Þegar þessi grein er skrifuð hafa yfir 1500 COVID-19 sýni verið greind á Íslandi á mjög skömmum tíma. Aftur á móti höfum við ekki heyrt mikið um fólkið á bak­við grein­ing­ar­vinn­una. Þetta er fólk sem vinnur linnu­laust þessa dag­ana, hátt í 16 tíma vaktir dag eftir dag og er mætt aftur á land­spít­al­ann klukkan 7 á morgn­ana án þess að kvarta. COVID-19 grein­ing­ar­vinnan leggst ofan á aðra grein­ing­ar­vinnu sem þau sinna dag­lega og því held ég að við hin getum ekki ímyndað okkur álagið á þeim, eða þeim sem sinna sjúk­lingum sem koma inn.

Þau hafa verið svo lukku­leg að fá styrki frá ýmsum fyr­ir­tækjum sem halda þeim gang­andi, því lít­ill er tím­inn fyrir mál­tíðir og enn minni til þess að fara heim til þess að elda svo kostn­aður myndi ann­ars aukast mjög fyrir þau, og eins og við vitum eru laun starfs­fólks spít­al­anna ekki öfunds­verð fyr­ir. Ég veit að það ylj­aði mér um hjarta­rætur að sjá fyr­ir­tæki gefa þeim vörur án þess að aug­lýsa það, og hvet ég önnur fyr­ir­tæki til þess að gera slíkt hið sama til þess að sýna þeim stuðn­ing á tímum sem þess­um. Þau eiga það svo sann­ar­lega skil­ið. 

Sjálf er ég búsett í London þar sem fólk kemst ekki grein­ingu, jafn­vel þó það sé með hita og öll ein­kenni. Það hefur sýnt mér hvað við erum heppin á Íslandi að eiga fólk eins og þau að, og sam­heldn­ina í land­inu. Eftir erf­iðan vetur með snjó­flóðum og stormum hefur aldrei reynt eins mikið á og núna, og það hefur sýnt sig trekk í trekk í vetur að þegar við stöndum saman komumst við í gegnum hvað sem er. 

Til starfs­fólks spít­al­anna, og grein­ing­ar­deild­ar­innar langar mig bara til þess að segja: Takk! Ég er viss um að ég tala fyrir meiri­hluta þjóð­ar­innar þegar ég segi að fórn­fúsa starf ykkar við ótrú­lega aðstæður er ómet­an­legt og við stöndum við bakið á ykk­ur.