Í Mos­fellsbæ er gott að búa, stór­kost­leg nátt­úra og gott fólk. Leik­skól­arnir eru til fyr­ir­mynd­ar, íþrótta­fólkið okkar stendur sig vel, félags­leg for­varn­ar- vinna með börn og ung­linga er öfl­ug, hvort sem horft er til íþrótta, tón­list­ar, leik­listar eða ann­arra tóm­stunda.

Þegar rýnt er í málin kemur þó fljótt í ljós að þrátt fyrir allt það góða er margt sem þarf að laga. Á bak við glans­mynd- ina er eru vanda­mál af þeirri stærð­argráðu að ráð­ast þarf í meiri­háttar breyt­ingar á stjórn­ar­háttum í Mos­fells­bæ.

Íþrótta­mann­virki við Varmá

Á íbúa­fundi Aft­ur­eld­ingar um íþrótta­mál í Hlé­garði 15. maí kom skýrt fram að málum er lítt fylgt eftir og vinnu- brögð ómark­viss og ófag­leg hjá bæj­ar­yf­ir­völdum í Mos­fells­bæ. Þrátt fyrir að fram­kvæmda­stjóri og yfir­stjórn Aft­ur­eld­ingar hafi ítrekað fundað með bæj­ar­stjóra og emb­ætt­is­mönnum var upp­lýs­ingum um slæmt ástand íþrótta- mann­virkja við Varmá ekki miðlað áfram til kjör­inna full- trúa. Þetta er auð­vitað ólíð­andi. Bæj­ar­stjórnin getur ekki starfað mark­vis­st, brugð­ist við og gripið til aðgerða ef set- ið er á upp­lýs­ing­um. Öll mál­efni sem varða hags­muni Mos­fell­inga og félaga sem starfa hér í þeirra þágu á að ræða opin­skátt í nefndum og ráðum sveit­ar­fé­lags­ins. Það hefur sjaldan verið aug­ljós­ara en á íbúa­fundi Aft­ur­eld­ingar hve upp­lýs­inga­gjöf innan stjórn­kerfis Mos­fells­bæjar er ábóta- vant. Í þessu til­viki hefur fjár­hags­leg afkoma Aft­ur­eld­ing- ar skað­ast og íþrótta­iðk­endur beðið heilsutjón á meðan beðið er eftir aðgerð­u­m.

Skipu­lags­mál

Heild­ræn sýn í skipu­lags­málum í sam­vinnu við íbúa í Mos­fellsbæ er heldur ekki til stað­ar. Bæj­ar­stjórnin tekur ekki skipu­lags­vald sitt alvar­lega og leyfir breyt­ingar á skipu­lagi lóð fyrir lóð. Bygg­inga­fé­lög fá leyfi til að byggja á ákveðnum svæðum og er síðan heim­ilað að breyta skipu­lag­in­u.

Upp­bygg­ing í mið­bænum á milli nýja Bón­uss og Fram- halds­skól­ans ber þess vitni en þar var gert ráð fyrir 52 í- búðum í upp­haf­legu deiliskipu­lagi en nú er verið að byggja 145 íbúðir á þeim reit. Í þessum miklu breyt­ingum frá upp­haf­legu deiliskipu­lagi hefur ekki verið hugað að þörf­inni fyrir aukið skóla­hús­næði og ekki vitað hvar þau börn eigi að ganga í skóla sem þangað flytja. Það er ekki að ástæðu­lausu að Í-list­inn vill heild­ræna sýn í skipu­lags- málum bæj­ar­fé­lags­ins. Hags­munum allra Mos­fell­inga má ekki fórna fyrir sér­hags­muni eða skamm­tíma­gróða!

