Hoppum út í laugina!

Hermundur Sigmundsson, prófessor í lífeðlislegri sálfræði við Háskólann í Þrándheimi í Noregi og Háskólann í Reykjavík, fjallar um mikilvægi ungbarnasunds en hann segir að barnið fái fjölbreytt áreiti, mikilvæga hreyfistund og alhliða þjálfun í sundi.

Auglýsing

Einn af mik­il­væg­ustu fræði­mönn­unum innan þró­unar barna er Esther Thelen en hún gaf út bók með kenn­ingu sinni árið 1994. Kenn­ingin fékk nafnið „Dyna­mical system app­roach“ eða það sem við myndum kalla virkt kerfi. Hennar kenn­ing er innan þess sem kallað er lík­inda­bundin for­maukn­ing en sam­kvæmt því er þróun ein­stak­lings alltaf sam­spil milli erfða og umhverf­is.

Þannig að áreiti er lyk­il­at­riði fyrir þró­un. Rann­sóknir Thelen hafa meðal ann­ars sýnt fram á mik­il­vægi sam­hæf­ingar milli augna og handa (stöðu­skyn). Sú sam­hæf­ing er grund­völlur þess að geta notað hend­urnar til hinna ýmsu verka (seil­ast eftir og grípa) eins og að ná í leik­föng og borða með skeið og gaffli. Börn með hreyfi­vanda­mál á aldr­inum 6 til 8 ára eiga í vand­ræðum með sam­band sjón­skyns og snert­iskyns/hreyf­ing­ar. Senni­lega hefur sá þáttur ekki þró­ast á réttan hátt fyrsta árið. Fræði­menn telja að slök sam­hæf­ing sé ein meg­in­á­stæðan fyrir hreyfi­vand­mál­um, að sjálf­sögðu í sam­spili með skorti á þjálf­un. Þessi börn lenda inn í eins konar víta­hring: Skert sam­hæf­ing – skert hreyfi­færni – minni hreyf­ing – vöntun á áreiti.

Um 35% for­eldra á Íslandi fara með börnin sín í ung­barna­sund. Rann­sóknir sýna að ung­barna­sund sem inni­heldur 2 tíma þjálfun í viku með börn á aldr­inum 3 til 7/8 mán­aða getur haft jákvæð áhrif á hreyfi­færni barna hvað varðar fín­hreyf­ingar (sam­hæf­ingu augna og handa) og gróf­hreyf­ingar (jafn­væg­i). Það að stjórna höndum og jafn­vægi eru bæði þættir sem eru betri hjá börnum sem hafa verið í ung­barna­sundi heldur en hjá sam­an­burð­ar­hópi sem ekki tók þátt í slíkri þjálf­un. Talað er um að unga­börn byrji að standa upp við stól eða borð við 9 mán­aða ald­ur. Fræði­menn hafa sýnt fram á að með sér­hæfðri þjálfun, þar sem unnið er með styrk og jafn­vægi, þá geta unga­börn staðið í lófa kenn­ar­ans í yfir 15 sek­úndur við 4.3 mán­aða ald­ur.

Auglýsing

Þannig má segja að snemmtæk íhlutun virkar í praks­is, þ.e.a.s. að það sem þjálfað er þró­ast. Fræði­menn segja að ung­barna­sund geti einnig haft jákvæð áhrif á ein­beit­ingu, eft­ir­tekt og athygli. Börnin eru að fylgj­ast með og skyn­færi þeirra (sjón­skyn, heyrn­ar­skyn, lykt­ar­skyn, snert­iskyn, stöðu­skyn) og tauga­kerfi er undir stöð­ugu fjöl­breyttu áreiti í þann tíma sem þau eru í ung­barna­sund­inu. Það að fá fjöl­breytt áreiti er gíf­ur­lega mik­il­vægt fyrir þróun heil­ans á öllum aldri. Heil­inn vex og verður öfl­ugri við þjálfun svipað og vöðvi. Fjöldi tauga­teng­inga eykst með þjálf­un.

Eftir fyrsta árið er mik­il­vægt að fara reglu­lega með barnið í sund­laug. Gefa því mögu­leika á að vaða, leika sér, svamla og eftir það byrja að reyna að synda. Sú stund sem maður ver með barni sínu í sundi er einnig mik­il­væg. Við erum þá að gefa barn­inu fjöl­breytt áreiti, mik­il­væga hreyf­i­stund og alhliða þjálfun á hreyfi­færni í vatni. Þar að auki styrk­ist tengsla­myndun milli for­eldra og barns. Í sundi gefst tæki­færi til að ræða málin og spjalla við barnið án trufl­unar frá snjall­sím­um, spjald­tölvum eða sam­fé­lags­miðl­um.

Hoppum út í laug­ina!

Höf­undur er pró­fessor í líf­eðl­is­legri sál­fræði við Háskól­ann í Þránd­heimi í Nor­egi og Háskól­ann í Reykja­vík.

Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Furða sig á skýrslu um hvalveiðar við Ísland
Forsætisráðherra segir skýrslu um hvalveiðar við Ísland sérkennilegt útspil. Stjórn Hvalaskoðunarsamtaka Íslands gagnrýnir skýrsluna harðlega.
Kjarninn 18. janúar 2019
Meirihluti Íslendinga vill seinka klukkunni – Kjósendur Miðflokksins eru því andvígastir
Munur er á viðhorfi til klukkunnar eftir því hvaða stjórnmálaflokk fólk myndi kjósa. Kjósendur Viðreisnar eru hlynntastir því að klukkunni yrði seinkað en kjósendur Miðflokksins andvígastir.
Kjarninn 18. janúar 2019
Sólveig Anna Jónsdóttir, formaður Eflingar.
Efling hafnar tillögum SA um vinnutímabreytingu
Stjórn, trúnaðarráð og samninganefnd Eflingar hafna tillögum SA um að víkka út ramma dagvinnutíma, að taka út launaða kaffitíma og að lengja uppgjörtímabil yfirvinnu. Þau telja að framkvæmd þessara tillagna yrði mikil afturför fyrir kjör almennings.
Kjarninn 18. janúar 2019
Skuldabréfaeigendur WOW samþykkja breytingar á skilmálum
Stærsta fyrirstaðan fyrir því að Indigo Partners klári aðkomu sína að WOW air hefur verið rutt úr vegi. Skuldabréfaeigendur hafa samþykkt að breyta skilmálum.
Kjarninn 18. janúar 2019
Nýr gagnagrunnur um þróun lífskjara á Íslandi
Forsætisráðherra opnaði vefinn Tekjusagan.is í dag sem er nýr gagnagrunnur stjórnvalda. Gagnagrunnurinn gerir almenningi kleift að skoða með aðgengilegum hætti breytingar á lífskjörum einstakra hópa á 25 ára tímabili, frá árinu 1991 til 2017.
Kjarninn 18. janúar 2019
Hagar reka meðal annars Bónus.
Jóni Ásgeiri hafnað í stjórnarkjöri í Högum
Ný stjórn var kjörin í Högum í dag. Þeir fimm sem tilnefningarnefnd mælti með voru kjörin. Jón Ásgeir Jóhannesson sóttist eftir stjórnarsetu en náði ekki kjöri.
Kjarninn 18. janúar 2019
Tæknivarpið
Tæknivarpið
Tæknivarpið – Rafíþróttir á Íslandi og stórleikir í Höllinni
Kjarninn 18. janúar 2019
Meira úr sama flokkiAðsendar greinar