102 Reykjavík, fjölbreytt skólastarf & lýðheilsuvísar

Reglulegur pistill formanns borgarráðs Reykjavíkur á Kjarnanum með helstu fréttum úr borgarráði frá 16. maí 2019.

Auglýsing

Á þessum tíma fyrir ári síðan stóðu yfir meiri­hluta­við­ræður á milli Við­reisn­ar, Sam­fylk­ing­ar, Pírata og Vinstri grænna. Mark­miðið var að ná saman um sátt­mála þess efnis hverjar hinar póli­tísku áherslur yrðu í höf­uð­borg­inni næstu fjögur árin. Kosn­inga­vor­inu var lok­ið, nið­ur­staða kosn­inga ljós og sum­arið blasti við. Við­reisn bauð fram í sveit­ar­stjórn­ar­kosn­ingum í fyrsta sinn og varð strax þriðji stærsti flokk­ur­inn í borg­inn­i.  

Öll spjót beindust að okkur í Við­reisn sem höfðum gengið opin og óháð til kosn­inga. Við­ræður flokk­anna sem nú skipa borg­ar­stjórn­ar­meiri­hlut­ann ein­kennd­ust af trausti og heið­ar­leika. Við gerðum það sem ekki hafði verið gert áður þegar ákveðið var að meiri­hluta­við­ræð­ur skyldu vera í takt við fjöl­skyldu­stefnu flokk­anna. Þess vegna unnum við þétt alla virka daga kl. 9-17 en áttum svo kvöld og helgar með fjöl­skyldum og vinum sem var lang­þráð eftir anna­sama kosn­inga­bar­áttu. Þetta gerðum við vegna þess að við treystum hvert öðru og ætl­uðum ekki að láta afvega­leiða okkur í sam­tal­inu. Það voru mál­efnin sem réðu för en ekki gylli­boð um stóla og stöð­ur.

Þetta fyr­ir­komu­lag þótti mörgum bæði skrítið og áhættu­samt. Það að taka frí frá samn­inga­við­ræðum á kvöldin í stað þess að sitja við þangað til verk­efnið var klárað var eitt­hvað sem ekki hafði tíðkast áður og margir því eflaust haft efa­semdir um ágæti þess. Okk­ur í Við­reisn er alvara þegar við segj­umst vilja ný vinnu­brögð, fjöl­skyldu­vænt umhverfi og jafn­rétti og á þeim grund­velli lögðum við þetta fyr­ir­komu­lag til. Það þarf eng­inn að efast um að öll vorum við sam­mála um að gera þetta vel og yfir­veg­að. Á þessum góða grunni byggjum við enn heilu ári síð­ar. Á þeim góða grunni að hafa kafað vel saman ofan í mál­efn­in, talað okkur niður á sam­eig­in­legar áherslur og verið opin og heið­ar­leg varð­andi það póli­tíska lit­róf sem sam­starfið spann­ar. Þess vegna stendur meiri­hlut­inn þéttur og traust­ur, þrátt fyrir vetur ólgu og óvæntra tíð­inda.  

Auglýsing

Það fel­ast fjöl­mörg tæki­færi í að breyta, bæta og gera bet­ur. Þannig er það alltaf, alls stað­ar.  Ekk­ert er full­komið og það vitum við. Við sam­mælt­umst um að gera góða borg betri og ætlum að byggja öfl­ugt og þétt borg­ar­líf fyrir okkur öll. Á þeirri veg­ferð erum við og höldum ótrauð áfram þó stundum blási á móti. Meiri­hluta­sam­starfið var mótað í rign­ingu en kynnt í sól og nú, ári síð­ar, skín sólin sem aldrei fyrr og meiri­hlut­inn styrk­ist og dafnar í grænni, fal­legri og lif­andi borg.

En nóg um árs afmæli meiri­hlut­ans í borg­inni og að nokkrum af þeim fjöl­mörgu mála sem afgreidd voru á fundi borg­ar­ráðs í síð­ustu viku.

Fjöl­breytt skóla­starf - Hjalla­stefn­an stækkar

Borg­ar­ráð hefur veitt Hjalla­stefn­unni heim­ild til að hefja kennslu í 5. bekk við barna­skóla þeirra í Reykja­vík frá og með næsta skóla­ári, þ.e. skóla­ár­inu 2019-2020. Sam­þykktin er með fyr­ir­vara um að sam­þykkt Mennta­mála­stofn­un­ar. Þessi fögnum við í Við­reisn að sjálf­sögðu enda viljum við auka gæði og sveigj­an­leika í mennta­kerf­inu og styðjum heils­hugar fjöl­breytt rekstr­ar­form. Það verður gaman að fylgj­ast með þess­ari fjölgun í Barna­skóla Hjalla­stefn­unnar og þeim jákvæðu áhrifum sem ég er sann­færð um að Hjalla­stefnan muni áfram hafa á íslenskt skóla­kerfi.