Félags­legt hús­næði

Í Mos­fellsbæ eru 31 félags­leg íbúð í eigu sveit­ar­fé­lags­ins og hefur félags­legum íbúðum ein­ungis fjölgað um eina frá 2002. Sveit­ar­fé­lagið er því ekki að sinna sam­fé­lags­legri skyldu sinni hvað félags­legt hús­næði varð­ar. Þetta er ekki ásætt­an­legt. Hlut­falls­lega er fjöldi félags­legra íbúða í Mos­fellsbæ miklu minni en í Reykja­vík. Í Mos­fellsbæ eru 325 manns um hverja félags­lega íbúð en í Reykja­víkur eru það 50 manns. Það er vel þekkt að fólk flytj­ist úr bænum vegna hús­næð­is­skorts.

Í Mos­fellsbæ eiga allir að geta búið og við eigum sem sam­fé­lag að sinna skyldum okkar við þá sem þurfa aðstoð við að koma sér upp heim­ili. Það er það minnsta sem við getum gert! Vöntun er einnig á hús­næði fyrir ungt og tekju­lægra fólk en engin stefna hefur verið tekin í þessum mik­il­væga mála­flokki. Erlendis eru sveit­ar­fé­lög að vinna mark­visst í þessum málum með bygg­ingu bland­aðra hverfa. Þau leyfa jafn­vel ekki bygg­ingu svæða án þess að hluti þeirra séu leigu­í­búð­ir, íbúðir fyrir tekju­lægra fólk eða félags­legar íbúð­ir. Unnið er eftir skýrri fram­tíð­ar­stefnu um fram­tíð­ar­upp­bygg­ingu svæða með það mark- miði að skapa gott sam­fé­lag fyrir alla.

Skóla­mál

Skóla­málin eru í ólestri og eru mörg vanda­mál sem hafa þar áhrif á. Eitt af því sem er hvað alvar­leg­ast er vax­andi kvíði og van­líðan nem­enda sam­kvæmt könn­un­um. Ein­elti er einnig stórt vanda­mál í sumum skólum sem við verðum að vera virk í að vinna gegn. Fag­lega aðstoð vantar einnig fyrir börn með fjöl­þætt vanda­mál, þar á meðal hegð­un­ar- vanda­mál.

Starfs­um­hverfi kenn­ara er einnig ábóta­vant. Varm­ár­skóli sem var þekktur fyrir að vera einn af bestu skólum lands­ins hefur misst frá sér fjölda kenn­ara. Einn þeirra hafði fengið verð­laun fyrir að vera besti kenn­ari lands­ins á sínu sviði. Í-list­inn telur að taka þurfi á vanda­málum fræðslu- og skóla­mála með festu, styrkja grunn­starfið og gera raun­sæja fram­tíð­ar­stefnu sem tekur mið af áskor­unum nútíma­sam­fé­lags og fjölgun íbúa í Mos­fells­bæ. For­gangs- atriði er að starfs­um­hverfi barna okkar og kenn­ara sé til fyr­ir­myndar svo fag­legt starf fyrir öll börn geti farið þar fram.

Stjórn­sýsla

Mörg önnur dæmi væri hægt að nefna hér máli okkar til stuðn­ings en lyk­il­at­riðið er að ein­kenni mark­vissrar stjórn- sýslu eru fag­mennska, góð upp­lýs­inga­gjöf og gegn­sæi. Við í Íbúa­hreyf­ing­unni og Pírötum viljum ráða ópóli­tískan bæj­ar­stjóra á næsta kjör­tíma­bili sem tengir starfs­menn bæj­ar­ins og kjörna full­trúa á fag­legan hátt svo stjórn­kerfi Mos­fells­bæjar þjóni íbúum bet­ur. Mark­miðið er að tryggja að hags­munir og vel­ferð Mos­fell­inga séu höfð að leið­ar- ljósi í allri stjórn­sýslu. Upp­lýs­ingum sé miðlað og reglum fram­fylgt svo kjörnir full­trúar nái að sinna hlut­verki sínu gagn­vart íbúum sveit­ar­fé­lags­ins. Við þurfum að taka á vanda­málum með festu og heið­ar­leika og þurfum að gæta fag­mennsku í hví­vetna.

Höf­undur er í 2. sæti á Í-lista Íbúa­hreyf­ing­ar­innar og Pírata.