Það sjá allir hvað er í gangi

Valgerður Árnadóttir frambjóðandi Pírata í borgarstjórnarkosningunum segir Pírata með metnaðarfyllstu stefnu allra stjórnmálaflokka í loftslagsmálum.

Auglýsing

Síð­asta rík­is­stjórn ákvað að tvö­falda kolefn­is­gjald sam­hliða aðgerð­ar­á­ætl­unum Íslands í lofts­lags­mál­um. Núver­andi rík­is­stjórn hefur fellt niður þá ákvörðun þrátt fyrir lof­orð um grænar áherslur og nú verður ein­ungis 10% hækkun kolefn­is­gjalds milli ára. Hvernig rétt­læta Vinstri grænir sem gera sig út fyrir að vera umhverf­is­vernd­ar­flokkur þessa ákvörð­un? 4,5 millj­örðum minna í rík­is­kass­ann og veik­ari efna­hags­hvatar til umhverf­is­vernd­ar. Þetta sam­ræm­ist ekki stefnu lands­ins í lofts­lags­mál­um, hvað þá Par­ís­ar­sátt­mál­an­um.

Meint útópísk hug­sjón

Í heim­ilda­öflun minni varð­andi orku­notkun fiski­flot­ans rakst ég nýja skýrslu frá SFS (Sam­tök fyr­ir­tækja í sjáv­ar­út­vegi) „Nýt­ing auð­lindar og umhverf­is­spor” en þar kemur fram að olíu­notkun fiski­flot­ans er umtals­vert minni nú heldur en 1990, hefur farið úr 19,5% af heild­ar­losun Íslands í 9,7% árið 2014. Má rekja þá lækkun til fækk­unar skipa og end­ur­nýj­unar í flot­an­um, tog­arar eru nú stærri, veiða meira í einu og nota létt­ari veið­ar­færi svo fátt eitt sé nefnt. Þegar ég fór á stúf­ana og spurði starfs­menn SFS út í aðgerð­ar­á­ætlun sjáv­ar­út­vegs­fyr­ir­tækja vegna stefnu Íslands að hætta notkun svartolíu þá hlógu menn góð­lát­lega og sögðu að það myndi nú ekki allir vera sáttir við það, það væri nú engu skárra að nota díselolíu hvað varðar lofts­lags­mál og hún væri umtals­vert dýr­ari en svart­ol­ía. Spurðir út í mögu­leika á end­ur­nýj­an­legum orku­gjöfum á borð við raf­magn þá þótti þeim það útópísk hug­sjón (þeirra orð) og að lokum þegar ég spurði hver fram­tíðin væri í sjáv­ar­út­vegi fékk ég svar­ið: Fisk­eldi í sjó.

Eyði­legg­ing villtra stofna

Fisk­eldi í sjó? Vita menn ekki að fisk­eldi í sjó er bannað víða erlendis vegna þess að það eyði­leggur villta stofna sem fyrir eru? Eiga skamm­tíma­gróða­lausnir sem valda óaft­ur­kræfri eyð­ingu á villtum fiski­stofnum og valda dauðum svæðum í sjó að fá braut­ar­gengi hér á landi? Undir stjórn VG? Nýleg grein í Við­skipta­blað­inu beinir sjónum að því að Skipu­lags­stofnun og Haf­rann­sókn­ar­stofnun álykt­uðu að fyr­ir­hugað eldi fisk­eld­is­fyr­ir­tæk­is­ins Háa­fells á fram­leiðslu á 6800 tonnum af eld­is­laxi myndi hafa nei­kvæð áhrif á laxa­stofna í Ísa­fjarð­ar­djúpi og væri því ekki æski­leg. Stofn­an­irnar drógu svo nýlega ályktun sína til­baka að ósk Háa­fells. Hvernig getur fyr­ir­tæki óskað eftir því að stjórn­vald dragi álit til­baka?

Auglýsing

Það sjá það allir sem eitt­hvað vita um Sjálf­stæð­is­flokk­inn hvað er í gangi, æðstu menn þar eiga per­sónu­lega fjár­hags­legra hags­muna að gæta bæði hvað varðar kolefn­is­gjaldið og í sjáv­ar­út­vegi.

Rútu­bíla­fyr­ir­tækið Kynn­is­ferð­ir, eitt umfangs­mesta lang­ferða­bíla- fyr­ir­tæki á Íslandi er td. að langstærstu leiti í eigu föður og fjöl­skyldu Bjarna Bene­dikts­son­ar, Bene­dikts og Ein­ars Sveins­sona. Bene­dikt Sveins­son er einnig umfangs­mik­ill fjár­festir í sjáv­ar­út­vegi.

Stjórn­ar­sátt­máli til skrauts

Meg­in­for­senda lofts­lags­stefnu rík­is­stjórnar Vinstri grænna, Sjálf­stæð­is­flokks og Fram­sókn­ar­flokks er að koma í veg fyrir nei­kvæð áhrif lofts­lags­breyt­inga á líf­ríki hafs­ins. En helstu álags­þættir þess er hlýnun sjávar og súrnun hans vegna auk­ins styrks koltví­sýr­ings í loft­hjúpn­um.

„Þannig á Ísland að efla rann­sóknir á súrnun sjávar í sam­ráði við vís­inda­sam­fé­lagið og sjáv­ar­út­veg­inn,“ segir í stjórn­ar­sátt­mál­an­um.

