekar háskóla­leið­ina vegna slíkra við­horfa má segja að sé hald­inn „menntaminni­mátt­ar­kennd“. Hann ótt­ast álit ann­arra og velur því ­mögu­lega nám og frama í grein og starfi sem höfðar síður til hans. 

Iðn­nám er fyrsta flokks nám 

Verk­menntun og iðn­nám er ekki ann­ars flokks nám og myndi ég ganga svo langt að segja að þetta sé ­fyrsta flokks nám á Íslandi. Í iðn­námi eru strangar reglur um hvað meist­arar þurfa að hafa til að ber­a til að mega taka nema í starfs­þjálf­un. Mikil áhersla er lögð á að iðn­nemar læri á alla verk­þætti og ­jafn­vel rekstur vinnu­staða. Iðn­meist­arar þurfa jafn­ramt að læra kennslu­fræði til að mega kalla sig slík­a. Hér á landi er rík hefð fyrir að þjálfa menn til starfa. Það á reyndar við jafnt í háskóla eða fram­halds­skóla. En er endi­lega mik­ill munur þarna á milli? Er háskóla­nám flókn­ara eða tíma­frekara heldur en iðn­nám? Ég tók saman töl­fræði um þetta efni.

Auglýsing

Námstími starfsgreinanáms.

Stúd­ents­próf ofmet­ið 

Á þessum sam­an­burði sést glögg­lega hvernig hefðin fyrir kröfu á stúd­ents­próf hefur áhrif á há­skóla­grein­arn­ar. Það má leiða líkur að því að eftir stúd­ents­próf séu menn engu hæf­ari til að starfa ­sem tann­læknar en raf­virkjar, enda er gerð krafa um að ljúka fag­tengdu bók­námi í báðum grein­um. ­Stuðn­ings­menn óbreytts fyr­ir­komu­lags gætu etv. sagt á móti að stúd­ents­prófið und­ir­búi menn vel fyr­ir­ há­skóla­nám án þess þó að útskýra frekar hvernig nám í við­skipta­fræði sé frá­brugðið fag­legu bók­námi ­vél­stjóra í fram­halds­skóla. Er stúd­ents­próf virki­lega nauð­syn­legur und­ir­bún­ingur fyrir aðra grein­ina en ekki hina? 

Fram­tíð­ar­tón­list 

Við hjá Mið­flokknum viljum opna á umræðu um að stytta nám til súd­ents­prófs veru­lega eða slaka á kröfum um stúd­ents­próf til inn­göngu í háskóla. Krafan um ófag­tengt bók­nám er ekki komin frá­ at­vinnu­líf­inu, það sést best í iðn­grein­un­um, þar sem fag­fé­lög út atvinnu­líf­inu eiga ríkan þátt í að móta ­náms­skránna. Við hjá Mið­flokknum viljum að ríkið taki auk­inn þátt í að styðja fjár­hags­lega við iðn­nám svo að fleiri, bæði nem­endur og skól­ar, sjái sér hag í að fara þá leið. 

Á Íslandi er brenn­andi þörf fyr­ir­ fleira iðn- og starfs­menntað fólk, sér­stak­lega í bygg­ing­ar- og tækni­geir­an­um. Við höfum ekki efni á menntaminni­mátt­ar­kennd. ­Jafn­fram viljum við stuðla að því að fleiri velji sér þá leið að fara í nám í því fagi sem þeir nú þeg­ar ­starfa við og er raun­færni­mat góður kostur til að auð­velda þá leið. Nú þegar hafa um 2000 iðn­nemar ­fengið raun­færni sína á vinnu­mark­aði metna til stytt­ingar á bók­námi með til­stuðlan af raun­færni­mat­i Ið­unn­ar. Við viljum marg­falda þessa tölu og stuðla þannig að því að auka færni og menntun allra ­greina. Opnum á þessa umræðu og þorum að sjá tæki­fær­in. Ef mennt er mátt­ur, þá er færni vald.

Höf­undur er verð­andi raf­virkja­meist­ari og fram­bjóð­andi fyrir Mið­flokk­inn í Reykja­vík Suð­ur.

Fyrir einu ári síðan: „Við eigum Ísland, það eina sem við eigum eftir að gera er að taka það“
Lífeyrissjóðir landsins eiga stóran hluta af íslensku atvinnulífi. Hávær krafa hefur lengi verið um að þeir verði virkari eigendur og nýti sér þau völd sem í því felast til að beita sér fyrir lífsgæðum sjóðsfélaga í nútíð ekki síður en í framtíð.
Kjarninn 21. september 2019
Bólusótt í hættu
Er réttlætanlegt að geyma veirur eins og bólusótt, sem geta valdið jafnmiklum mannskaða og raun ber vitni?
Kjarninn 21. september 2019
Tæknivarpið
Tæknivarpið
Tæknivarpið – Uppfærðar græjur, Sambandið og Apple Arcade
Kjarninn 21. september 2019
Birgir Birgisson
Reið hjól
Kjarninn 21. september 2019
Þjálfa þarf peningahund til að berjast gegn peningaþvætti
Embætti tollstjóra skortir bæði þekkingu og úrræði til að geta almennilega haft eftirlit með smygli á reiðufé til Íslands. Á meðal þeirra úrræða sem lagt er til að ráðist verði í er að þjálfa peningahund.
Kjarninn 21. september 2019
Klikkið
Klikkið
Klikkið - Að iðka mannréttindi
Kjarninn 21. september 2019
Athuga hvar eftirlitsaðilar gera ónauðsynlegar kröfur til matvæla
Umhverfisráðherra hefur hrundið af stað aðgerðum til að vinna gegn matarsóun á Íslandi. Meðal annars verður gerð athugun á því hvar eftirlitsaðilar gera mögulega ónauðsynlegur kröfur til matvælaöryggis sem ýtt gætu undir matarsóun.
Kjarninn 21. september 2019
Brim-flétta KS fagnaðarefni fyrir Skagfirðinga
Eftir að hafa keypt hlutabréf í Brimi, og selt nokkrum vikum síðar, hefur Kaupfélag Skagfirðinga styrkt stöðu sína.
Kjarninn 21. september 2019
Meira úr sama flokkiAðsendar greinar