Upplýsingagjöf lífeyrissjóða

Framkvæmdastjórar Frjálsa lífeyrissjóðsins, EFÍA og LSBÍ og Lífeyrissjóðs Rangæinga segja að lífeyrissjóðir og eftirlitsaðilar hafi lagt sig fram við að miðla ítarlegum upplýsingum um starfsemi þeirra. Það megi hins vegar alltaf gera betur.

lifeyrissjodsamsett.jpg
Auglýsing

Á tímum upp­lýs­inga­tækni er krafa um aukið gagn­sæi og greiðan aðgang að upp­lýs­ingum eðli­leg og ætla má að sú krafa eigi bara eftir að aukast. Hún gildir að sjálf­sögðu um líf­eyr­is­sjóði og ánægju­legt að sjá stöðugt fleiri láta sig mál­efni líf­eyr­is­sjóða varða. Virku aðhaldi sjóð­fé­laga ber að fagna og allri upp­lýsandi og gagn­legri umræðu um líf­eyr­is­kerfið skal haldið á lofti enda er það hagur okkar allra.

Rétt er að fara yfir hvar og hvernig nálg­ast má helstu upp­lýs­ingar um líf­eyr­is­sjóð­ina og hvaða upp­lýs­ingar er þar að finna.

Vef­síður sjóð­anna

Fyrst ber að nefna vef­síður líf­eyr­is­sjóð­anna en hafa ber í huga að hver líf­eyr­is­sjóður er sjálf­stæð ein­ing og birtir því ein­ungis upp­lýs­ingar um sína starf­semi, en ekki ann­arra. Á vef­síð­unum má nálg­ast árs­reikn­inga sjóð­anna sem inni­halda ítar­legar upp­lýs­ingar um ávöxt­un, eigna­sam­setn­ingu, kostnað við rekstur og fjár­fest­ingar og árangur fjár­fest­inga svo fátt eitt sé nefnt. Þá hafa margir líf­eyr­is­sjóðir einnig dregið saman helstu upp­lýs­ingar úr árs­reikn­ing­um, svo sem upp­lýs­ingar um ávöxtun sl. ára og birt þær sér­stak­lega á vef­síðu sinni. Sumir ganga svo enn lengra og birta reglu­lega yfir­lit yfir allar fjár­fest­ingar sín­ar, sund­ur­liðað á ein­stök verð­bréf. Loks setja flestir líf­eyr­is­sjóðir fréttir um starf­sem­ina á vef­síður sínar og/eða senda þær í tölvu­pósti til sjóð­fé­laga.

Auglýsing

Opin­berir aðilar

Næst má nefna opin­bera aðila sem taka saman upp­lýs­ingar um alla líf­eyr­is­sjóði og birta á vef­síðum sín­um. Fjár­mála­eft­ir­litið tekur saman upp­lýs­ingar úr árs­reikn­ingum líf­eyr­is­sjóða og birtir ítar­lega sam­an­tekt yfir helstu lyk­il­tölur úr árs­reikn­ingum þeirra, s.s ávöxt­un, kostnað og trygg­inga­fræði­lega stöðu en rétt er að hafa í huga að upp­gjörs­að­ferðir sam­trygg­ing­ar­líf­eyr­is­sjóða eru ólíkar og því eru tölur um ávöxtun ekki að öllu leyti sam­an­burð­ar­hæf­ar. Þá hóf Fjár­mála­eft­ir­litið nýverið að birta árs­fjórð­ungs­lega sam­an­tekt á eigna­flokkum fjár­fest­inga líf­eyr­is­sjóð­anna.

Lands­sam­tök líf­eyr­is­sjóða

Þá má ekki gleyma Lands­sam­tökum líf­eyr­is­sjóða sem ásamt því að birta sam­an­tekt á ávöxtun sér­eign­ar­deilda líf­eyr­is­sjóð­anna sl. 5 og 10 ár, taka saman upp­lýs­ingar um sjóð­ina í heild og birta undir Hag­tölum líf­eyr­is­sjóða á vef­síðu sam­tak­anna. Jafn­framt eru þar birtar fréttir og fræðslu­greinar um líf­eyr­is­mál.

