Ef ekk­ert breyt­ist í næstu viku, hrynja Bretar út úr Evr­ópu­sam­band­inu í lok mán­að­ar­ins án samn­ings. Það mun þýða röskun á öllum þeirra milli­ríkja­sam­skipt­um, inn­flutn­ingi á vörum, útflutn­ingi á vörum og þjón­ustu, raðir á landa­mærum, mat­ar­skort, lyfja­skort og elds­neyt­is­skort. Fyrir þennan veru­leika hafa öll stór fyr­ir­tæki sem starfa á Bret­lands­mark­aði þurft að und­ir­búa sig.

Þar sem afleið­ing­arnar af því að ganga út úr Evr­ópu­sam­band­inu án samn­ings eru svo hrika­leg­ar, eru lík­urnar á því að breska þingið láti þær ger­ast, frekar litl­ar. En það ­skásta í stöð­unni nú, er að þing­inu tak­ist að fresta útgöngu um þrjá mán­uði og að í júní verði sama staða uppi á ten­ingn­um, val um vondan samn­ing eða útganga án samn­ings. Á meðan sog­ar Brex­it allt súr­efni úr breskum stjórn­málum og allt of mik­inn tíma frá fyr­ir­tækj­um. Mörg hafa gefið fram­tíð­arplön upp á bát­inn og önnur hafa hugsað sér til hreyf­ings.

Fyrir Íslend­inga hef­ur Brex­it ­mikil áhrif, enda Bret­lands­mark­aður lengi verið einn mik­il­væg­asti útflutn­ings­mark­aður Íslands. Þangað flytjum við mest af okkar verð­mæt­ustu sjáv­ar­af­urð­um, þar starfar fjöldi Íslend­inga, stundar nám og við flytjum þaðan inn fjöld­ann allan af vörum og þjón­ustu. Útganga án samn­ings verður hrika­leg fyrir íslenska útflutn­ings­hags­muni, jafn­vel þótt allt verði gert til að þess að tak­marka tjón­ið. 

Útganga með þeim samn­ingi sem Bretar hafa náð við ESB en þingið hefur ekki sam­þykkt, verður líka flók­in. Sama hver end­an­leg nið­ur­staða verður mun pundið veikjast, hag­vöxtur minnka og tæki­færum Breta fækka. Ekki verður lengur sjálf­gefið að reka höf­uð­stöðvar á Bret­landi sem þjóna allri Evr­ópu, ekki verður fýsi­legt að flytja fisk gegnum Bret­land inn á Evr­ópu­mark­að. Ógn­irnar í stöð­unni eru marg­ar, en tæki­færin hverf­andi.

Hafi íslensk fyr­ir­tæki ekki enn áttað sig á afleið­ing­unum af Brex­it, fer hver að verða síð­astur að gera ráð­staf­an­ir. Útganga án samn­ings er enn mögu­leiki – þótt hann sé lít­ill – en útganga með samn­ingi mun einnig hafa afleið­ingar sem fyr­ir­tæki þurfa að búa sig und­ir.

Í næstu viku sjáum við aðeins betur hvert póli­tískur vilji breska þings­ins leið­ir, fyrst reynir Ther­es­a Ma­y að nýju að fá samn­ing­inn sinn sam­þykkt­an. Það er ólík­legt að það tak­ist. Þá fær þingið að greiða atkvæði um hvort gengið verði út án samn­ings. Lík­leg­ast er að þingið sam­þykki það – en óljóst er hvernig um slíkt verði samið við 27 ríki ESB. Í þriðja lagi kýs breska þingið um hvort fresta eigi útgöngu og lík­leg­ast er að þriggja mán­aða frestun náist fram. En þá byrjar líka allur sirkus­inn aft­ur.