Veggjöld, fátækraskattar og hamingjan

Formaður Samtaka um bíllausan lífsstíl skrifar.

Auglýsing

Í veggjöldum liggur sá mögu­leiki að jafna fjár­hag og félags­leg gæði ólíkra sam­fé­lags­hópa á Íslandi.

Í kort­unum er að vinnu­hópur á vegum Sam­göngu­ráðu­neytis leggi fram til­lögu um veg­tolla til sam­þykktar á þingi í jan­ú­ar. Fátt er jafn umdeilt og nýjar leiðir til að skatt­leggja almenn­ing og engin und­an­tekn­ing er á því í þessu máli. Fátækra­skattur er orð sem mikið er fleygt í umræð­unni og það er auð­velt að vera  sam­mála þeirri full­yrð­ingu að veggjöld séu einmitt fátækra­skattar miðað við þær til­lögur sem fyrir liggja. Það á að gera fólki auð­veld­ara að velja bíl­inn, en jafn­framt dýr­ara.

Ekki hægt að vera sam­mála/ó­sam­mála veg­tollum

Þegar gjöld eru tekin af almenn­ingi verða þau alltaf að skoð­ast í sam­hengi við það sem ríkið eða sveit­ar­fé­lög nota þau í. Hluti af þeim gjöldum sem við greiðum í gegnum útsvar er til dæmis not­aður í að nið­ur­greiða leik­skóla­dvöl barna. Þetta er ákveðin grunn­þjón­usta sem allir greiða fyrir og flestir eru sáttir við þá útfærslu að for­eldrar sem nýta sér leik­skól­ana greiði meira en þeir sem ekki eiga börn í leik­skóla. Einnig borga þeir for­eldrar sem eiga mörg börn í leik­skóla meira en þeir sem eiga eitt. Það sama má segja um veg­tolla og tafagjöld. Grunn­urin er löngu til­bú­inn en í hvað verður auka­gjald­takan af not­enum nýtt?

Auglýsing

Núver­andi til­lög­ur 

Meiri­hluti Umhverf­is- og sam­göngu­nefndar hefur lagt til að gjöld verði tekin á þremur stofnæðum í og við Reykja­vík, í jarð­göngum og við nýfram­kvæmdir sem stytta veg­kafla á lands­byggð­inni. Allt á þetta að fjár­magna fleiri jarð­göng, nýfram­kvæmdir á lands­byggð­inni og síð­ast en ekki síst nýfram­kvæmdir sem auka umferð­ar­flæði innan höf­uð­borg­ar­svæð­is­ins líkt og tvö­fald­anir vega og mis­læg gatna­mót.

Aukið flæði umferðar = meiri umferð

Ein­hvers­staðar í ferl­inu hefur minn­is­blaðið um upp­fyll­ingu Par­ís­ar­sátt­mál­ans glat­ast á leið­inni til Umhverf­is- og sam­göngu­nefnd­ar. Aukið flæði umferðar í einka­bílum býður upp á meiri umferð, jafn miklar tafir og meiri útblást­ur. Það er ekk­ert leynd­ar­mál í hinum upp­lýsta heimi að séu mögu­leikar á umferð­ar­flæði auknir mun umferð aukast á því svæði og tafir ekki minnka. Þetta hefur nú þegar sannað sig á höf­uð­borg­ar­svæð­inu sem og ann­ars stað­ar. Fólki fjölgar og það velur þær leiðir þar sem mestar líkur eru á góðum milli­tíma. Það mun hrúg­ast í bíl­unum sínum á hin nýju land­freku mis­lægu gatna­mót og þeysa um breiða tvö­falda vegi með hljóð­mönum á báða bóga og ná frá­bærum milli­tíma nema, já nema, þegar allir aðrir ætla að gera það nákvæm­lega sama á sama tíma. Þá fer allt í sama horfið og þótt allir séu í raf­magns­bíl­unum sínum þá menga þeir líka í fram­leiðslu, förgun og notk­un.

Nýt­ist efna­minni best

Eina leiðin til þess að veg­tollar og tafagjöld innan höf­uð­borg­ar­svæð­is­ins nýt­ist bæði þeim sem borga og Íslandi í að ná sínum mark­miðum er að fjár­festa í betri innviðum fyrir fólk sem ferð­ast gang­andi, hjólandi og með almenn­ings­sam­göng­um. Það er einnig eina leiðin til að bjóða þeim sem minna hafa milli hand­anna að ferð­ast ódýr­ara á höf­uð­borg­ar­svæð­inu, meira að segja ódýr­ara en það er að ferð­ast núna með bíl, fyrir veg­tolla. Sam­kvæmt útreikn­ingum FÍB kostar það á milli 93 og 162 þús­und að reka nýjan bíl á mán­uði, það er fyrir utan lána­greiðsl­ur. Þetta gera um 1.1 til 2.3 millj­ónir á ári. Auð­vitað er hægt að reka gamlan bíl en þá koma við­gerðir upp á móti sem eru oft óvæntur og óþægi­legur kostn­að­ur. Það eru ekki margir mögu­leikar fyrir efna­m­inna fólk til að bæta hag sinn um milljón eða meira á ári með einni aðgerð. Þess vegna myndu skil­yrt veggjöld nýt­ast þeim best.

