Elliðaárdalur: Góð tillaga

Stefán Jón Hafstein fjallar um skipulagsmál í Elliðaárdalnum en hann segir að nú þurfi borgarstjórnarmeirihlutinn að stíga fram og segja einfaldlega: „Við höfum hlustað og við teljum að fólkið eigi rétt á að kjósa.“

Auglýsing

Komin er fram góð til­laga um hvernig megi best nýta svo­kall­aðan „Stekkja­bakkareit“ í Elliða­ár­dal. Hún er svona: Að svæðið verði nýtt á sama hátt og almenn­ings- og úti­vist­ar­svæðið í dalnum öll­um. Það fegrað í anda dals­ins, gert gagn­legt til úti­vistar og unaðs­stunda og tengt við nátt­úru og mann­gert umhverfi dals­ins. Þessi til­laga hefur eft­ir­far­andi kosti: Hún er ódýr, hún er í sam­ræmi við til­lögur starfs­hóps borg­ar­innar frá 2016 um borg­ar­garð, hún er í anda aðal­skipu­lags og komin er löng og góð reynsla á gildi dals­ins. Þús­undir Reyk­vík­inga styðja þessa til­lög­u.
 Því miður er komin fram önn­ur, og verri, sem borg­ar­yf­ir­völd vilja þrátt fyrir víð­tæk mót­mæli.

Síðri til­lagan

Síðri til­lagan byggir á því að kalla Stekkja­bakka­svæðið „þró­un­ar­reit“ og gengur gegn til­lögum starfs­hóps um borg­ar­garð með því að leyfa þar afþrey­ing­ar­mið­stöð undir gler­hvolfi á stærð við Perluna eða 2/3 af gömlu Laug­ar­dals­höll­inni. Fyrir utan ýmis­legt annað sem á að setja þarna niður og ekki hefur verið nægi­lega upp­lýst um, versl­an­ir, bíla­stæði, íbúð­ir. Þetta ráðslag mun kosta borg­ar­búa mikið fé, af greiða­semi við kom­andi fyr­ir­tæki. ­Reiknað er með að nýja afþrey­ing­ar­mið­stöðin muni draga til sín kringum 300 þús­und manns á ári – fjórð­ung af árlegum gesta­fjölda á Þing­völl­um! Greiða þarf fyrir aðgengi með til­heyr­andi mann­virkj­um, sem er það sem starfs­hóp­ur­inn um Elliða­ár­dal var­aði sér­stak­lega við.  

Um hvað snýst deilan ekki?

Hún snýst ekki um ágæti gler­hvolfs til ýmis konar við­skipta. Það má vera nán­ast hvar sem er og ef ein­hver vill setja í slíka fjár­fest­ingu 5 millj­arða á 5000 fer­metrum þá segjum við: Góða skemmt­un. Deilan snýst heldur ekki um þá til­raun borg­ar­full­trúa að tala svæðið niður sem gamla mal­ar­námu eða „raskað“ svæði. Kjarni deil­unnar er þessi: Önnur fram­tíð­ar­sýn á nýt­ingu svæðis sem liggur beint að verð­mætum almenn­ingi sem borg­ar­búnar nýta nú þegar sér og sínum til ynd­is­auka. Ekk­ert ann­að. Elliða­ár­dal­ur­inn er frá­bær og nú gefst tæki­færi til að gera hann enn betri.



Auglýsing

Spurn­ing sem ekki er svarað

Eftir að hafa fylgst með þess­ari umræðu í meira en ár virð­ist ómögu­legt að fá svar við spurn­ing­unni: HVERS VEGNA? Hvers vegna þarf gler­hvolfið að vera þarna og hvergi ann­ars stað­ar? Hvers vegna þarf að setja niður alls konar „þjón­ustu­starf­semi“ þar í kring með ærnum til­kostn­aði? Hvers vegna er rök­studdum til­lögum starfs­hóps­ins frá 2016 kastað fyrir róða? Hvers vegna er ekki hlustað á þús­undir borg­ar­búa sem hafa aðra sýn á not dals­ins? Hvers vegna vilja yfir­völd ekki þróa dal­inn áfram í núver­andi mynd, sem mik­ill stuðn­ingur er við? Hvers vegna vill borg­ar­stjórn­ar­meiri­hlut­inn ekki nýta umrætt svæði til úti­vistar og nátt­t­úru­upp­lif­unar á sama hátt og gert er í dalnum öll­u­m?  



Þess vegna

Við sem viljum fag­urt úti­vist­ar­svæði höfum svarað fyrir okk­ur. Umræddur reitur er einn af örfáum blettum sem laus er í borg­ar­land­inu vestan Ártúns­brekku til úti­vistar og nátt­úru­upp­lif­un­ar. Verra er að síðri til­lagan mun úti­loka frek­ari þróun Elliða­ár­dals­ins á þann veg sem þegar nýtur vin­sælda. Minna þarf á þann við­bót­ar­fjölda íbúa í næsta nágrenni sem eiga að byggja strand­lengj­una beggja vegna Elliða­ár­ósa og þurfa úti­vist og hreyf­ingu. Þétt­ing byggðar krefst bein­línis að svona svæði séu tekin frá til almanna­nota. Reynslan af dalnum í núver­andi mynd er frá­bær og gæti orðið enn betri með því að fegra Stekkja­bakka­svæðið í beinum tengslum þar við. Hvað er að því?


