Fjárfestingar í grænni framtíð

Sjóðsstjóri hjá Íslandssjóðum skrifar um ávinningin af því að gefa út græn skuldabréf.

Auglýsing

Umhverf­is­mál hafa verið í brennid­epli á und­an­förnum árum, ekki síst vegna Par­ís­ar­sam­komu­lags­ins. Sam­kvæmt því munum við Íslend­ingar ásamt 194 þjóðum miða að því að halda hækkun á með­al­hita­stigi jarðar vel innan við 2 gráður frá með­al­hita­stigi jarðar fyrir iðn­bylt­ingu. Til að ná þessu metn­að­ar­fulla tak­marki þarf sam­hent átak hins opin­bera og einka­geirans ásamt almennum vilja til að setja þetta mark­mið í for­gang.

Græn skulda­bréf

Í tengslum við þetta hefur mik­ill vöxtur verið á mark­aði með skulda­bréf sem eru kölluð græn og gefin eru út til að fjár­magna verk­efni sem ætlað er að vinna gegn nei­kvæðum breyt­ingum í nátt­úr­unni af mann­anna völd­um. Dæmi um slík verk­efni eru upp­bygg­ing orku­vera sem koma í stað ann­arra óum­hverf­is­vænna orku­gjafa eða upp­bygg­ing sam­göngu­mann­virkja sem stuðla að minni útblæstri koltví­sýr­ings.

Vís­bend­ingar eru um að fjár­festar geri í auknum mæli kröfu um að fjár­fest­ingar þeirra stand­ist skoðun þegar kemur að þáttum eins og umhverf­is­vernd, sam­fé­lags­legri ábyrgð og góðum stjórn­ar­hátt­um. Þó svo við mætti búast að slíkar áherslur myndu tak­marka fjár­fest­inga­kosti hafa rann­sóknir gefið vís­bend­ingu um að fjár­festar sem huga að slíkum atriðum njóti að minnsta kosti sömu kjara og þeir sem gera það ekki.  Þó er vert að benda á að útgef­endur grænna fjár­fest­inga­kosta skuld­binda sig til að upp­fylla kröfur um upp­lýs­inga­gjöf og fylgja skil­yrðum um í hvað megi nota fjár­mun­ina.

Auglýsing

Ávinn­ingur grænna skulda­bréfa

Ávinn­ing­ur­inn sem hlýst af því að gefa út græn skulda­bréf er meðal ann­ars fólg­inn í að gefa skýr skila­boð um stefnu við­kom­andi fyr­ir­tækja í umhverf­is­málum ásamt því að geta leitað til fjár­festa sem leggja áherslu á þessa þætti í sínum fjár­fest­ing­um. Því geta útgef­endur grænna skulda­bréfa notað útgáf­una í mark­aðs­starfi og stað­fest við­leitni sína til að hafa jákvæð áhrif. Jafn­framt verður sífellt algeng­ara að líf­eyr­is­sjóðir og einka­fjár­festar geri kröfur um að ákveðnum hluta fjár­fest­inga þeirra sé stýrt í slík verk­efni sem gæti aukið eft­ir­spurn eftir grænum skulda­bréfum þegar fram líða stundir með til­heyr­andi jákvæðum áhrifum fyrir útgef­end­ur.

Vax­andi mark­aður - Norð­ur­löndin taka af skarið

Sam­kvæmt Clima­te ­Bond Ini­ti­ati­ve, alþjóð­legum sam­tökum sem vinna að því að nýta fjár­magns­mark­aði til að spyrna við nei­kvæðum áhrifum lofts­lags­breyt­inga, óx útgáfa á grænum skulda­bréfum um 78% árið 2017 frá árinu 2016 í um 178 millj­arða ­Banda­ríkja­doll­ara. Jafn­framt er gert ráð fyrir miklum vexti næstu árin. Banda­rík­in, Kína og Frakk­land eru stærstu aðil­arnir á þessum mark­aði en þó hafa Norð­ur­löndin vakið athygli fyrir sínar útgáfur og eru að mörgu leyti talin leið­andi á þessu sviði. Á und­an­förnum árum hafa Sví­þjóð, Nor­eg­ur, Dan­mörk og Finn­land stigið ákveðin skref inn á þennan markað og í ár reið Lands­virkjun á vaðið fyrir hönd okkar Íslend­inga með 200 milljón doll­ara útgáfu á grænum skulda­bréfum og lagði þannig áherslu á umhverf­is­lega kosti raf­orku­fram­leiðslu okkar Íslend­inga.

Inn­lendur mark­aður verður til

Reykja­vík­ur­borg gaf nýlega út grænt skulda­bréf til að fjár­magna m.a. gerð göngu- og hjóla­stíga, upp­bygg­ingu hleðslu­stöðva fyrir raf­magns­bíla og inn­leið­ing­u LED ­lýs­ing­ar. Með útgáf­unni tók borgin af skarið sem  fyrsti inn­lendi aðil­inn til að gefa út grænt skulda­bréf í íslenskum krónum og sendi þannig skýr skila­boð um umhverf­is­stefnu borg­ar­inn­ar. Jafn­framt hafa fleiri aðilar lýst yfir áhuga á grænni útgáfu, ekki síst vegna auk­ins áhuga fjár­festa á slíkum fjár­fest­inga­kost­um.

Búast má við að inn­lendur mark­aður með græn skulda­bréf  eigi eftir að vaxa nokkuð á næstu árum. Því er vert fyrir þá sem þurfa að fjár­magna  verk­efni  með jákvæðum umhverf­is­á­hrif­um, hvort sem það eru sveit­ar­fé­lög, ríki eða fyr­ir­tæki, að skoða græna útgáfu á skulda­bréfum og fjár­festi þannig í bættu umhverfi.

Höf­undur er sjóðs­stjóri hjá Íslands­sjóð­um.

CRIPSRi notað til að skoða erfðamengi baktería
Hvaða gen eru það sem bakteríur nýta sér til að verjast sýklalyfjum?
Kjarninn 19. janúar 2019
Viðar Freyr Guðmundsson
Máttlaus áhrif lækkunar hámarkshraða
Leslistinn 19. janúar 2019
Jóhann Bogason
Skömm sé Háskóla Íslands
Kjarninn 19. janúar 2019
Þolendur eiga ekki að þurfa að sitja undir Klausturmönnum
Helga Vala Helgadóttir, formaður stjórnskipunar- og eftirlitsnefndar, segir að Ágúst Ólafur Ágústsson muni ekki koma aftur til starfa í næstu viku. Hún veit ekkert um hvort Bergþór Ólason eða Gunnar Bragi Sveinsson ætli að gera það.
Kjarninn 19. janúar 2019
Koma svo!
Koma svo!
Koma svo - Fyrirgefðu en má ég vera til?
Kjarninn 19. janúar 2019
Tæknispá 2019
Þroskaðra sprotaumhverfi, Elon Musk í kringum tunglið, mannlegar hliðar tækni, hæpheiðar og -dalir og frú Sirrý á íslensku. Þetta er meðal þess sem fram kemur í árlegri tæknispá Hjálmars Gíslasonar.
Kjarninn 19. janúar 2019
Jón Baldvin: Ásakanir „hreinn uppspuni“ eða „skrumskæling á veruleikanum“
Jón Baldvin hefur verið sakaður um kynferðislega áreitni af fjölda kvenna að undanförnu.
Kjarninn 19. janúar 2019
Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Meira úr sama flokkiAðsendar greinar