Rýtingsstunga nasistanna yfirfærð á Ísland

Þorvaldur Logason segir að valdaelítan á Íslandi hafi yfirfært 90 ára gamla rýtingsstungugoðsögn yfir á Íslandi eftir hrunið. Í þeirri útfærslu var kröfuhafa-gyðingurinn orðinn að gráðugum amerískum hrægammi.

Auglýsing

Um það hvernig valdaelítan á Íslandi, fyrst og síðast Eimreiðarelíta Davíðs Oddssonar í bandalagi við nýjan leiðtoga Framsóknarflokksins Sigmund Davíð Gunnlaugsson, yfirfærði skipulega og af óhugnanlegri þekkingu rýtingsstungugoðsögn nasistanna yfir á Ísland við valdatöku vinstri manna árið 2009.

Fyrst, Þýskaland, 1918, fyrri heimsstyrjöldin:

Valdaelítan hafði þá nýlokið við að fremja ófyrirgefanlega stríðsglæpi. Efnahagur landsins í rúst. Atvinnuleysi geigvænlegt. Þjóðin og heimilin sokkin í skuldir. Reiðin gífurleg, sérstaklega gagnvart kröfuhöfum:  Útlendingum og gyðingum. Fram undan svartnætti: Uppgjöf og Versala-nauðasamningarnir um ógnvænlegar skaðabætur, fullveldisafsal og viðurkenning á einhliða sekt Þjóðverja. Handrukkun stórvelda. Vinstri menn og frjálslyndir ná völdum með byltingu. Weimar-lýðveldið verður til með nýrri lýðræðis-stjórnarskrá.

Auglýsing

Sem sagt: Stórglæpir. Efnahagsrúst. Ný stjórnarskrá, gífurleg reiði (m.a. gegn kröfuhöfum), stjórnlausar skuldir, bylting, uppgjöf, nauðungarsamningar, fullveldisafsal, einhliða sekt og ógnvænlegar skaðabætur. Ásamt handrukkun stórvelda.

Minnir þetta einhverja Íslendinga á eitthvað?

Hvað geta þeir sem bera ábyrgð á slíkum stríðsglæpum og efnahagshruni gert? Glæpirnir verða ekki réttlættir. Reiðin ekki lægð. Eina og aðeins eina leiðin er að beina reiðinni og athyglinni annað. Finna blóraböggulinn. Útlendingurinn auðvitað hentugasta fórnarlambið, ekki síst útlendingurinn innanlands; valdaútlendingurinn. Í kapítalísku samfélagi ævinlega vinstri menn, verkalýðsforingjar og innflytjendur – allir auðvitað í samsæri með útlendingum.

Í Þýskalandi Weimar-lýðveldisins bjó valdaelítan til skýringarsögu sem átti eftir að verða illræmdasta og frægasta áróðursbragð síðustu aldar. Hún var samin og flutt af þjóðernisfasistanum Ludendorff, einum helsta ábyrgðarmanni þýska Hrunsins. Ludendorff (sem eftir stríð sóttist eftir forsætisembætti) teiknaði upp í eigin syndaaflausn, mystíska mynd svika, bakstungu og alþjóðlegs samsæris gegn þýsku þjóðinni.  Þýskaland hefði aldrei tapað stríðinu ef kommúnistar, jafnaðarmenn og gyðingar hefðu ekki svikið þjóðina með byltingum, verkföllum og samningum við óvininn. Þessi stóra svikasaga fékk nafnið rýtingsstungugoðsögnin, Dolchstosslegende.

Þýska valdaelítan gerði ekkert rangt. Stóð ekki fyrir stríðinu, tapaði því aldrei og bar takmarkaða ábyrgð á hörmungunum. Hún bar enga ábyrg á samningunum við óvininn, eins og Versalasamningunum, því ráðist var á þjóðina og hún svikin. Sjálf var valdaelítan saklaus af fljótandi blóði 12 milljóna manna. Hinir einu sönnu glæpamenn voru jafnaðarmennirnir sem skrifuðu undir uppgjafarsamningana – uppnefndir: Nóvember glæpamennirnir.

Stórlygin um rýtingsstunguna sló í gegn. Hún aflétti sektarkennd valdaelítunnar og stuðningsmanna hennar og beindi reiðinni að fjölmiðlum, fulltrúum fátæklinga, menntafólki, útlendingum og gyðingum.

Í krafti hennar sló óvænt í gegn háværasti lýðskrumari þjóðernishyggjunnar, vinur og arftaki Ludendorffs: Adolf Hitler. Studdur af ofbeldisfullri og háværri hreyfingu valdshyggjumanna spann hann í kringum rýtingsstunguna nýtt tungumál: Stríðstungumálið þar sem orsakasamhengi sögunnar réðist af tvenns konar afli:  Ofurviljanum og illviljanum.

