Velmegun í fríverslun

Smári McCarthy þingmaður Pírata skrifar um skyldu Íslands til að standa vörð um alþjóðlegt kerfi frjálslyndrar fríverslunar, að efla þá velmegun sem hlýst af alþjóðaviðskiptum, og njóta í leiðinni góðs af tímabundinni villu sumra stórveldanna.

Auglýsing

Vel­megun Íslands byggir nær alfarið á útflutn­ingi og þjón­ustu­við­skipt­um, þar með talið ferða­þjón­ustu. Við fram­leiðum sem nemur sex milljón fisk­mál­tíðum á dag, til dæm­is, en annar útflutn­ingur okkar er á áli, vél­bún­aði, land­bún­að­ar­af­urð­um, hug­bún­aði, og ótrú­lega mörgu öðru.

Það ætti því ekki að koma neinum á óvart að það er grund­vall­ar­at­riði að hafa góða frí­versl­un­ar­samn­inga við önnur ríki, svo að toll­ar, kvótar og ann­ars­konar tæki­legar eða form­legar við­skipta­hindr­anir standi ekki í vegi fyrir fram­gangi íslenskra fyr­ir­tækja.

Ísland er aðili að EES-­svæð­inu, sem veitir okkur því sem næst óhindr­aðan aðgang að hag­kerfum 30 Evr­ópu­ríkja í við­skiptum með vörur og þjón­ustu, ásamt fjár­fest­ing­um, frjálsu flæði á starfs­krafti, og ótrú­lega margt fleira. EES-­samn­ing­ur­inn er almik­il­væg­asti samn­ingur sem Ísland er aðili að.

Auglýsing

Þessu til við­bótar erum við með 28 frí­versl­un­ar­samn­inga við 39 lönd í gegnum EFTA-­sam­starf­ið, og tvo tví­hliða samn­inga milli Íslands og Kína ann­ars vegar og Fær­eyjar hins veg­ar. Þessir samn­ingar snúa fyrst og fremst að vöru­við­skiptum og stundum þjón­ustu­við­skipt­um, fjár­fest­ingum og öðru. Þeir eru því ekki jafn umfangs­miklir og EES, en eru engu að síður mik­il­væg­ir.

Að gera nýjan frí­versl­un­ar­samn­ing felur í sér tölu­vert umfangs­mikla vinnu við grein­ingu á hags­munum aðild­ar­land­anna, og sér­stak­lega að finna út hvaða flokkar við­skipta gagn­að­il­arnir eru við­kvæmir fyr­ir. Til að mynda hefur Ísland oft­ast borið fyrir sig við­kvæmni varð­andi land­bún­að, þar sem inn­lend fram­leiðsla er talin eiga erfitt með að keppa við sum önnur lönd þar sem skil­yrði til rækt­unar eru betri. Samið er í lotum sem líður mis­langt á milli, og getur ferlið staðið yfir í mörg ár.

Á samn­inga­tím­anum leit­ast löndin við að kynn­ast bet­ur, sjá tæki­færi hjá hvoru öðru, og nálg­ast þangað til samn­ing­ur­inn er í höfn. Hluti af því er að sjálf­sögðu að skapa ný við­skipta­tengsl, en einnig að eiga sam­töl sem víð­ast til að finna hvort verið sé að ganga of nærri ein­hverjum hags­mun­um. Þegar þessu öllu er lokið taka þjóð­þingin samn­ing­inn til með­ferð­ar, og séu þeir sam­þykktir taka þeir gildi.

Ísland stendur í ferli af þessu tagi með EFTA lönd­un­um, þ.e. Liechten­stein, Nor­egi og Sviss, gagn­vart fjöl­mörgum ríkj­um. Til að mynda stendur yfir end­ur­nýjun samn­inga við Kanada og Mexíkó, og verið er að leit­ast við að gera nýjan samn­ing við Mercosur sam­tökin sem Brasil­ía, Argent­ína, Úrúgvæ og Paragvæ eru aðilar að. Nýlegir samn­ingar við Ekvador, Tyrk­land og Fil­ips­eyjar bíða nú sam­þykkis Alþing­is.

Alþjóð­leg við­skipti eru sífellt að aukast. Aukið traust milli landa og flókn­ara sam­spil hag­kerfa fylgist jafn­framt að: það eru tölu­vert meiri líkur á friði og vel­megun í heimi þar sem allir hafa hags­muni af því að vinna sam­an.

