Óverjandi herferð gegn hvölum

Formaður Dýraverndarsambands Íslands hvetur almenning til að láta sig dráp á hvölum varða.

Auglýsing

Sjáv­ar­út­vegs­ráð­herra hefur til­kynnt að úrskurður hans um að leyfa árlegar veiðar á hund­ruðum hvala sé byggð á vís­inda­legum rök­um. Að þessu sinni er þó farið að mestu grímu­laust með þá hags­muni sem liggja til slátr­unar hval­anna. Krist­ján Lofts­son hefur áður sýnt okkur ræki­lega með dæma­lausum ferli sínum hversu von­lítil sú við­skipta­hug­mynd er að reyna að veiða hvali og selja afurðir þeirra.

Almennt borða Íslend­ingar ekki hval­kjöt og enn verra er að koma því til útlanda. Ótalin er sú óvild og sá vandi sem hval­veiðar skapa okkur hjá öðrum þjóð­um. Raun­veru­legu hags­mun­irn­ir, þau vís­indi sem ráð­herra vísar til við ákvörðun sína, voru aftur á móti vel beraðir í alræmdri skýrslu hag­fræð­ings hjá Háskóla Íslands. Skýrslan var raunar með því­líkum ósköpum að vægur jarð­skjálfti mæld­ist við kjána­hroll­inn sem fór um meira og minna allar kreðsur í íslenskum vís­inda­heimi sem rýndu í hana og sem eitt­hvað þekkja til líf­ríkis sjáv­ar.

Ef skýrslan er skoðuð ofan í kjöl­inn sést að hún snýst fyrst og fremst um hags­muni þess fólks sem hefur tekjur af þeirri auð­lind þjóð­ar­innar sem er fisk­ur­inn í sjón­um. Gleymum því ekki að þær tekjur sem fisk­ur­inn gefur standa ágæti­lega undir því að borga jafnt hag­fræð­ing­um, lög­fræð­ingum og stjórn­mála­flokkum ágætar dúsur fyrir álit og laga­vafstur og jafn­vel nið­ur­stöð­ur. Til að setja punkt­inn yfir i-ið er álit hag­fræð­ings­ins hnýtt slaufum með orðum á borð við ,,þjóð­ar­hag” og það orð mikið not­að, enda verður að telja almenn­ingi í trú um að þetta sé góð hug­mynd. Svona er hátt­bund­inn hringdans hags­muna­að­ila og stjórn­valda og það er alltaf hálf neyð­ar­legt að horfa upp á hann. En í þessu til­felli verða hval­irnir und­ir.

Auglýsing

Mat hag­fræð­ings­ins snýst í grunn­inn um að sýna fram á að það borgar sig að veiða hvali ein­fald­lega af því hvalir borða svo mik­ið. Þar vísar hann til þess sem kallað er afrán hvala. Í þessu til­felli er ljóst að ekki er vísað til vana­bund­inna líf­fræði­legra skil­grein­inga á því þegar eitt dýr veiðir annað sér til nær­ing­ar, heldur leiðir hag­fræð­ing­ur­inn út þá nið­ur­stöðu sína að það sé hag­kvæmt að veiða hvali til þess að hval­irnir borði ekki fisk­inn í sjónum eða taki mat frá hon­um.

Undir þessu öllu liggur í raun ein­hvers­konar sjón­ar­mið um fiski­rækt í sjón­um, af því veiða megi fleiri fiska með því að ryðja hvölum frá. Það grund­vall­ar­sjón­ar­mið að hvalir eru hluti af vist­kerfi sjávar og með sjálf­stæðan til­veru­rétt sem slíkir er hrein­lega ekki til við­mið­un­ar. Dýra­vel­ferð er þannig að heita má skeyt­ing­ar­laust fórnað hér á alt­ari meiri gnægta. Til­urð, fer­ill og nið­ur­staða skýrsl­unnar lýsir að mínu mati gengd­ar­lausri sjálfsmiðun og algeru virð­ing­ar­leysi í garð líf­rík­is­ins sem við þó til­heyr­um. Þetta er nálgun og við­horf á grund­velli fjár­hags­legra hags­muna ein­göngu, allt í takti við þá ann­ars furðu­legu hag­fræði sem gerir ráð fyrir enda­lausum hag­vexti í ver­öld end­an­legra gæða. Ráð­herra nið­ur­lægir ber­lega emb­ætti sitt og umboð með því að vísa til þessa gagns sem vís­inda­legs grund­vallar ákvörð­unar sinn­ar. Enda blasir hags­muna­slag­síðan við. Og hval­ur­inn verður und­ir.

