Kunnuglegar bólubjöllur Bitcoin

Björgvin Ingi Ólafsson þekkir vel til Bitcoin, en segja má að árið 2017 hafi verið stóra-Bitcoin árið á mörkuðum.

Auglýsing

Bitcoin átti árið 2017. Gengið hátt í tutt­ugu­fald­að­ist þegar best lét en end­aði árið með um þrettán földun frá upp­hafi árs. Flugið er svipað og varð á gulli fjöru­tíu árin fram að toppi gull­verðs árið 2011 (gull hefur lækkað um 40% síð­an, svipað og Bitcoin frá hæsta punkti árs­ins 2017).

Tím­inn frá því fólk hafði ekki heyrt á Bitcoin minnst, fór að spyrja hvað Bitcoin sé, í að spyrja undir lok árs hvernig kaupi ég Bitcoin, hefur verið ótrú­lega stutt­ur. Bitcoin hefur farið á flug um sam­fé­lags­miðla, frétta­miðla og fjöl­skyldu­boð, flug sem lætur ein­fald­lega allar fjár­mála­bólur sög­unnar líta illa út hvort sem litið er til umfjöll­unar eða verð­þró­un­ar.

Það er auð­velt að segja að kunn­ug­legar bólu­bjöllur séu farnar að klingja. Með sama hætti og í fyrri bólum ræðir ólík­leg­asta fólk við mann um Bitcoin. Alveg eins og þegar hluta­bréfa­ráð­gjöfin fyrir ára­tug var áber­andi segja leigu­bíl­stjórar manni núna í óspurðum fréttum frá Bitcoin.

Auglýsing

Bitcoin. Hvað gerist næst?

Fjöl­margar dæmisögur er hægt að segja til að sann­færa mann um að Bitcoin bóla sé í gangi. Bitcoin appið Coin­Ba­se, þar sem hægt er að fylgj­ast með þróun og eiga við­skipti með Bitcoin, er vin­sælasta appið í Banda­ríkj­unum. Það skýtur bæði Face­book og Instagram öpp­unum ref fyrir rass. Hvernig er hægt að trúa að þetta sé ekki bara bóla?

Þeir sem lengi hafa verið á Bitcoin vagn­inum segja almenn­ing ein­fald­lega ekki skilja Bitcoin frekar en inter­netið á sínum tíma. Hrein­trú­aðir segja að Bitcoin sé ein­fald­lega það ólíkt því sem við þekkjum að ekki sé hægt að bera það saman við neitt ann­að. Bitcoin breyti ein­fald­lega lands­lag­inu. Ein vin­sælasta söluræðan er að alveg eins og það var ekki fyr­ir­séð á tíunda ára­tugnum hvað inter­netið gæti gert fyrir dreif­ingu og miðlun upp­lýs­inga þá átta fáir sig nú á því hvað Bitcoin, og þá ekki síður Blockchain tæknin sem er á bak við Bitcoin, getur gert fyrir pen­inga og fjár­mála­kerf­ið. Nokkuð kraft­mik­ið, ekki satt? Hvort Bitcoin breytir öllu eða engu er þó enn algjör­lega óljóst.

Er hægt að búa til traust án sterkra stofn­ana?

Dularfulli Bitcoin stofnandinn ætti kannski að vera maður ársins?Það er mjög auð­velt að skrifa skemmti­legar Bitcoin sögur og pæl­ing­ar. Upp­á­haldið mitt er að hugsa um Bitcoin sem merki­lega til­raun til að búa til dreif­stýrt traust. Hingað til hefur traust í sam­fé­lagi orðið til á grunni sterkra stofn­ana eins og seðla­banka, þingi eða skóla. Ef traust mynd­ast um eitt­hvað eins og Bitcoin verður í fyrsta sinn til dreif­stýrt traust — ­traust til nets í stað traustrar stofn­un­ar. 

Það er svo margt áhuga­vert umfram ævin­týra­lega hækkun Bitcoin síð­ustu mán­uði. Til­urð Bitcoin er sveipuð dulúð, höf­und­ur­inn er leyni­per­sóna, yfir­völd tor­tryggja til­gang þess og hlut­verk og und­ir­liggj­andi flókna tækni skilja fáir.

Bitcoin hefur jafn­framt um margt þró­ast öðru­vísi en lagt var upp með á sínum tíma. Raun­veru­leik­inn er mjög ólíkur hinni útópísku heims­mynd sem margir teikn­uðu upp og heill­uð­ust af.

- Í stað þess að vera mynt sem hægt er að nota til að kaupa víða vörur og þjón­ustu er Bitcoin fyrst og fremst spá­kaup­mennsku­eign í ætt við hrá­vöru eins og gull.

- Í stað þess að vera skil­virk leið til við­skipta er við­skipta­kostn­aður mik­ill, við­skipti tíma­frek og orku­sóun gríð­ar­leg. Dag­lega eru 300.000 Bitcoin færslur sem hver þarf 215 kílóvatt­stund af orku.

- Í stað þess að vera dreif­stýrð og engum háð er bæði eign­ar­haldið á stærstum hluta Bitcoin sem og reikni­getan til námu­graft­ar­ins á fárra hönd­um. Um 1,000 stór­laxar eiga yfir 40% af virði Bitcoin og meira en helm­ingur námu­graft­ar­kraft­anna, þess sem þarf til að búa til ný Bitcoin, er á valdi fjög­urra stærstu náma­fé­lag­anna. Stærsta námu­fé­lag­ið, hið kín­verska Ant­Pool, er með 17% af reikni­kraft­in­um.

Betra en gull?

