Atvinnuviðtalið

Nichole Leigh Mosty, þingmaður Bjartrar framtíðar, segir að sitt markmið hafi verið að hafa áhrif á bætt vinnubrögð á Alþingi og leggja áherslu á að þingmenn störfuðu af heilindum við það að setja lög og reglur til að fá bestu niðurstöðu fyrir almenning.

Auglýsing

Fyrir ári síðan sagði mér fyrrum alþing­is­kona að ég væri mætt í atvinnu­við­tal hjá þjóð­inni. Nú þegar ég er aftur komin á þann stað velti ég fyrir mér hvernig best er að und­ir­búa sig undir það. Sem leik­skóla­stjóri tók ég oft á móti fólki í atvinnu­við­töl þar sem við fórum yfir styrk­leika og veik­leika, reynslu og þekk­ingu og hvaða fram­tíð­ar­sýn umsækj­endur höfðu um starf­ið.

Því miður hefur kosn­inga­bar­áttan hingað til, minna snú­ist um þessi atriði en meira um leik­endur og ger­end­ur. Mig langar hins vegar meira að svara spurn­ingum um það sem almenn­ingur kallar eft­ir. Heið­ar­leg vinnu­brögð og fram­lagið til starfs­ins á Alþingi.

Ég mætti til leiks í lok síð­asta árs, stút­full af áhuga og metn­aði til að standa mig vel og vissi að mik­il­væg­asta verk­efnið var að vera heið­ar­leg. Alveg sama hvað ég tæki mér fyrir hend­ur. Mér var fal­inn sá heiður að taka við for­mennsku í vel­ferð­ar­nefnd, vara­for­mennsku í alls­herj­ar- og mennta­mála­nefnd og sem fjórði vara­for­seti þings­ins. Ég mætti á 96 af 97 ­nefnd­ar­fund­um auk fjöl­margra ann­arra sem tals­maður barna á Alþingi og í þró­un­ar­sam­vinnu­nefnd. Ég hef haft mikla ánægju af því að bæta við mig þekk­ingu um sam­fé­lagið og kerfin sem þjóna því á hverjum degi. Ég lagði mig fram um að eiga sam­töl og afla þekk­ingar hjá frjálsum félaga­sam­tökum og rík­is­stofn­unum til að skilja sem best kerfin og þau lög og reglur sem lög­gjaf­inn set­ur. Af þeim sam­tölum lærði ég mjög margt um það hvað betur má fara í sam­fé­lag­inu. Ég við­ur­kenni líka að hafa lært að ég hafði stundum rangt fyrir mér. Ég hef því leyft mér að skipta um skoðun eftir að hafa hlustað á þá sem þekk­ingu hafa á þeim málum sem komu til umræðu. Slík þekk­ing er mik­il­vægt vega­nesti sem ég tel nauð­syn­legt að hafa að leið­ar­ljósi við vinnslu mála. 

Auglýsing

Ég lærði líka að sjálf hef ég ýmsa styrk­leika og veik­leika. Margt af því hefur nýst mér í starf­inu og ég hef líka lært að yfir­stíga veik­leika sem voru mér til trafala. Það er ekki alltaf styrk­leiki að brenna af ástríðu fyrir því sem maður tekur sér fyrir hend­ur. Sér­stak­lega ekki í póli­tík. Það kann að hljóma skringi­lega en í mínu til­felli hefur sú ástríða leitt til þess að ég hef fellt tár og misst stjórn á til­finn­ingum mínum í ræðu­stól á Alþingi. Ég hef líka gerst sek um að láta fjöl­skyldu og vini gjalda fyrir það að ég hef lagt ofurá­herslu á að vinna vinn­una mína og gera það vel. Þannig er hins vegar bara starf alþing­is­manna. 

