Kæra Katrín,

Greta Thun­berg hefur síð­ast­liðið ár breytt heim­inum örlítið til hins betra. Hennar ein­lægni, rök­festa og sann­fær­ingar kraftur hefur fengið milj­ónir til að feta í fót­spor hennar og styðja við bárátt­una. Umræða og við­horf hafa breyst mikið á þessum tíma en fleira þarf að breytast, það þarf að draga úr losun gróð­ur­húsa­loft­teg­unda.

Hvernig getum við hjálpað Gretu?

Við deilum færslum hennar á sam­fé­lags­miðl­um, það hjálp­ar. Við tölum um hana í ræðum og líkjum henni við barnið í sög­unni um nýju föt keis­ar­ans eins og þú hefur gert, það hjálpar líka. Við þurfum að nota öll tæki­færi sem við hvert og eitt höfum til að hjálpa henni. Og við þurfum ekki að vera hrædd við að vera rót­tæk í aðstoð okkar við Gretu, að taka á rótum vand­ans er nauð­syn­legt.

Greta leit­aði leiða til að taka þátt í lofts­lags­ráð­stefnu U.N. nú í sept­em­ber m.a. með fjar­funda­bún­aði, henni stóð til boða far með skipum Eim­skips til N.Y. en valdi að lokum að leggja á sig tveggja vikna ferð með lít­illi skútu til að kom­ast á áfanga­stað án allrar kolefn­islos­un­ar. Takk Greta.

Öll getum við stutt bar­átt­una með okkar hætti, en þú ert í enn sterk­ari stöðu en við flest. Ef þú gerir eitt­hvað rót­tækt þá mun heim­ur­inn taka eft­ir. Þú gætir sleppt flugi til N.Y. í sept­em­ber en tekið þátt með fjar­funda­bún­aði. Það væri mik­ill stuðn­ingur við bar­áttu Gretu, ekki bara í orði heldur í verki.

Virð­ing­ar­fyllst, 

Gísli Sig­ur­geirs­son