Konur komu, sáu og sigruðu

Kvennahreyfingin komst ekki inn í borgarstjórn en segist hafa tekist megin ætlunarverkið: Að færa umræðuna yfir á jafnréttismálin.

Auglýsing

Kvenna­hreyf­ingin var stofnuð í apríl síð­ast­liðnum sem við­brögð við því að hin hefð­bundnu stjórn­mála­öfl virt­ust ekki ætla að ræða  jafn­rétt­is­mál þrátt fyrir að sam­fé­lagið væri statt í miðri #metoo bylt­ingu. Búið var að stilla kosn­ing­unum upp sem bar­áttu „tveggja turna“ (ég læt fall­íska mynd­málið liggja á milli hluta) og helsta málið átti að vera borg­ar­lína (aft­ur...). Þetta fannst okkur ekki boð­legt og lítil huggun í því að allt stefndi í að konur yrðu í meiri­hluta í borg­ar­stjórn­inni ef femínísk mál­efni áttu ekki að fá pláss.

Áhrifin létu ekki á sér standa. Sum stjórn­mála­afl­anna gáfu jafn­rétt­is­mál­unum sér­lega mikla þyngd í mál­efna­pökkum sín­um, fram­boð með karl­kyns odd­vita gerðu efstu konum hátt undir höfði og  greinum um jafn­rétt­is­mál fór að rigna inn á fjöl­miðl­ana. Vissu­lega voru jafn­rétt­is­mál nú þegar á stefnu­skrá sumra flokk­anna en með til­vist okkar fengu þau meiri pláss. Fram­bjóð­endur fóru jafn­vel að skrifa greinar um mál sem ekki voru á stefnu­skrá flokks­ins fyrir kosn­ing­arnar og þar með aug­ljós­lega ekki meðal atriða sem flokk­ur­inn ætl­aði að leggja áherslu á. Af þeim greinum þykir mér sér­stak­lega vænt um grein Hildar Björns­dóttur um launa­mun kynj­anna og kvenna­stéttir sem birt var 10. maí. Umræðan breytt­ist og síð­ustu tvær vik­urnar fyrir kosn­ing­arnar heyrð­ist nán­ast ekk­ert um borg­ar­línu en þeim mun meira um laun kvenna­stétta og leik­skóla­mál­in.

Nú eftir kosn­ing­arnar virð­ast tveir meiri­hlutar vera mögu­leg­ir: Ann­ars vegar Sjálf­stæð­is­flokk­ur, Við­reisn, Mið­flokkur og Flokkur Fólks­ins. Hins vegar Sam­fylk­ing, VG, Sós­í­alist­ar, Píratar og Við­reisn.   Sama hvor meiri­hlut­inn verður mynd­aður þá er Við­reisn í odda­stöðu og því með öll spil í hendi sér að fá sín stefni­mál í gegn, þ.e. að laun kvenna­stétta verði hækk­uð, börn fái leik­skóla­vist frá 12 mán­aða og að skóli og frí­stund verði sam­ein­uð, sem allt yrðu mjög kær­komnar breyt­ing­ar.

Auglýsing

Kvenna­hreyf­ingin komst ekki inn í borg­ar­stjórn en tókst megin ætl­un­ar­verk­ið: Að færa umræð­una yfir á jafn­rétt­is­mál­in. Nú er bara að vona að jafn­rétt­is­málin fái það vægi sem þau eiga skilið í meiri­hluta­við­ræð­unum og í áherslum nýrrar borg­ar­stjórnar á næsta kjör­tíma­bili. Borg­ar­stjórnin þarf að bregð­ast merkj­an­lega við #metoo bylt­ing­unni, jafn­rétt­i­svæða skóla­kerfið í gegnum Jafn­rétt­is­skól­ann, fræða starfs­fólk um kynj­aða vinnu­staða­menn­ingu og stór­hækka fram­lög til verk­efna tengdum ofbeldi, þá sér­stak­lega Bjark­ar­hlíð­ar.

Við í Kvenna­hreyf­ing­unni óskum öllum konum borg­ar­stjórnar til ham­ingju með kjörið og munum fylgj­ast spenntar með afrekum þeirra. Þá sér­stak­lega Sönnu, sem tryggði sér sæti í borg­ar­stjórn svo listi­lega síð­ast­lið­inn föstu­dag. Sjá­umst í bar­átt­unni.

Höf­undur var í fram­boði fyrir Kvenna­hreyf­ing­una í borg­ar­stjórn­ar­kosn­ing­unum um helg­ina.

Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Lögfræðikostnaður vegna orkupakkans rúmlega 16 milljónir
Lögfræðiráðgjafar var aflað frá sex aðilum.
Kjarninn 24. júní 2019
Helga Dögg Sverrisdóttir
Þörf á rannsóknum á ofbeldi í garð kennara hér á landi
Kjarninn 24. júní 2019
Stuðningur við þriðja orkupakkan eykst mest meðal kjósenda Vinstri grænna
90 prósent kjósenda Miðflokksins eru mjög eða frekar andvíg innleiðingu þriðja orkupakkans.
Kjarninn 24. júní 2019
Vilja koma böndum á óhóflega sykurneyslu landsmanna
Skipaður hefur starfshópur til að innleiða aðgerðaáætlun Embættis landlæknis til að draga úr sykurneyslu landsmanna. Landlæknir telur að vörugjöld og skattlagning á sykruð matvæli sé sú aðgerð sem beri hvað mestan árangur þegar draga á úr sykurneyslu.
Kjarninn 24. júní 2019
Kjósendur Miðflokks, Flokks fólksins og Framsóknar helst á móti Borgarlínu
Kjósendur Samfylkingar, Viðreisnar og Pírata eru hlynntastir Borgarlínu.
Kjarninn 24. júní 2019
Snæbjörn Guðmundsson
Hvalárvirkjun í óþökk landeigenda
Leslistinn 24. júní 2019
Borgarlínan
Stuðningur við Borgarlínu aldrei mælst meiri
54 prósent Íslendinga eru hlynnt Borgarlínunni en um 22 prósent andvíg.
Kjarninn 24. júní 2019
Meira úr sama flokkiAðsendar greinar