Ég tel að hags­munir þeirra sem mál­efnin varða eigi alltaf að ráða för. Ég hef hins vegar fundið fyrir því að flokkspóli­tík og flokkslínur hafa gjarnan verið teknar fram fyrir þá hags­muni. Ein­hverjir kunna að telja það veik­leika í mínu fari að hafa ekki talað meira um flokk­inn minn en þannig erum við nú bara gerð í Bjartri fram­tíð. Við berjum okkur ekki á brjóst og tölum um flokk­inn því hags­munir heild­ar­innar eru okkur ein­fald­lega ofar í huga en okkar eigin flokk­ur. Við tölum því oftar um jafn­ræði, mann­rétt­indi, hag­nýt­ingu á almannafé og mann­eskju­legra sam­fé­lag en Bjarta fram­tíð. 

Mitt mark­mið var að hafa áhrif á bætt vinnu­brögð á Alþingi og leggja áherslu á að þing­menn störf­uðu af heil­indum við það að setja lög og reglur til að fá bestu nið­ur­stöðu fyrir almenn­ing. Við það verk­efni þurfum við ekki öll að vera sam­mála en við þurfum að bera virð­ingu hvert fyrir öðru og vinna saman að því verk­efni. Í Bjartri fram­tíð lítum við á starf okkar stjórn­mála­manna sem þjón­andi hlut­verk og að það sé okkar meg­in­verk­efni að hlusta á kjós­endur okkar og vinna með það sem við heyr­um. Það er því mitt mark­mið að halda áfram að vinna í þeim anda í þeim til­gangi að skapa sam­fé­lag fyrir alls kon­ar. Sam­fé­lag þar sem allir fá tæki­færi til að njóta lífs­ins og lifa með reisn á sínum for­send­um. Björt fram­tíð var stofnuð til þess.

Ég tel Bjarta fram­tíð eiga mik­il­vægt erindi í stjórn­mál þar sem ákall sam­fé­lags­ins slær í takt við það sem við höfum að bjóða. Við höfum sýnt það í verki að við erum til­búin til að taka erf­iðar ákvarð­an­ir, axla ábyrgð við stjórn og vinnslu mik­il­vægra mála, leita lausna þegar aðrir hafa ekki haft getu til að sýna sveigj­an­leika og síð­ast en ekki síst að standa í lapp­irnar þó það kost­aði okkur eft­ir­gjöf valda til að halda í heið­ar­leg gildi og prinsipp. Þau voru ekki og verða aldrei til sölu fyrir valda­stóla þegar ekki er hægt að treysta sam­starfs­að­ilum til að vera ærlegir í sam­starf­inu. 

Hvað mig varðar er ég til­búin til að halda áfram að vinna að bættum almanna­hag með gagn­sæi, jafn­ræði og heið­ar­leika að leið­ar­ljósi og mun hér eft­ir, sem hingað til, leggja mitt af mörkum við að bæta vinnu­brögð í þing­inu.

Höf­undur er þing­maður Bjartrar fram­tíð­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Áfengi spilar afar stjórt hlutverk í danskri unglingamenningu.
Danskir menntaskólar endurhugsi drykkjumenninguna
Danska heilbrigðisstofnunin hefur sent menntaskólum landsins bréf þar sem óskað er eftir því að hætt verði að gera áfengi hátt undir höfði á viðburðum á vegum skólanna.
Kjarninn 14. ágúst 2022
Vilja gera óperuna aðgengilega fyrir Íslendinga
Kammeróperan ætlar að flytja meistarverkið Così fan tutte eftir Mozart íslensku á óperukvöldverði í Iðnó. Safnað er fyrir verkefninu á Karolina fund.
Kjarninn 14. ágúst 2022
Korn frá Úkraínu loks á leið til Afríku á barmi hungursneyðar
Flutningaskip á vegum Sameinuðu þjóðanna er á leið til Afríku með fullan farm af korni frá Úkraínu. Um er að ræða fyrstu kornflutninga frá Úkraínu til Afríku síðan Rússland réðst inn í Úkraínu.
Kjarninn 14. ágúst 2022
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Meira úr sama flokkiAðsendar greinar