Sjóð­fé­laga­yf­ir­lit

Ef við beinum svo sjónum að sjóð­fé­lögum og hvaða upp­lýs­ingar þeir geta fengið um sína eigin stöðu þá senda líf­eyr­is­sjóðir út yfir­lit tvisvar sinnum á ári. Á þeim yfir­litum kemur fram hvað sjóð­fé­lagi hefur greitt í sjóð­inn sl. mán­uði, hvaða rétt­indi sjóð­fé­lag­inn á í sínum sjóði og áætluð rétt­indi við starfs­lok m.v. áfram­hald­andi iðgjalda­greiðsl­ur. Vilji sjóð­fé­lagi nálg­ast þessar upp­lýs­ingar oftar eða með raf­rænum hætti þá hefur hann aðgang að slíkum yfir­litum fyrir hvert það tíma­bil sem honum hugn­ast inni á vef við­kom­andi sjóðs yfir­leitt undir heit­inu Mínar síð­ur. Flestir laun­þegar hafa hins vegar greitt í fleiri en einn sjóð um ævina og til veita sem besta yfir­sýn komu líf­eyr­is­sjóðir lands­ins að sam­eig­in­legu verk­efni sem kall­ast Líf­eyr­is­gátt­in. Í Líf­eyr­is­gátt­inni geta sjóð­fé­lagar nálg­ast upp­lýs­ingar á einum stað um öll áunnin rétt­indi í þeim sam­trygg­ing­ar­líf­eyr­is­sjóðum sem þeir hafa greitt í um ævina.

Sam­fé­lags­miðlar

Sam­fé­lags­miðlar hafa hafið inn­reið sína hjá líf­eyr­is­sjóðum líkt og ann­ars staðar og nokkrir sjóðir hafa nýtt sér þá leið til að auka sýni­leika sinn og sam­skipti við sjóð­fé­laga. Þá hafa sjóð­irnir almennt lagt mikla vinnu í vef­síður sínar og nýtt sér staf­ræna þróun til að koma upp­lýs­ingum á fram­færi með skýrum hætti. Þeirri vinnu er þó ekki lokið enda er vinnu við góða fram­setn­ingu upp­lýs­inga aldrei lokið og stöðugt hægt að betrumbæta.

Per­sónu­leg ráð­gjöf og fræðslu­fundir

Þrátt fyrir þá miklu og jákvæðu þróun sem orðið hefur á tækn­inni og raf­rænni þjón­ustu má ekki gleyma mann­lega þætt­in­um. Líf­eyr­is­sjóðir lands­ins bjóða sjóð­fé­lögum sínum upp á per­sónu­lega ráð­gjöf og þjón­ustu og jafn­framt halda margir sjóðir reglu­lega opna fræðslu­fundi fyrir sína sjóð­fé­laga og er þeim í ein­hverjum til­fellum streymt um sam­fé­lags­miðla til að sem flestir geti nýtt sér þá.

Sam­an­burður á ávöxtun líf­eyr­is­sjóða

Af þess­ari yfir­ferð má ljóst vera að upp­lýs­inga­gjöf líf­eyr­is­sjóð­anna er umtals­verð, enda eðli­leg krafa sjóð­fé­laga að gott aðgengi sé að upp­lýs­ingum um þeirra eignir og rétt­indi. Varð­andi aðgengi að sam­an­burði á ávöxtun líf­eyr­is­sjóða þá hafa Lands­sam­tök líf­eyr­is­sjóða nú þegar tekið saman upp­lýs­ingar um ávöxtun sér­eign­ar­deilda líf­eyr­is­sjóð­anna og birt þann sam­an­burð á vef­síðu sinni og er það vel. Þá er fyr­ir­hugað hjá sam­tök­unum að birta sam­bæri­lega sam­an­tekt á ávöxtun á sam­trygg­ing­ar­deildum líf­eyr­is­sjóða. Sam­an­burður á sam­trygg­ing­ar­deildum er hins vegar ekki ein­faldur og huga þarf að mörgum þáttum svo hann sé sam­an­burð­ar­hæf­ur. Til að svo sé þarf fyrst og fremst að leið­rétta fyrir mark­aðs­á­vöxtun skulda­bréfa sem gerð eru upp á kaup­kröfu. Gylfi Magn­ús­son, dós­ent í við­skipta­fræði­deild Háskóla Íslands, hefur til dæmis í nýút­kominni grein á vefnum efna­hagsmal.is fjallað um sam­an­burð á lang­tíma­á­vöxtun og áhættu líf­eyr­is­sjóða á betri hátt en áður hefur verið gert.

Enn betri upp­lýs­inga­gjöf í fram­tíð­inni

Auk­inn áhugi sjóð­fé­laga á mál­efnum líf­eyr­is­sjóða er mikið fagn­að­ar­efni og von­andi mun hann aukast enn frek­ar. Líf­eyr­is­sjóðir sem og eft­ir­lits­að­ilar þeirra hafa lagt sig fram um að miðla ítar­legum upp­lýs­ingum und­an­farin ár og stöðugt er bætt í. Það er hins vegar ljóst að alltaf má gera betur og bæta fram­setn­ingu. Það verður spenn­andi að fylgj­ast með og taka þátt í þróun mála næstu árin í þá átt að auka enn frekar upp­lýs­inga­gjöf í góðu sam­ráði við sjóð­fé­lag­ana, eig­endur líf­eyr­is­sjóð­anna.



Höf­undar eru fram­kvæmda­stjórar Frjálsa líf­eyr­is­sjóðs­ins, EFÍA og LSBÍ og Líf­eyr­is­sjóðs Rang­æ­inga.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiAðsendar greinar