Opið bréf til mennta- og menningarmálaráðherra: Fylgjum fordæmi Dana

Dr. Sigrún Stefánsdóttir skorar á yfirvöld að fara að dæmi Dana og styðja strax við starfsemi sjálfstætt starfandi fjölmiðla út frá svipuðum viðmiðum og Danir hafa gert. Það þurfi ekki alltaf að finna upp hjólið.

Auglýsing

Þjóðin berst lífróðri. Sama hvert er litið. Við erum öll í sama báti. Tengsl okkar við umheiminn eru í gegnum síma, netið og fjölmiðla. Á sama tíma og fyrirtæki draga úr starfsemi sinni og jafnvel loka vegna kórónuveirunnar, treystum við því að fjölmiðlar fræði okkur áfram um ástandið, standi vörð um velferð okkar og geðheilsu og séu okkar bestu vinir á löngum dögum innilokunar. Krafan er jafnvel sú að miðlarnir gefi í og auki þjónustu við okkur sem heima sitjum.

Ég sit í stjórn fjölmiðlafyrirtæksins N4 á Akureyri. Ég hef stolt fylgst með því hvernig framkvæmdastjóri þess og starfsfólk hafa hagrætt og endurskoðað allan reksturinn til þess að þrauka á undanförnum árum. Hver mánaðarmót hafa verið fyrirkvíðanleg og spurningin verið brennandi um hvort fyrirtækið þrauki enn önnur mánaðarmót?  Í stað þess að gefast upp þann fyrsta apríl var ákveðið að mæta kórónufaraldrinum með því að leggja enn harðar að sér. 

N4 vildi leggja sitt af mörkum og eru nú með sérstaka upplýsingaþætti um COVID-19 tvisvar í viku, tónlistarþætti og þétta dagskrá til þess að stytta okkur stundir á fjarstæðukenndum tímum. Ofan á aukið álagið bætast æ þyngri fjárhagsáhyggjur, áhyggjur af starfsöryggi og áhyggjur af heilsu starfsfólks og fjölskyldna þeirra. 

Auglýsing

Fylgifiskur þess að fyrirtækin í landinu draga saman starfsemi er samdráttur í auglýsingatekjum sjálfstætt starfandi fjölmiða. Þessa hefur þegar orðið áþreifanlega vart. Fjölmiðlarnir hafa lengi barist í bökkum og reynt að þregja Þorrann í þeirri von að fjölmiðlafrumvarp mennta- og menningarmálaráðherra, Lilju Alfreðsdóttur, um stuðning við sjálfstætt starfandi fjölmiðla næði fram að ganga. Eðlilega hverfur þetta frumvarp um stund í skuggann fyrir lífróðri ríkisstjórnar á þessum krísutímum. En hvar verðum við stödd ef þessir fjölmiðlar gefast nú upp og loka vegna fjárskorts? Án stuðnings yfirvalda stefnir hratt í það. 

Með þessu bréfi til háttvirts ráðherra vil ég vekja athygli á því sem Danir, vinir okkar og grannar, hafa gert. Þeir hafa samþykkt mikilvægan stuðning til fjölmiðla til þess að mæta tekjubresti vegna samdráttar í auglýsingum. Danska ríkisstjórnin samþykkti að veita tímabundinn stuðning sem nemur 3.7 milljörðum íslenskra króna til að koma í veg fyrir að dönsk fjölmiðlafyrirtæki fari í þrot. Þessi stuðningur gildir frá byrjun mars og fram í júní. Formaður danska blaðamannafélagsins hefur lýst yfir ánægju sinni með þessa ráðstöfun enda sé hún til þess fallin að fjölmiðlafólk geti sinnt hlutverki sínu af kappi í stað þess að óttast um störf sín og framtíð miðlanna. 

Það þarf að bregðast hratt við. Ég skora á yfirvöld að fara að dæmi Dana og styðja strax við starfsemi sjálfstætt starfandi fjölmiðla út frá svipuðum viðmiðum og Danir hafa gert. Það þarf ekki alltaf að finna upp hjólið.  

Þó má ekki gleyma því að fjölmiðlafrumvarpið, sem enn liggur óafgreitt í þinginu, verður enn brýnna en áður þegar horft er til framtíðar að kórónufaraldrinum afstöðnum.  Þannig er hægt að efla útgáfu á fréttum, fréttatengdu efni og umfjöllun um samfélagsleg málefni eins og frumvarpið kveður á um.

Höfundur er fjölmiðlafræðingur.

p.s.