Sumir trúa því að Bitcoin sé raf­rænt gull og að Bitcoin geti myndað sams konar grunn fyrir við­skipti fram­tíðar og gull eða Banda­ríkja­dal­ur. Sumir spá því að það verði „Bitcoin-­fót­ur“ á gjald­miðlum og við­skiptum í fram­tíð­inni og þjóða­gjald­miðlar líði undir lok.

Bitcoin, hefur eins og gull, ekk­ert eig­in­legt virði. Papp­ír­inn í doll­ara­seðl­inum hefur að sama skapi ekk­ert virði. Það er ein­fald­lega sann­fær­ingin um að þú getur skipt þessum bleðli, eða gull­stöng, fyrir verð­mæti sem grund­vallar verð­mæti seð­ils­ins. Alveg eins gildir að virði Bitcoin felst í því að eig­andi Bitcoin trúir því að ein­hver annar vilji taka við Bitcoin gegn afhend­ingu verð­mæta. Þeir halda svo á Bitcoin, en nota það ekki í við­skipt­um, því þeir trúa því að virðið verði meira í fram­tíð­inni en í dag.



Ómögu­legt að segja hvað ger­ist næst

Það er ekki ofsögum sagt að mjög erfitt er að segja hvernig þróun á Bitcoin verð­ur. Við getum spurt okkur hvort eiga megi von á því að gengi Bitcoin lækki árið 2018 um 70% eins og gerð­ist 2014 eða hækki eitt­hvað í lík­ingu við árið 2017.

Sann­færður um kraft Blockchain

Ég er sann­færður um að Blockchain tæknin sem Bitcoin byggir á mun í fram­tíð­inni hafa áhrif á fjár­mála­kerf­ið. Ég trúi líka að ein­hver dulkóð­un­ar­mynt í ætt við Bitcoin mun hafa mikil áhrif í fram­tíð­inni. Ég trúi hins vegar ekki að Bitcoin sé stóra svarið við umbreyt­ingu fjár­mála­þjón­ustu eða að sú dulkóð­un­ar­mynt sem mun hafa mestu áhrifin sé komin fram. Eina sem við vitum er að flug Bitcoin var sögu­legt árið 2017, Bitcoin komst í almenna umræðu og spenn­ing­ur­inn fyrir fram­þróun fjár­mála­þjón­ustu er meiri en nokkru sinni fyrr.

Auð­velt er að trúa því að Bitcoin árið 2018 verði ólíkt 2017. Ef Bitcoin tekur yfir 2018 eins og 2017 þá hefur tekið Bitcoin í alvöru tekið yfir (fjár­mála)heim­inn. Hækkun árs­ins 2017 var það svaka­leg að ef hún heldur eins áfram 2018 mun virði Bitcoin fara yfir verð­mæti allra hluta­bréfa í kaup­höll­inni í London í júní, yfir verð­mæti allra hluta­bréfa í kaup­höll­inni í New York í októ­ber og yfir sam­an­lagt virði allra hluta­bréfa skráð á öllum mörk­uðum í heim­inum í apríl 2019[1]. Ég treysti mér til að spá að það ger­ist ekki.

Höf­undur er hag­fræð­ingur og stýrir stefn­u­­­mótun og mark­aðs­­­málum hjá Íslands­­­­­banka.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Ást og fótbolti
Auður Jónsdóttir rithöfundur gerðist íþróttafréttaritari og fór á landsleik með átta ára syni sínum og fótboltavinkonu. Henni fannst takturinn í HÚH-inu sem kyrjað var í stúkunni minna sig á stigvaxandi samfarir.
Kjarninn 15. október 2019
Kvikan
Kvikan
Ríkustu tíu prósentin, margföld mánaðarlaun hjá Kaupþingi og sókn Miðflokks
Kjarninn 15. október 2019
Magnús Harðarson skipaður nýr forstjóri Kauphallarinnar
Magnús Harðarsson tekur við af bróður sínum Páli sem forstjóri Nasdaq Iceland.
Kjarninn 15. október 2019
Kaupþing felldi niður bótamál gegn fyrrverandi stjórnendum
Kaupþing ehf. samdi í september í fyrra við tryggingafélög vegna stjórnendaábyrgða sem bankinn hafði keypt fyrir bankahrun til að tryggja sig fyrir atferli stjórnenda.
Kjarninn 15. október 2019
Lífeyrissjóðir lánuðu þriðjungi minna í ágúst en í fyrra
Aðgerðir lífeyrissjóða til að þrengja aðgengi að lántökum hjá sér, og kólnandi markaður, leiddu til þess að mun lægri upphæð var tekin að láni hjá þeim til íbúðakaupa í ágústmánuði 2019 en í sama mánuði árin á undan.
Kjarninn 15. október 2019
Milljarða tap Arion banka
Taprekstur hjá Valitor, TravelCo og fall kísilverksmiðjunnar í Helguvík, leiða til milljarðaniðurfærslna í efnahagsreikningi Arion banka.
Kjarninn 14. október 2019
Stjórnvöld nýti tækifærið til að færa heimilum betri vaxtakjör
Samtök atvinnulífsins telja að stjórnvöld eigi að hraða því að lækka sérstakan skatt á fjármálafyrirtæki, meðal annars til að lækka vexti á lánum til heimila og fyrirtækja.
Kjarninn 14. október 2019
Bankasýslan fagnar lækkun bankaskattsins
Bankasýsla ríkisins heldur á eignarhlutum ríkisins í fjármálafyrirtækjum.
Kjarninn 14. október 2019
Meira úr sama flokkiAðsendar greinar