Ef heilinn minn bilar

Guðlaug Svala Kristjánsdóttir vill að þegar fram líða stundir, hennar heili bilar kannski, að samfélagið sé komið lengra í forvörnum og stuðningi

Guðlaug Svala Kristjánsdóttir og amma hennar.
Guðlaug Svala Kristjánsdóttir og amma hennar.
Auglýsing

Amma mín og nafna fet­aði síð­ustu árin sín veg sem mörg okkar kvíða, braut heila­bil­unar og minnistaps. Hún greind­ist með Alzheimer sjúk­dóm­inn og fengum við fjöl­skyldan þar með inn­sýn not­enda félags- og heil­brigð­is­þjón­ustu sem við höfðum áður kynnst sem starfs­fólk, pabbi sem lækn­ir, mamma sem hjúkr­un­ar­fræð­ingur og ég sem sjúkra­þjálf­ari.

For­varnir þar til lækn­ing finnst

Nýlega bár­ust fréttir af því að Íslend­ingar muni leika lyk­il­hlut­verk í rann­sókn á nýju lyfi við Alzheimer. Því miður hafa lækna­vís­indin enn ekki kom­ist mikið lengra en svo að halda í horf­inu þegar þessi sjúk­dómur er ann­ars veg­ar, en von­andi horfir þar til batn­að­ar. Þangað til verðum við að hafa aðgang að öllum þeim for­vörnum sem hugs­ast geta til að stemma stigu við fram­gangi ein­kenna. Meðal þess sem þar um ræðir er heilsu­efl­andi lík­ams­þjálfun og dag­leg virkni í starfi og leik. Með þetta fyrir augum gekkst ég fyrir því á síð­asta ári að Hafn­ar­fjörður gengi til samn­inga við dr. Janus Guð­laugs­son um heilsu­efl­ingu eldri borg­ara, sem ég er þakk­lát fyrir að hafa séð verða að veru­leika.

Sjálf­stæð búseta í kunn­ug­legu umhverfi

Eitt af því sem hjálpar fólki með heila­bilun er að lifa og hrær­ast í kunn­ug­legu umhverfi. Allt rask á einka­högum getur valdið tíma­bund­inni versnun ein­kenna og aukið áhættu á fylgi­kvill­um. Því er mik­il­vægt að styðja eldra fólk til sjálf­stæðrar búsetu, meðal ann­ars með því að létta á gjöldum vegna hús­næð­is. Því er ég stolt af þeirri veru­legu lækkun fast­eigna­skatta til elli- og örorku­líf­eyr­is­þega sem orðin er að veru­leika í Hafn­ar­firði og er með því besta sem ger­ist. Við þurfum að halda áfram á þeirri braut.

Auglýsing

Félags­leg virkni og sam­vera

Öfl­ugt starf félags eldri borg­ara er mik­il­væg auð­lind í hverju sveit­ar­fé­lagi og það hefur verið frá­bært að fylgj­ast með efl­ingu þess með hverju árinu sem líð­ur. Í raun er það lúx­usvandi að félags­starfið skuli sífellt sprengja af sér hús­næði, það er bara jákvætt að sjá það stækka. Ég er þess líka full­viss að áður­nefnd heilsu­rækt sem 160 eldri Hafn­firð­ingar stunda þessi miss­erin mun styðja við félags­leg tengsl, enda hitt­ast þátt­tak­endur oft í viku á ólíkum vett­vangi. Þessu vil ég vinna að áfram.

Heima­þjón­usta

Hækk­andi aldri fylgir oft þörf fyrir aðstoð í dag­legu lífi. Félags­leg heima­þjón­usta og heima­hjúkrun þarf að starfa vel sam­an. Mér finnst að félags­þjón­ustan eigi að halda utan um ein­stak­ling­ana í þessu til­liti í nánu sam­starfi við heima­hjúkrun þegar svo ber und­ir. Á kjör­tíma­bil­inu höfum við í fjöl­skyldu­ráði átt gott sam­starf við Öld­unga­ráð Hafn­ar­fjarðar við stefnu­mótun í þessum mála­flokki. Þjón­ustu­þarfir eldri borg­ara breyt­ast sam­fara hækk­andi aldri þjóð­ar­innar og við verðum að fylgja vel eftir hvað aðstoð­ina varð­ar.

Vinnu­vikan okkar allra

Sam­fé­lagið er allt of oft á hraðspóli og lít­ill tími til sam­veru. Þessu þurfum við öll að breyta með sam­stilltu átaki. Bættar sam­göng­ur, styttri vinnu­dagur og lif­andi bæj­ar­mynd eru allt þættir sem efla dag­lega sam­veru fjöl­skyldna. Aldr­aðir sem glíma við minnistap þurfa mjög á sínum nán­ustu að halda og kyn­slóð­irnar græða án efa á auknum sam­skipt­um. Fólk sem hefur kynnst Alzheimer veit hvað tím­inn skiptir miklu máli, bæði að nota hann vel til að skapa minn­ingar saman og að þjón­usta sé til staðar til að létta undir með fjöl­skyld­un­um.

Dag­þjálfun minn­is­sjúkra

Í Hafn­ar­firði starf­rækja Alzheimer-­sam­tökin með miklum sóma dag­þjálfun í Drafn­ar­húsi. Bær­inn mun áfram styðja við það starf. Ég vil sjá aðra slíka ein­ingu verða að veru­leika í bænum eins fljótt og unnt er, en alltof margir bíða eftir þessu úrræði. Sól­vangur gengur nú í gegnum end­ur­nýjun líf­daga og að mínu mati kæmi vel til greina að stað­setja við­bót­ar­ein­ingu í gamla hús­inu, gjarnan í sam­starfi við Alzheimer-­sam­tök­in.

