List og menn­ing skapa ómet­an­legt hlut­verk í dag­legu lífi okkar allra. Þannig er list af ýmsum toga til þess gerð að auka lífs­gæði okk­ar, auka fjöl­breyti­leika mann­lífs og brjóta upp hvers­dags­leik­ann. Listir og menn­ing geta líka spilað hlut­verk í atvinnu­líf okk­ar, þannig eru ýmsar skap­andi greinar orðnar stoð í íslensku atvinnu­líf. Með skap­andi greinum er átt við starf­semi sem sprettur úr sköp­un­ar­gleði, þekk­ingu og hæfi­leikum fólks og sem eflir vel­ferð og eykur atvinnu­tæki­færi með því að skapa og nýta þekk­ing­ar­legan auð. Hér undir getur t.d. fallið mynd­list, tón­list, rit­list, kvik­mynd­ir, tölvu­leikir og ýmis­konar hönn­un.

Mik­il­vægt er að auka enn frekar fjöl­breytni í íslensku atvinnu­lífi og styrkja stoðir efna­hags­legrar vel­ferðar lands og þjóð­ar. Þar geta skap­andi greinar svo sanna­lega spilað stórt hlut­verk enda um að ræða atvinnu­greinar sem ekki ganga á nátt­úru­auð­lindir heldur nýta hið óþrjót­andi hug­vit.

Hug­verk og skap­andi greinar spila stækk­andi hlut­verk í íslensku atvinnu­lífi og mik­il­vægt að svo verði áfram. Þannig má búast við að Ísland muni á næstu ára­tugum auka vægi atvinnu­greina sem ekki eru jafn háðar nátt­úru­auð­lindum og okkar helstu atvinnu­vegir í dag eru.

Skatta­lækkun á sköpun

Nýverið sam­þykkti Alþingi lög sem lækka skatta á höf­und­ar­rétt­ar­greiðsl­ur. Þannig munu síð­ari afnot af höf­und­ar­rétt­ar­vörðu efni vera skatt­lagt eins og um fjár­magnstekjur sé að ræða.

Til­efni frum­varps­ins má m.a. rekja til sátt­mála stjórn­ar­flokk­anna þar sem fram kemur að hugað verði að breyt­ingum á skatt­lagn­ingu á tón­list, íslensku rit­máli og fjöl­miðl­um. Hug­mynd um skatta­lækkun á höf­und­ar­rétt­ar­greiðslur er ekki ný af nál­inni enda hafa hags­muna­sam­tök höf­unda­rétt­ar­var­ins efnis margoft rætt það ósann­girni sem fellst í að með­höndla ekki hug­verk og tré­verk með sama hætti þegar að skatt­lagn­ingu kem­ur.

Með breyt­ingu er verið að auka sann­girn­ina og við­ur­kenna að hug­verka­varið efni sé eins og önnur pen­inga­leg verð­mæti t.d. fast­eign­ir, fjár­muni og hluta­bréf. Þannig er sann­gjarnt að síð­ari afnot að slíku efni, hvort sem um er að ræða bæk­ur, tón­list, mynd­list eða ann­að, sé skatt­lagt eins og um húsa­leigu eða fjár­magnstekjur sé að ræða.

Með þess­ari breyt­ingu er verið að auka vægi skap­andi greina og byggja undir þær mik­il­vægu atvinnu­greinar sem skap­andi greinar eru.

Með þess­ari skatta­lækkun er líka verið að bæta sam­keppn­is­stöðu Íslands þegar kemur að skap­andi grein­um.

Því þó orkan okkar sé mik­il­væg auð­lind þá er hug­vitið án efa okkar allra mik­il­væg­asta auð­lind.