Ísland er ekki í miklum við­skiptum við sum þeirra landa sem við erum að semja við, en tæki­færin eru stór­kost­leg ef við kjósum að nýta okkur þau. Ef Íslend­ingar sýna rögg­semi í að elta uppi tæki­færin og koma Íslandi betur fyrir í alþjóð­legum virð­is­keðjum aukum við hag­sæld­ina á Íslandi, dreifum efna­hags­legri áhættu og fáum um leið að njóta aðgangs að gæða­vörum hvaðanæva að.

Þá ættum við líka að nýta betur tæki­færin til fjár­fest­inga erlend­is. Þegar hag­kerfi Íslands er jafn sterkt og raunin er, og einkum þegar blikur eru á lofti, þá er tæki­færi til að hlúa að stoð­unum með góðum fjár­fest­ing­um. Líf­eyr­is­sjóð­ir, fag­fjár­festar og aðrir ættu að leita út fyrir land­stein­anna í meira mæli, ekki í ein­hverjum fálm­kenndum útrás­argír, heldur með yfir­veg­aðri grein­ingu á stöð­unni og skýra fram­tíð­ar­sýn. Sem dæmi gætu sjáv­ar­út­vegs­fyr­ir­tæki verið að byggja upp útgerðir í þeim löndum þar sem þær eru veikar fyr­ir, þannig að allir njóti góðs.

Það er skrýtið að tala um tæki­færi í núver­andi árferði. Mörg lönd sem hafa sögu­lega verið í fram­verði frjálsra alþjóða­við­skipta hafa nú snúið sér við og eru mark­visst með aðgerðum sínum að grafa undan því kerfi sem hefur skilað heim­inum öllum gríð­ar­legum auði, og það á grund­velli þjóð­ern­is­hyggju af öllu mögu­legu.

Við eigum alls ekki leyfa þessu að ger­ast athuga­semda­laust, en aðgerðir skipta mun meira máli en orð í alþjóða­við­skipt­um. Ísland er í veru­lega góðri stöðu til að standa vörð um alþjóð­legt kerfi frjáls­lyndrar frí­versl­un­ar, að efla þá vel­megun sem hlýst af alþjóða­við­skipt­um, og njóta í leið­inni góðs af tíma­bund­inni villu sumra stór­veld­anna.

Höf­undur er for­maður Íslands­deildar þing­manna­nefndar EFTA.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bankastjórar Arion banka kaupa hlutabréf fyrir 230 milljónir
Benedikt Gíslason bankastjóri og Ásgeir Helgi Reykfjörð aðstoðarbankastjóri keyptu hlutabréf í bankanum í dag.
Kjarninn 14. nóvember 2019
Þorsteinn Már vonar að tímabundið brotthvarf rói umræðu um Samherja
Þorsteinn Már Baldvinsson segir í viðtali við Vísi að Samherji sé ekki sálarlaust fyrirtæki. Honum blöskrar umræða um fyrirtækið í kjölfar afhjúpandi þáttar Kveiks um starfsemi Samherja í Namibíu.
Kjarninn 14. nóvember 2019
Indriði H. Þorláksson
Samherji í gráum skugga
Kjarninn 14. nóvember 2019
Björgólfur í leyfi frá störfum sem stjórnarformaður Íslandsstofu
Björgólfur Jóhannsson tekur við sem forstjóri Samherja tímabundið.
Kjarninn 14. nóvember 2019
Leifur Gunnarsson
Takmarkanir á tímum tæknibyltinga – Staða fólks með sykursýki 1 í dag
Kjarninn 14. nóvember 2019
Mosfellsbær heldur áfram að stækka
Íbúum Mosfellsbæjar hefur fjölgað gríðarlega á síðasta áratug sem og nýjum íbúðum. Bæjarstjórn Mosfellsbæjar býst við áframhaldandi fjölgun íbúa á næsta ári.
Kjarninn 14. nóvember 2019
Haukur Arnþórsson
Hugleiðingar um tengsl stjórnmála og sjávarútvegs
Kjarninn 14. nóvember 2019
Svæðið sem um ræðir
Steypuvinna vegna Landsbankabyggingarinnar – Reikna með að fara 190 ferðir á einum degi
Botnplata nýju Landsbankabyggingarinnar á Austurbakka 2 verður steypt laugardaginn næstkomandi. Meðan unnið er þarf að loka hægri akrein Kalkofnsvegar í átt að Lækjargötu.
Kjarninn 14. nóvember 2019
Meira úr sama flokkiAðsendar greinar