Dýra­vernd­ar­sam­band Íslands hefur ekki lagst gegn veiðum á villtum dýrum til mat­ar, hvort sem það eru fugl­ar, fiskar eða spen­dýr á borð við til dæmis hrein­dýr eða hvali, nema á þeim grund­velli þar sem ekki er unnt að tryggja mann­úð­lega aflífun dýr­anna. Í til­felli hval­anna er það ekki hægt og sýnt hefur verið fram á að dauða­stríð þess­ara spen­dýra getur tekið langan tíma. Hér er því bæði um að ræða það að ryðja hvölum úr vegi í líf­ríki hafs­ins og einnig að aðferðin við drápin er óverj­andi frá dýra­vel­ferð­ar­sjón­ar­mið­um. Aðrir hafa bent á almenn og alþjóð­leg vernd­ar­sjón­ar­mið hvala­stofna. Höldum til haga að ef við­líka tíðni væri á til­vilj­ana­kenndum fram­lengdum kvala­fullum dauð­daga ein­hvers hlut­falls búfjár við slátrun þá yrði snar­lega brugð­ist við því. En við sýnum hvölum tóm­læti og látum þá líða þján­ing­ar­fullan dauð­daga. Í von um hagnað fyrir útgerð­ina.

Svona er leik­flétt­an. Hún er ljót. Það er bara hollt að setja hana í orð og íhuga málin bet­ur. Við hvetjum almenn­ing til að láta sig þessi dráp varða.

Von­andi ber íslenskri þjóð sem fyrst gæfa til hætta að standa fyrir því að leyfa örfáum aðilum að stunda kerf­is­bundin dráp á einni dýra­teg­und til að auka annan gróða. Það er skömm að þessu máli, hvernig sem á það er lit­ið. Við skorum á ráð­herra að end­ur­skoða ákvörðun sína nú þeg­ar.

Höf­undur er for­maður Dýra­vernd­ar­sam­bands Íslands.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Ferðalag á mörkum ljóss og myrkurs, í átt til dögunar
Rökkursöngvar Sverris Guðjónssonar kontratenórs eru að koma út. Safnað er fyrir þeim á Karolina Fund.
Kjarninn 15. desember 2019
Ársreikningaskrá heyrir undir embætti ríkisskattstjóra.
Skil á ársreikningum hafa tekið stakkaskiptum eftir að viðurlög voru hert
Eftir að viðurlög við því að skila ekki ársreikningum á réttum tíma voru hert skila mun fleiri fyrirtæki þeim á réttum tíma. Enn þarf almenningur, fjölmiðlar og aðrir áhugasamir þó að greiða fyrir aðgang að ársreikningum.
Kjarninn 15. desember 2019
Hin harða barátta um sjónvarpið og internetið
Síminn fékk nýverið níu milljóna króna stjórnvaldssekt fyrir að hafa margbrotið ákvæði fjölmiðlalaga, með því að í raun vöndla saman sölu á interneti og sjónvarpi. Brotin voru sögð meðvituð, markviss og ítrekuð.
Kjarninn 15. desember 2019
Réttast að senda pöndubirnina heim
Upplýsingar um fund kínverska sendiherrans í Danmörku með færeyskum ráðamönnum um fjarskiptasamning hafa valdið fjaðrafoki í Færeyjum og meðal danskra þingmanna. Sendiherrann neitar að reyna að beita Færeyinga þrýstingi.
Kjarninn 15. desember 2019
Lilja D. Alfreðsdóttir, mennta- og menningarmálaráðherra.
Drög að nýjum þjónustusamningi við RÚV kynnt
Mennta- og menningarmálaráðherra hefur kynnt nýjan þjónustusamning við Ríkisútvarpið fyrir ríkisstjórn en núgildandi samningur rennur út um áramótin.
Kjarninn 14. desember 2019
Agnar Snædahl
Frá kreppuþakuppbyggingu og myglu
Kjarninn 14. desember 2019
Undraheimur bókmenntanna: Veisla Soffíu Auðar Birgisdóttur
Gagnrýnandi Kjarnans skrifar um „Maddama, kerling, fröken, frú. Konur í íslenskum nútímabókmenntum".
Kjarninn 14. desember 2019
Jón Baldvin Hannibalsson
Norrænt velferðarríki eða arðrænd nýlenda?
Kjarninn 14. desember 2019
Meira úr sama flokkiAðsendar greinar