Þegar vorið nálg­ast vaknar nátt­úran til lífs­ins og minnir okkur á að lífið er sterkara en dauð­inn.  Það gera pásk­arnir einnig því þá minn­umst við kristið fólk upp­risu Jesú. Þegar lífið sigr­aði dauð­ann, ósig­ur­inn breytt­ist í sig­ur, bölið í bless­un.

Við sem búum á norð­lægum slóðum við dimman vetur hálft árið þráum birtu og yl vors­ins.  Há­tíð hátíð­anna eins og páskar eru oft nefnd­ir, sjálfan páska­dag­inn ber upp á fyrsta sunnu­dag eftir fyrsta fulla tungl eftir jafn­dægri á vori.  Þess vegna eru páskar ekki alltaf sama dag á hverju ári eins og jól­in.

Páska­leyfið er mörgum kær­komið til að ferð­ast eða breyta út af vana hvers­dags­ins.  Margt er í boði til afþrey­ingar svo það eru margir sem ekki geta farið í frí heldur sinna sínum skyldum til að þjóna sam­ferða­fólki sínu.  Aug­lýs­ingar heyr­ast um ævin­týra­lega páska. Hvíld er nauð­syn­leg til upp­bygg­ingar og til­breyt­ingin sem páska­leyf­inu fylgir er dýr­mæt.

Boð­skapur páskanna gefur kraft til að halda áfram á lífs­ins vegi því hann fjallar um lífið og allt það góða sem því fylg­ir.  Hann fjallar um von­ina sem aldrei bregst og gleð­ina sem því fylgir að vera til. Dag­arnir eftir páska og fram að hvíta­sunnu eru nefndir gleði­dag­ar.  Við gleðj­umst yfir því að fá að lifa í skyni páska­sól­ar­inn­ar, melta upp­risu­boð­skap páskanna, sem færir gleði og birtu í líf okk­ar.

Kirkjur lands­ins eru opnar fyrir gestum og gang­andi og messur eru í hverju presta­kalli á páskum eins og flesta sunnu­daga árs­ins.   

Ítrek­aðar rann­sóknir gefa sterkar vís­bend­ingar um að  trúað fólk sé ham­ingju­sam­ara en sam­an­burð­ar­hóp­ar. Rann­sókn­irnar stað­festa að trú á Guð eykur jákvæðni sem og þátt­taka í starfi sem byggir á trú­ar­legum gild­um. Þeir sem velta fyrir sér og leita að til­gangi lífs­ins mæl­ast ham­ingju­sam­ari en aðrir og jafn­vel heilsu­hraust­ari.  Kristin gildi byggj­ast á boð­skap Jesú, boð­skap sem leggur áherslu á kær­leika, gleði, frið, góð­vild, trú­mennsku, hóg­værð, auð­mýkt og sjálf­saga. Boð­skapur krist­innar trúar lætur okkur muna eftir skap­ara okk­ar, með­bræðrum okkar og systrum og bera virð­ingu fyrir sjálfum okk­ur.

Með þessi gildi að leið­ar­ljósi óska ég þér gleði­legrar páska­há­tíð­ar.