Hjúkr­un­ar­rými

Meg­in­mark­mið sam­fé­lags­ins ætti að vera að tryggja eins og unnt er sjálf­stæða búsetu með góðum stuðn­ingi í kunn­ug­legu umhverfi, enda hefur hún for­varn­ar­gildi þegar heila­bilun er ann­ars veg­ar. Hins vegar verður alltaf til staðar þörf fyrir hjúkr­un­ar­rými, sem brýnt er að mæta. Nýbygg­ing á Sól­vangs­reit verður tekin í notkun í haust og þá skap­ast færi á því að end­ur­gera gamla húsið að hluta og ná þannig allt að 33 við­bót­ar­rýmum við þau 60 sem opna í haust. Ég hef tekið virkan þátt í sam­tali við þá þrjá heil­brigð­is­ráð­herra sem starfað hafa á kjör­tíma­bil­inu með það í huga að ná sam­komu­lagi um end­ur­bætur á gamla Sól­vangi. Nýj­ustu fréttir úr þeim við­ræðum lofa góðu og við verðum að halda áfram að þrýsta á um að þessi við­bót verði að veru­leika.

Lífs­gæða­setur í St. Jós­efs­spít­ala

Það hefur verið lær­dóms­ríkt að taka þátt í glímu Hafn­ar­fjarð­ar­bæjar við ríkið um fram­tíð­ar­nýt­ingu hús­næðis St. Jós­efs­spít­ala, svo ekki sé meira sagt. Henni lauk loks með því að bær­inn keypti húsið og lét vinna til­lögur að nýt­ingu í nánu sam­ráði við bæj­ar­búa. Nýlega var ráð­inn verk­efn­is­stjóri til húss­ins, til að fram­fylgja áætl­unum um stofnun lífs­gæða­set­urs innan veggja þess og aug­lýst hefur verið eftir áhuga­sömum rekstr­ar­að­il­um. Starf­semin mun tengj­ast heilsu og sköpun af ýmsu tagi og hillir nú loks undir að Hafn­firð­ingar geti aftur lagt leið sína í þetta fal­lega og góða hús til að rækta sál og lík­ama.

Ömmur eru gull

Amma mín kenndi mér svo ótal­margt um lífið og til­ver­una. Hjá henni æfði ég mig að prjóna og sögur frá fyrri tíð runnu niður með smurðu brauði við und­ir­leik útvarps­ins. Synir mínir eiga ynd­is­lega afa og ömmur sem halda vel utan um þá og okkur öll. Ég vil gjarnan leggja mitt af mörkum í bæj­ar­stjórn Hafn­ar­fjarðar áfram til að stuðla að því að sam­vera kyn­slóð­anna styrk­ist. Að fjöl­skyldur geti notið sín sem börn, for­eldr­ar, ömmur og afar og að stuðn­ingur þegar á bjátar sé til stað­ar. Og þegar fram líða stundir og minn heili bilar kannski, vil ég að við séum komin lengra í for­vörnum og stuðn­ingi.

Ég er stolt af þeim fram­förum í þjón­ustu við eldri borg­ara sem ég hef fengið að taka þátt í und­an­farin fjögur ár sem bæj­ar­full­trúi og for­maður fjöl­skyldu­ráðs og býð mig fram til að halda áfram að gera gott betra.

Höf­undur er odd­viti Bæj­ar­list­ans Hafn­ar­firði.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bankastjórar Arion banka kaupa hlutabréf fyrir 230 milljónir
Benedikt Gíslason bankastjóri og Ásgeir Helgi Reykfjörð aðstoðarbankastjóri keyptu hlutabréf í bankanum í dag.
Kjarninn 14. nóvember 2019
Þorsteinn Már vonar að tímabundið brotthvarf rói umræðu um Samherja
Þorsteinn Már Baldvinsson segir í viðtali við Vísi að Samherji sé ekki sálarlaust fyrirtæki. Honum blöskrar umræða um fyrirtækið í kjölfar afhjúpandi þáttar Kveiks um starfsemi Samherja í Namibíu.
Kjarninn 14. nóvember 2019
Indriði H. Þorláksson
Samherji í gráum skugga
Kjarninn 14. nóvember 2019
Björgólfur í leyfi frá störfum sem stjórnarformaður Íslandsstofu
Björgólfur Jóhannsson tekur við sem forstjóri Samherja tímabundið.
Kjarninn 14. nóvember 2019
Leifur Gunnarsson
Takmarkanir á tímum tæknibyltinga – Staða fólks með sykursýki 1 í dag
Kjarninn 14. nóvember 2019
Mosfellsbær heldur áfram að stækka
Íbúum Mosfellsbæjar hefur fjölgað gríðarlega á síðasta áratug sem og nýjum íbúðum. Bæjarstjórn Mosfellsbæjar býst við áframhaldandi fjölgun íbúa á næsta ári.
Kjarninn 14. nóvember 2019
Haukur Arnþórsson
Hugleiðingar um tengsl stjórnmála og sjávarútvegs
Kjarninn 14. nóvember 2019
Svæðið sem um ræðir
Steypuvinna vegna Landsbankabyggingarinnar – Reikna með að fara 190 ferðir á einum degi
Botnplata nýju Landsbankabyggingarinnar á Austurbakka 2 verður steypt laugardaginn næstkomandi. Meðan unnið er þarf að loka hægri akrein Kalkofnsvegar í átt að Lækjargötu.
Kjarninn 14. nóvember 2019
Meira úr sama flokkiAðsendar greinar