Íbúar kjósi

Til að vera jákvæður og upp­byggi­legur ætla ég að spara mér athuga­semdir við máls­með­ferð því þær eru ekki fal­leg­ar. Nú er lokið und­ir­skrifta­söfnun til að knýja fram íbúa­kosn­ingu um síðri til­lög­una. Safna þurfti 18.000 manns á lista á einum mán­uði sem er ekki lítið og náð­ist ekki í tæka tíð. Til sam­an­burðar má geta þess að í kosn­ing­unni „Hverfið mitt“ kusu 13.600 manns eftir linnu­lausa hvatn­ingu á þremur tungu­málum á þar til gerðum vef­síðum með vegg­spjöld­um, upp­á­komum og til­heyr­andi verk­efna­stjór­um. Í síð­ustu borg­ar­stjórn­ar­kosn­ingum fékk Sam­fylk­ingin 15.000 atkvæði og Sjálf­stæð­is­flokk­ur­inn 18.000.  

Nú þyrfti borg­ar­stjórn­ar­meiri­hlut­inn að stíga fram og segja ein­fald­lega: „Við höfum hlustað og við teljum að fólkið eigi rétt á að kjós­a.“ Hvað væri að því?



Höf­undur er fyrr­ver­andi borg­ar­full­trúi Reykja­vík­ur­list­ans og Sam­fylk­ing­ar, fyrr­ver­andi for­maður sam­ráðs­hóps um mál­efni Elliða­ánna, ólst upp með Elliða­ár­dal­inn sem leik­svæði og nýtir hann sem íbúi í næsta nágrenni.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Halla Hrund Logadóttir.
Halla Hrund næsti orkumálastjóri
Hæfisnefnd mat fimm umsækjendur um starf orkumálastjóra hæfa. Eftir viðtöl við þá taldi Þórdís Kolbrún Reykfjörð Gylfadóttir að Halla Hrund Logadóttir væri hæfust þeirra til að gegna starfinu næstu fimm árin.
Kjarninn 19. apríl 2021
Róbert Farestveit, Sigríður Ingibjörg Ingadóttir og Vilhjálmur Hilmarsson
Samkeppni skiptir sköpum fyrir lífskjör á Íslandi
Kjarninn 19. apríl 2021
Frosti Sigurjónsson
Nóbelsverðlaunahafi segir ivermectin vinna á COVID-19
Kjarninn 19. apríl 2021
Kári Stefánsson (t.v.) og Þórólfur Guðnason.
Samstarf Þórólfs og Kára „langoftast“ og „næstum því alltaf“ ánægjulegt
Mun meira máli skiptir hvernig við hegðum okkur heldur en af hvaða afbrigði veiran er, segir Kári Stefánsson forstjóri Íslenskrar erfðagreiningar. Sóttvarnalæknir segir þátt fyrirtækisins í baráttunni gegn COVID-19 hafa skipt sköpum.
Kjarninn 19. apríl 2021
Alls störfuðu um 130 manns hjá SaltPay hér á landi áður en til uppsagna dagsins kom.
Hópuppsögn hjá SaltPay
SaltPay segir upp tugum starfsmanna hér á landi í dag, aðallega starfsmönnum sem hafa starfað við að þróa og viðhalda eldra greiðslukerfi Borgunar. SaltPay keypti Borgun síðasta sumar.
Kjarninn 19. apríl 2021
Samfylking sé tilbúin með frumvarp sem skyldar komufarþega til að dvelja í sóttvarnahúsi
Formaður Samfylkingar spurði forsætisráðherra hvort til stæði að breyta sóttvarnalögum í óundirbúnum fyrirspurnatíma á Alþingi í dag. Ekki við núverandi fyrirkomulag að sakast að mati forsætisráðherra, heldur við þá sem fylgja ekki reglum.
Kjarninn 19. apríl 2021
Sigríður Ólafsdóttir verður í öðru sæti listans og Eiríkur Björn í því fyrsta.
Eiríkur Björn og Sigríður leiða Viðreisn í Norðausturkjördæmi
Fyrrverandi bæjarstjóri á Fljótsdalshéraði og Akureyri verður oddviti Viðreisnar í Norðausturkjördæmi í komandi kosningum.
Kjarninn 19. apríl 2021
Harpa opnaði árið 2011. Kostnaður við rekstur fasteignarinnar og uppsafnað viðhald er að skapa alvarlega stöðu.
„Alvarleg staða“ hjá Hörpu vegna skorts á fjármagni til að sinna viðhaldi
Alls hafa eigendur Hörpu, ríki og borg, lagt húsinu til 14,4 milljarða króna í formi greiðslna af lánum vegna byggingu þess og rekstrarframlaga. Í fyrra nam rekstrarframlag þeirra 728 milljónum króna. Mikill vandi framundan vegna uppsafnaðs viðhalds.
Kjarninn 19. apríl 2021
Meira úr sama flokkiAðsendar greinar