Er stjórn­ar­sátt­mál­inn bara til skrauts? Að hvaða leiti sam­ræm­ist lækkun kolefn­is­gjalds þessum sátt­mála? Er ein­hver sem treystir Sjálf­stæð­is­flokki til þess að standa við hann? Ætla VG að sigla blindir að feigðar­ósi og deyja svo drottni sínum eins og fyrrum stjórn­mála­flokkar sem hafa gengið í gildru íhalds­ins?

Píratar metn­að­ar­fyllstir í lofslags­málum

Píratar eru sam­kvæmt sam­an­tekt sem Loft­st­lag.is gerði fyrir síð­ustu alþing­is­kosn­ingar með metn­að­ar­fyllstu stefnu allra stjórn­mála­flokka í lofts­lags­málum og á ítar­leg aðgerða­á­ætlun okkar til að fram­fylgja henni stóran þátt í því að okkar stefna var val­in. Sjálf­stæð­is­flokk­ur­inn var þótt ótrú­legt megi virð­ast með næst-­metn­að­ar­fyllstu stefnu í lofts­lags­mál­um. En það er ekki lengur í boði að monta sig af stefn­um, fram­fylgni verður að fylgja máli.

Hverjum ætliði að treysta? Hvaða flokkur hefur sýnt og sannað að þeir veita aðhald á þingi og gefa ekki afslátt af sínum stefnu­mál­um?

Sjálf gekk ég til liðs við Pírata vegna þess að það er eina stjórn­mála­aflið í dag sem ég treysti eftir end­ur­tekin von­brigði með aðra flokka sem gefa sig út fyrir að vera umhverf­is­væna og fram­úr­stefnu­lega en gefa svo afslátt af grunn­gildum sínum þegar á hólm­inn er kom­ið. Píratar hafa ekki reynt að fegra sig með glans­myndum eða inn­an­tómum lof­orð­um. Við vinnum út frá grunn­stefnu okkar sem snýst um lýð­ræði, gagn­sæi og ábyrgð.

Höf­undur er fram­bjóð­andi Pírata í borg­ar­stjórn­ar­kosn­ing­um.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Halla Hrund Logadóttir.
Halla Hrund næsti orkumálastjóri
Hæfisnefnd mat fimm umsækjendur um starf orkumálastjóra hæfa. Eftir viðtöl við þá taldi Þórdís Kolbrún Reykfjörð Gylfadóttir að Halla Hrund Logadóttir væri hæfust þeirra til að gegna starfinu næstu fimm árin.
Kjarninn 19. apríl 2021
Róbert Farestveit, Sigríður Ingibjörg Ingadóttir og Vilhjálmur Hilmarsson
Samkeppni skiptir sköpum fyrir lífskjör á Íslandi
Kjarninn 19. apríl 2021
Frosti Sigurjónsson
Nóbelsverðlaunahafi segir ivermectin vinna á COVID-19
Kjarninn 19. apríl 2021
Kári Stefánsson (t.v.) og Þórólfur Guðnason.
Samstarf Þórólfs og Kára „langoftast“ og „næstum því alltaf“ ánægjulegt
Mun meira máli skiptir hvernig við hegðum okkur heldur en af hvaða afbrigði veiran er, segir Kári Stefánsson forstjóri Íslenskrar erfðagreiningar. Sóttvarnalæknir segir þátt fyrirtækisins í baráttunni gegn COVID-19 hafa skipt sköpum.
Kjarninn 19. apríl 2021
Alls störfuðu um 130 manns hjá SaltPay hér á landi áður en til uppsagna dagsins kom.
Hópuppsögn hjá SaltPay
SaltPay segir upp tugum starfsmanna hér á landi í dag, aðallega starfsmönnum sem hafa starfað við að þróa og viðhalda eldra greiðslukerfi Borgunar. SaltPay keypti Borgun síðasta sumar.
Kjarninn 19. apríl 2021
Samfylking sé tilbúin með frumvarp sem skyldar komufarþega til að dvelja í sóttvarnahúsi
Formaður Samfylkingar spurði forsætisráðherra hvort til stæði að breyta sóttvarnalögum í óundirbúnum fyrirspurnatíma á Alþingi í dag. Ekki við núverandi fyrirkomulag að sakast að mati forsætisráðherra, heldur við þá sem fylgja ekki reglum.
Kjarninn 19. apríl 2021
Sigríður Ólafsdóttir verður í öðru sæti listans og Eiríkur Björn í því fyrsta.
Eiríkur Björn og Sigríður leiða Viðreisn í Norðausturkjördæmi
Fyrrverandi bæjarstjóri á Fljótsdalshéraði og Akureyri verður oddviti Viðreisnar í Norðausturkjördæmi í komandi kosningum.
Kjarninn 19. apríl 2021
Harpa opnaði árið 2011. Kostnaður við rekstur fasteignarinnar og uppsafnað viðhald er að skapa alvarlega stöðu.
„Alvarleg staða“ hjá Hörpu vegna skorts á fjármagni til að sinna viðhaldi
Alls hafa eigendur Hörpu, ríki og borg, lagt húsinu til 14,4 milljarða króna í formi greiðslna af lánum vegna byggingu þess og rekstrarframlaga. Í fyrra nam rekstrarframlag þeirra 728 milljónum króna. Mikill vandi framundan vegna uppsafnaðs viðhalds.
Kjarninn 19. apríl 2021
Meira úr sama flokkiAðsendar greinar