Stuðn­ingur við veggjöld

Stuðn­ingur Sam­taka um bíl­lausan lífs­stíl við veg­tolla og tafagjöld á höf­uð­borg­ar­svæð­inu er algjör­lega ein­skorð­aður við að inn­koman verði skil­yrt til upp­bygg­ingu vist­vænna sam­gangna. Að nota inn­kom­una í að auka umferð einka­bíla á höf­uð­borg­ar­svæð­inu og þ.a.l. meng­un, allt til þess að auka umferð­ar­flæði tíma­bund­ið, er hrein­lega galið. Skil­yrða þarf inn­kom­una til þess að stuðla að hraðri upp­bygg­ingu hágæða almenn­ings­sam­gangna(­les­ist Borg­ar­lín­u), bæta núver­andi strætó­kerfi, bæta deili­kerfi og teng­ingu þeirra við almenn­ings­sam­göng­ur, byggja hágæða hjóla­stíga­kerfi og bæta öryggi gang­andi veg­far­enda. Þetta er eina leiðin til að koma til móts við efna­m­inna fólk, bæta umferð­ar­flæði og stand­ast alþjóð­legar skuld­bind­ingar í lofts­lags­mál­um. Allt í sömu aðgerð­inni. Í kaup­bæti fáum við svo betri loft­gæði, minni örplasts­mengun, minni hljóð­meng­un, meiri hreyf­ingu, meiri úti­veru, betur stæð heim­ili, líf á göt­urnar og almennt meiri ham­ingju.

Þar til ákvörðun um að veggjöld verði ein­ungis notuð til byggja upp og styrkja inn­viði fyrir vist­væna far­ar­máta liggur fyrir geta Sam­tök um bíl­lausan lífs­stíl ekki stutt hug­myndir meiri hluta Umhverf­is- og sam­göngu­nefndar um veggjöld, langt því frá.

Stjórn Sam­taka um bíl­lausan lífs­stíl:

Björn H. Sveins­son – for­maður

Val­gerður Hún­boga­dóttir – vara­for­maður

Axel Kaaber – með­stjórn­andi

Björn Teits­son – með­stjórn­andi

Taka skal fram að und­ir­rituð taka ekki afstöðu í þess­ari grein til gjald­töku í göngum og við nýfram­kvæmdir á lands­byggð­inni.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Kjarasamningar þorra aðildarfélaga BSRB hafa verið lausir frá 1. apríl í fyrra.
Formaður BSRB: Ekkert þokast nær ásættanlegri niðurstöðu
„Það eru mikil vonbrigði að við höfum ekki náð að þokast nær ásættanlegri niðurstöðu. Það er stutt í að verkfallsaðgerðir hefjist og mörg stór mál sem bíða úrlausnar,“ segir Sonja Ýr Þorbergsdóttir, formaður BSRB.
Kjarninn 27. febrúar 2020
Maður með andlitsgrímu á hóteli í Austurríki þar sem kona sem smituð er af kórónuveirunni dvelur.
Dæmi um að fólk smitist aftur af veirunni
Nú, þegar nýja kórónuveiran hefur breiðst út til tæplega fimmtíu landa, er enn margt á huldu um hvernig hún hegðar sér. Um 14% þeirra sem sýktust, náðu heilsu og voru útskrifaðir af sjúkrahúsum í Kína hafa sýkst aftur.
Kjarninn 27. febrúar 2020
Katrín Jakobsdóttir, forsætisráðherra og formaður VG.
Útilokar ekki vorkosningar á næsta ári
Forsætisráðherra segist ekki útiloka þann möguleika að kosið verði til Alþingis að vori 2021 í staðinn fyrir í lok október en þá lýkur yfirstandandi kjörtímabili.
Kjarninn 27. febrúar 2020
Tveir stærstu lífeyrissjóðir landsins framkvæmdu ólögmæta breytingu á útreikningum á vöxtum á breytilegum verðtryggðum lánum í fyrra.
Sumir lántakar hjá sjóði verzlunarmanna að greiða vexti sem hafa ekki sést áður
Hópur lántakenda hjá næst stærsta lífeyrissjóði landsins, sem varð fyrir vaxtabreytingu, sem reyndist síðar óheimili fær brátt ofgreiddar greiðslur endurgreiddar. Vextir á lánum þeirra munu reiknast eftir fyrri reglu, og eru undir tveimur prósentum.
Kjarninn 27. febrúar 2020
Erfitt getur verið fyrir eldri innflytjendur að finna upplýsingar um réttindi aldraðra og þjónustu við þá.
Eldri konur af erlendum uppruna „ósýnilegar“ í umræðunni og oft einangraðar
Eldri konur af erlendum uppruna hér á landi eru oft einangraðar og því lítið vitað um ofbeldi eða áreitni sem þær gætu hafa orðið fyrir. Sjaldgæft er að þær leiti sér aðstoðar vegna heimilisofbeldis.
Kjarninn 27. febrúar 2020
Sýn krefur Jón Ásgeir og Ingibjörgu, 365 miðla og Torg um meira en milljarð
Kaup Sýnar á 365 hafa dregið dilk á eftir sér. Deilur eru nú komin inn á borð dómstóla.
Kjarninn 26. febrúar 2020
Sýn tapaði 1,7 milljörðum í fyrra
Rekstrarafkoma Sýnar versnaði mikið milli ára. Niðurfærsla á viðskiptavild litaði afkomu ársins í fyrra.
Kjarninn 26. febrúar 2020
Samherji er grunaður um að hafa greitt mútur fyrir aðgang að ódýrari kvóta í Namibíu.
Skattrannsóknarstjóri fékk gögn um Samherja fyrir Kveiksþáttinn
Yfirvöld í Namibíu höfðu sent skattrannsóknarstjóra gögn um Samherja áður en viðskiptahættir fyrirtækisins í Namibíu voru opinberaðir í fjölmiðlum. Embættið fundaði með háttsettum aðilum í fjármála- og efnahagsráðuneytinu 18. nóvember 2019.
Kjarninn 26. febrúar 2020
Meira úr sama flokkiAðsendar greinar