Það var á baki þessu fantasíudrifna áróðursofstæki sem þýskir nasistar riðu á svið 1933 með það markmið í farteskinu að eyða öllum ummerkjum um Weimar-lýðræðið.

Og það var stigmagnandi vitfirring þessa áróðurs sem dreif voðaverk nasistanna áfram  gegn vinstrimönnum og gyðingum, út í hið óendanlega og óhugsanlega”, eins og Hannah Arendt orðaði það.

90 árum síðar hóf valdaelítan á Íslandi, í sambærilegum aðstæðum, að yfirfæra rýtingsstungugoðsögnina yfir á Ísland og útfæra áróður nasistanna af smásmugulegri nákvæmni. Gráðugi ameríski kröfuhafa-gyðingurinn, sem nasistar táknuðu sem kakkalakka, tók þá á sig mynd gráðugra amerískra hrægamma en vinstri mennirnir voru á sínum stað – óvænt úthrópaðir sem kommúnistar. Fáa óraði fyrir hvað slíkur ofstækisáróður ætti greiða leið að hjörtum og sálum landsmanna né heldur hvaða þjóðernishyggjuöfl áróðurinn myndi leysa úr læðingi. Meira um það í næstu grein.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorsteinn Már Baldvinsson er forstjóri Samherja og sonur hans, Baldvin Þorsteinsson, er yfir Evrópuútgerð Samherja.
Norskur ráðherra segist ekki sjá ástæðu til að hjálpa Samherja að safna meiri kvóta
Norsk stjórnvöld hafa gripið formlega til aðgerða vegna tilraunar Samherja til að komast yfir aukin fiskveiðikvóta þar í landi. Reglur verða hertar og fjárfestingar erlendra aðila í sjávarútvegi þar í landi verða bundnar sérstakri heimild.
Kjarninn 9. maí 2021
Women Empowerment – bók eftir Eddu Falak
„Kynþokki er allavega og við ættum ekki að vera hræddar við að sýna hann“
Edda Falak safnar nú fyrir bók sem ber nafnið „Women Empowerment“ á Karolina Fund.
Kjarninn 9. maí 2021
Mótmælandi steytir hnefa í borginni Cali en þar hafa átök milli mótmælenda og lögreglu orðið hve hörðust í mótmælunum sem staðið hafa yfir frá því 28. apríl í Kólumbíu.
Mótmæla harðræði lögreglu í Kólumbíu
Mótmæli hafa staðið yfir í Kólumbíu í á aðra viku. Upphaflega voru það breytingar á sköttum sem fólk mótmælti en síðar varð það harðræði lögreglu sem dró fólk af stað. Félagasamtök segja að hátt á fjórða tug mótmælanda hafi látist vegna aðgerða lögreglu.
Kjarninn 9. maí 2021
Odd Emil Ingebrigtsen, sjávarútvegsráðherra Noregs.
Norski sjávarútvegsráðherrann segir að Samherji sé með „laskað mannorð“
Sjávarútvegsráðherra Noregs segist gruna að Samherji sé að reyna að komast í kringum reglur um eignarhald erlendra aðila á norskum fiskveiðikvóta og hefur gripið til aðgerða. Hann felur ekki neikvæðni sína í garð Samherja.
Kjarninn 9. maí 2021
Jón Gnarr
Af þrælmennum
Kjarninn 9. maí 2021
Borgarstjórar skyldaðir til handabanda
Umræður um handabönd hafa, og það ekki í fyrsta sinn, ratað inn í danska þingið. Þingmenn vilja skylda borgarstjóra landsins til að taka í höndina á nýjum ríkisborgurum, en handabandið er skilyrði ríkisborgararéttar.
Kjarninn 9. maí 2021
Ari
„Vægi loftslagsmálanna minnkar ekki þessa dagana“
Þingmaður VG segir að ef Íslendingar standi við það sem þeir hafa samþykkt af áætlunum um loftslagsmál og geri aðeins betur hafi þeir að minnsta kosti staðið við sinn skerf í málaflokknum.
Kjarninn 8. maí 2021
Brynjar Níelsson, þingmaður Sjálfstæðisflokksins.
Býður sig fram í 2. sæti – stefnir á að verða í framvarðasveit flokksins í Reykjavík
Brynjar Níelsson ætlar að bjóða fram krafta sína fyrir Sjálfstæðisflokkinn fyrir næstu kosningar en hann hefur verið á þingi síðan 2013.
Kjarninn 8. maí 2021
Meira úr sama flokkiAðsendar greinar