Það er deg­inum ljós­ara að í orma­gryfju auð­jöfr­anna er verið að und­ir­búa næstu ráns­her­ferð á hendur almenn­ingi á Íslandi. Tæki­færið til að tappa vel af líf­eyr­is­sjóð­um, bönkum og eignum almenn­ings nálg­ast óðum. Allt klárt í næstu bylgju gjald­þrota, atvinnu­miss­is, eymdar og örviln­un­ar. Með gjöf rík­is­ins á Arion banka til ein­hverra aðila, sem eng­inn stjórn­mála­maður vill vita hvort heitir Ólafur eða Björgólf­ur, pétur eða páll, er verið að þung­vopna ræn­ingj­ana. Veislan er fyrir suma, aðrir borga.

Má ekki segja frá?

Fyr­ir­tæki í bygg­ing­ar­iðn­aði sem eru flest rekin með svörtu vinnu­afli á launum undir lág­mark­s­töxt­um, raka til sín lánsfé úr bönk­un­um, skuldir hrann­ast upp, eig­endur og vild­ar­vinir kaupa ódýran gjald­eyri sem komið er úr landi sem skjótast, og svo telja auð­jöfr­arnir niður að núll­inu. Núll­inu þegar gengið hryn­ur, bank­arnir tómir, fyr­ir­tækin skilin eftir alls­laus og yfir­skuld­sett. Ein­hvern veg­inn kann­ast maður við aðferð­irn­ar. Látið er líta út fyrir að allt sé í blóma. Þegar í raun er eng­inn jarð­vegur eftir og frostkuld­inn sleikir nakta jörð.

Hvar er þjóð­ar­auð­ur­inn?

Fram­legðin í íslensku atvinnu­lífi er ekki mik­il. Pen­ingar hlað­ast aftur á móti upp í bönkum og fjár­mála­fyr­ir­tækjum til notk­unar fyrir þá sem hafa skammtað sér for­rétt­indi á kostnað almenn­ings. Allur þessi banka­auður er í raun geld­fé. Brask banka og fjár­mála­fyr­ir­tækja með eignir , lönd og líf­eyr­is­sjóði er án alls eft­ir­lits og aðeins örfáir útvaldir hafa þar aðkomu. Gömlu útgerð­ar­furst­arnir eru bara smá­seiði miðað við hina nýju stétt auð­jöfra sem síð­asta hrun ól af sér.

Börnin okk­ar...

Viljum við að börnin okk­ar, barna­börnin okk­ar, vinir og vanda­menn þurfi að fara í gegnum þetta hel­víti, end­ur­tekn­ingu á 2008? Er eng­inn, alls eng­inn, nógu hug­aður til að fletta ofan af glæpa­lýðn­um, halda þeim frá ráns­fengnum sem þeir renna hýru auga til, stöðva þessa geð­veiki. Erum við orðin svo spillt og sjálfselsk, að við ætlum aðeins að horfa á, bjarga eigin skinni og liggja hund­flat­ir. Hvar eruð þið hvunn­dags­hetj­urnar?

Taktu pen­ing­ana þína...

Ég hvet alla lög­hlýðna borg­ara til að skipta alls ekki við Arion banka, panta sem mest hjá Ali Express og versla hjá Costco eða kaup­mann­inum á horn­inu. Skítugar krumlur auð­jöfr­anna eru alls staðar ann­ars staðar í verslun og við­skipt­um, hvert sem litið er. Þeir sem eru nú þegar ofur­seldir leigu­okri fast­eigna­fé­lag­anna ættu að kanna hvað önnur lönd gera í hús­næð­is­mál­um. Í Nor­egi er hús­næð­is­lán á 1.9% vöxt­um. Gott, dug­legt og heið­ar­legt fólk fær vinnu í öðrum lönd­um. Ekki fljúga út með hvaða flug­fé­lagi sem er. Ræn­ingj­arnir eru víða.