Forseti Íslands, Guðni Th. Jóhannesson hefur látið hafa eftir sér að fjölmiðlar gegni lykilhlutverki við skráningu sögunnar um kórónufaraldurinn sem sagnfræðilegt viðfangsefni. Brýnt sé að halda til haga upplýsingum, heimildum og frásögnum um þá atburði sem nú eru að gerast fyrir þá sem á eftir koma.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ráðherra sveitarstjórnarmála mun ekki hafa frumkvæði að sameiningum sveitarfélaga með færri en 1.000 íbúa eins og upphaflega var lagt til í frumvarpi Sigurðar Inga Jóhannssonar samgöngu- og sveitarstjórnarráðherra.
Hagræn áhrif fækkunar sveitarfélaga geti orðið fimm milljarðar
Nýlega voru breytingar á sveitarstjórnarlögum samþykktar en ein meginbreytingin felur í sér að stefnt skuli að því að lágmarksíbúafjöldi sveitarfélaga verði ekki undir 1.000 manns. Upphaflega stóð til að lögfesta lágmarksíbúafjölda.
Kjarninn 20. júní 2021
Ferli Rauða barónsins lauk á sama stað og hann hófst, á Stokkseyrarvelli sumarið 2016, er hann dæmdi leik heimamanna gegn Afríku.
Saga Rauða barónsins gefin út á bók
Rauði baróninn - Saga umdeildasta knattspyrnudómara Íslandssögunnar er ný bók eftir fyrrverandi knattspyrnudómarann Garðar Örn Hinriksson. Safnað er fyrir útgáfunni á Karolina Fund.
Kjarninn 20. júní 2021
Helga Björg segist óska þess að það væri meiri skilningur hjá fjölmiðlum á valdatengslum og á stöðu fólks í umfjöllunum.
„Framan af var aldrei hringt í mig, enginn hafði samband“
Fyrrverandi skrifstofustjóri skrifstofu borgarstjóra og borgarritara gagnrýnir fjölmiðlaumfjöllun um eineltismál í ráðhúsinu en hún upplifði stöðugt áreiti borgarfulltrúa í langan tíma.
Kjarninn 20. júní 2021
Rannveig Sigurðardóttir, varaseðlabankastjóri peningastefnu Seðlabankans.
Segir mikla verðbólgu bitna verst á tekjulágum
Varaseðlabankastjóri peningastefnu Seðlabankans segir áhrif mikillar verðbólgu vera sambærileg skattlagningu sem herji mest á lágtekjufólk. Samkvæmt henni er peningastefnan jafnvægislist.
Kjarninn 20. júní 2021
Tveir fossar, Faxi og Lambhagafoss, yrðu fyrir áhrifum af hinni fyrirhuguðu virkjun í Hverfisfljóti.
Auglýsa skipulagsbreytingar þrátt fyrir ítrekuð varnaðarorð Skipulagsstofnunar
Skipulagsstofnun ítrekaði í vor þá afstöðu sína að vísa ætti ákvörðun um virkjun í Hverfisfljóti til endurskoðunar aðalskipulags Skaftárhrepps sem nú stendur yfir. Við því var ekki orðið og skipulagsbreytingar vegna áformanna nú verið auglýstar.
Kjarninn 20. júní 2021
Christian Eriksen var borinn af velli eftir að hann hneig niður í leik Dana gegn Finnum um síðustu helgi.
Eriksen og hjartastuðið
Umdeildar vítaspyrnur, rangstöðumörk, brottvísanir eða óvænt úrslit voru ekki það sem þótti fréttnæmast í fyrstu umferð Evrópukeppninnar í fótbolta. Nafn Danans Christian Eriksen var á allra vörum en skjót viðbrögð björguðu lífi hans.
Kjarninn 20. júní 2021
Þórdís Kolbrún hafði betur í oddvitaslagnum í Norðvesturkjördæmi.
Þórdís Kolbrún sigraði í prófkjöri Sjálfstæðisflokksins í Norðvesturkjördæmi
Öll atkvæði í prófkjöri Sjálfstæðisflokksins í Norðvesturkjördæmi hafa verið talin. Haraldur Benediktsson, sem leiddi listann í síðustu kosningum, lenti í öðru sæti en hann sagði nýverið að hann hygðist ekki þiggja annað sætið ef það yrði niðurstaðan.
Kjarninn 20. júní 2021
Þórdís Kolbrún tilkynnti það síðasta haust að hún myndi fara fram í Norðvesturkjördæmi og sækjast eftir oddvitasætinu.
Þórdís Kolbrún leiðir eftir fyrstu tölur í Norðvesturkjördæmi – Haraldur þriðji
Kjörstöðum hefur nú verið lokað í prófkjöri Sjálfstæðisflokksins í Norðvesturkjördæmi. Talin hafa verið 798 atkvæði úr flestum en ekki öllum kjördeildum af um 2200 greiddum atkvæðum Teitur Björn Einarsson er sem stendur í öðru sæti.
Kjarninn 19. júní 2021
Meira úr sama flokkiAðsendar greinar