102 Reykja­vík

Í jan­úar sam­þykkti borg­ar­ráð að senda erindi til póst­núm­era­nefndar Íslands­póst þess efnis að Vatns­mýrin fái póst­núm­erið 102 eins og rætt hefur verið um síð­ustu 18 ár eða svo. Póst­núm­era­nefnd hefur nú veitt leyfi fyrir þessu og borg­ar­ráð sam­þykkti í síð­ustu viku að greiða þann kostnað sem breyt­ing­unni fylg­ir. Ákvörð­unin um 102 Reykja­vík hefur enn á ný varpað ljósi á langvar­andi, djúp­stæða klofn­ing innan Sjálf­stæð­is­flokks­ins en málið var sam­þykkt með fjórum atkvæðum borg­ar­ráðs­full­trúa meiri­hlut­ans gegn atkvæði Mörtu Guð­jóns­dóttur en flokks­systur henn­ar, þær Hildur Björns­dóttir og Val­gerður Sig­urð­ar­dótt­ir,  sátu hjá við afgreiðslu máls­ins.

Máli þessu er svo vísað í borg­ar­stjórn Reykja­víkur til end­an­legar afgreiðslu í sam­ræmi við sam­þykktir um stjórn og fund­ar­sköp borg­ar­inn­ar. Það verður óneit­an­lega áhuga­vert að sjá hvernig Mið­flokks­armur Sjálf­stæð­is­flokks­ins kýs þá en odd­viti Sjálf­stæð­is­manna í Reykja­vík, Eyþór Lax­dal Arn­alds, var einmitt einn af stofn­fé­lögum sam­tak­anna 102 Reykja­vík sem börð­ust ötul­lega fyrir brott­hvarfi Reykja­vík­ur­flug­vallar úr Vatns­mýr­inni upp úr síð­ustu alda­mót­um.

Heilsa og vellíðan íbúa Reykja­víkur

Sam­þykkt hefur verið útgáfa 55 lýð­heilsu­vísa sem ætlað er að gefa vís­bend­ingar um heilsu og vellíðan íbúa Reykja­víkur eftir fjöl­breyttum þátt­um. Þar er m.a. horft til and­legrar og lík­am­legrar heilsu, efna­hags, jöfn­uð­ar, aðgengis að grænum svæðum og margra fleiri þátta. Vís­arnir verða gefnir út á ein­blöð­ungi en einnig birtir á vef Reykja­vík­ur­borg­ar.

Hér hefur ein­ungis verið fjallað um þrjú af þeim 50 málum sem komu á inn á borð borg­ar­ráðs í síð­ustu viku en þau sem vilja fylgj­ast með helstu ákvörð­unum borg­ar­innar geta gert það hér

Höf­undur er odd­viti Við­reisnar og for­­­maður borg­­­ar­ráðs.

Hitamet í heiminum í júlí – enn á ný
Júlímánuður var sá heitasti frá því að mælingar hófust, fyrir 140 árum. Því fylgja fleiri jakkalausir dagar fyrir Íslendinga, en líka sýnilegar hamfarir víða um heim.
Kjarninn 24. ágúst 2019
Gunnar Hólmsteinn Ársælsson
Út fer Boris með Breta – hvað sem það kostar!
Kjarninn 24. ágúst 2019
Kristbjörn Árnason
Gleðidagur
Leslistinn 24. ágúst 2019
Vonast enn til að selja vörumerkið WOW air
Skiptastjórar WOW air segja að viðræður um að selja vörumerki, lén og bókunarvél félagsins gangi ágætlega.
Kjarninn 24. ágúst 2019
Ásgeir Jónsson, seðlabankastjóri.
„Ég þekki nú fullvel þau víti sem þarf að varast“
Ásgeir Jónsson, nýskipaður seðlabankastjóri, segist hafa verið frekar bláeygður á stöðu bankanna fyrir hrun. Hann álítur þó að sú reynsla sé verðmæt fyrir hann sem seðlabankastjóra þar sem hann þekki nú vel þau víti sem þarf að varast.
Kjarninn 24. ágúst 2019
Netógnir nýrrar aldar: Árásir á lýðræðið
Það er ekki lengur tekist á um það af neinni alvöru að netárásir eru notaðar til að hafa áhrif á hið lýðræðislega ferli og til að grafa undan lýðræðislegum stofnunum. Það hefur gerst í hverju landinu á eftir öðru.
Kjarninn 24. ágúst 2019
Svona geta stjórnvöld orsakað nýtt fjármálaáfall
Gylfi Zoega, prófessor í hagfræði, hefur búið til lista yfir átta aðgerðir sem ríkisstjórn og Seðlabanki gætu gripið til sem gætu leitt að sér nýtt hrun. Hann biður fólk um að krossa við ef aðgerðirnar verði að veruleika.
Kjarninn 24. ágúst 2019
Ná sáttum um stjórnarmenn Lífeyrissjóðs verzlunarmanna
VR hefur náð samkomulagi við Lífeyrissjóð verzlunarmanna um að þeir stjórnarmenn sem nú sitja í stjórninni í nafni VR munu láta af störfum og í stað þeirra munu þeir stjórnarmenn sem VR skipaði í síðustu viku taka sæti í stjórninni.
Kjarninn 23. ágúst 2019
Meira úr sama flokkiAðsendar greinar