Rödd makrílsins

Sabine Leskopf vill að innflytjendur fái rödd í umræðum um innflytjendamál. Þannig sé hægt að sýna öllum að um sé að ræða fjölbreyttan hóp sem geti auðgað umræðuna.

Auglýsing

Í Silfri Egils þann 12. nóv­em­ber var fjallað um fjölgun útlend­inga á Íslandi, ein besta og mál­efna­leg­asta umræða um þennan mála­flokk sem ég hef séð í langan tíma, Þórður Snær Júl­í­us­son er einn besti grein­and­inn í þessum mála­flokki og honum tókst að opna augun þátt­tak­enda og okkar allra um gíf­ur­leg og jákvæð áhrif inn­flytj­enda á efna­hag Íslands, en fólk af erlendum upp­runa telst nú þegar 27,3% allra skatt­greið­enda og fjölgar ört. Sem dæmi fyrir grund­völl hag­vaxtar á Íslandi voru nefnd útflutn­ingur á makríl og inn­flutn­ingur á vinnu­afli af erlendum upp­runa. 

Skilj­an­lega var engum full­trúa mak­ríl­stofns­ins boðið í þátt­inn. En engum inn­flytj­anda heldur sem er nú erf­ið­ara að skilja. Gætum við séð fyrir okkur í dag umræðu­þátt um kynja­jafn­rétti þar sem ein­ungis karl­mönnum væri boð­ið? Umræðu um nýliðun í kenn­ara­stétt án þess að full­trúi kenn­ara væri við­staddur sem sér­fræð­ing­ur? Inn­flytj­endur eru nú þegar 11 % af fólk­inu sem byggir þetta land en langoft­ast heyrum við jafn lítið í þeim og makríln­um. Jákvæð teikn voru á loft­inu á síð­asta þingi þar sem tveir þing­menn voru af erlendum upp­runa og í fyrsta skipti var rætt í ein­hverjum mæli við fólk sem fædd­ist ekki hér á land­inu um breiða mála­flokka, ekki bara inn­flytj­enda­mál. Grunur lædd­ist að manni að inn­flytj­endur væru alls konar fólk, jafn­vel fólk með alls konar skoð­an­ir. En við virð­umst hafa tekið fleiri skref til baka aftur núna.

Töl­urnar sem lagðar voru fram og grein­ar­góðar skýr­ingar á þeim í þessum þætti verða að vekja okkur af værum blundi, okkur í sveit­ar­stjórn­ar­mál­u­m ­sem þurfa að skapa börnum af erlendum upp­runa fram­tíð og jöfn tæki­færi en ekki síður þá sem starfa við stefnu­mótun þjóð­fé­lags­ins í heild sinni. Í þætt­inum var rætt um störf sem „við Íslend­ingar kærum okkur ekki um að vinna“, lág­launa- og þjón­ustu­störf sem eru ætluð inn­flytj­end­um. Hér kom mjög vel fram og mik­il­vægt er að nefna hlut­ina eins og þeir eru: að Ísland hefur engan metnað að vera aðlað­andi fyrir hámenntað fólk af erlendum upp­runa, þó að það vantar líka t.d. lækna og hjúkr­un­ar­fræð­inga. Við gætum með þess­ari þróun stefnt að því að skapa til lang­frama tví­skipta þjóð:  ein­hvers konar herra­þjóð ráð­andi stéttar auð­ugra inn­fæddra og þöglan her þjón­ustu­að­ila af erlendum upp­runa. Nýras­istar í íslensku sam­fé­lag­inu sem „þora að taka umræð­una“ gæti nú sagt „já, takk“ við þeirri fram­tíð­ar­sýn. En ég er samt sann­færð um að stærsti hluti Íslend­inga sættir sig ekki við að búa í slíku sam­fé­lagi.

Auglýsing

Mik­il­vægt skref væri að gefa inn­flytj­endum rödd í opin­berri umræðu, ekki bara til að fá sér­fræði­á­lit þeirra á eigin mál­efn­um, heldur að sýna öll­um, fólki af íslenskum sem og erlendum upp­runa, að inn­flytj­endur séu fjöl­breyttur hópur sem gæti jafn­vel auðgað umræð­una með víð­ari sýn og reynslu sinni. Ég hvet þess vegna fjöl­miðla að nýta sér raddir inn­flytj­enda í umræð­unni, það græða allir á því. Hver veit, við gætum jafn­vel haft skoðun á mak­ríl­veið­unum.

Höf­undur er vara­borg­ar­full­trúi.

Bára Huld Beck
#metoo – Eftir hverju er verið að bíða?
Kjarninn 24. júní 2018
Rut Guðnadóttir
Viltu vera memm?
Kjarninn 24. júní 2018
Viðhorf íslenskra kvenna jákvætt gagnvart erfðaráðgjöf og erfðaprófi
Samkvæmt íslenskri rannsókn er viðhorf íslenskra kvenna jákvætt gagnvart erfðaráðgjöf og erfðaprófi vegna BRCA-stökkbreytinga en um helmingur virðist hafa áhyggjur af skertum rétti til sjúkratrygginga í kjölfar jákvæðrar niðurstöðu.
Kjarninn 24. júní 2018
Fanney Birna Jónsdóttir
Fjórflokkur Dags
Kjarninn 24. júní 2018
Gamla ráðhúsið í Randers
Danskur eftirlíkingarmiðbær í Kína
Er nokkuð 1. apríl sagði Anne Mette Knattrup framkvæmdastjóri ferðamála í Randers á Jótlandi þegar hún frétti að í Kína stæði til að reisa nákvæma eftirlíkingu miðbæjarins í Randers. En þetta var ekki 1. aprílfrétt og Kínverjum er full alvara.
Kjarninn 24. júní 2018
Áhrif Bláu plánetunnar láta á sér kræla
Eftir frumsýningu heimildaþátta BBC um lífríkið í hafinu hefur fólk í Bretlandi og víðar tekið við sér og ákveðin vitundarvakning virðist hafa átt sér stað. Sir David Attenborough segist vera furðulostinn yfir viðbrögðunum.
Kjarninn 23. júní 2018
Mænusótt snýr aftur
Þrátt fyrir jákvæð teikn á lofti um að mænusótt myndi brátt heyra sögunni til þá bárust þau tíðindi fyrir skömmu að veiran hefði greinst í Venesúela.
Kjarninn 23. júní 2018
Sama hver lausnin á vandamálum leigumarkaðsins er mun ekkert breytast nema að afstaða Íslendinga til húsnæðisleigu breytist.
Hvernig er hægt að gera leigumarkaðinn öruggari?
Leigumarkaðurinn á Íslandi er óstöðugur og hefur hækkað hratt á undanförnum árum. Hvaða ástæður liggja að baki því og hvernig getum við bætt hann að mati sérfræðinga?
Kjarninn 23. júní 2018
Meira úr sama flokkiAðsendar greinar