Aðstæður sem skap­ast hafa í atvinnu­líf­inu og sam­fé­lag­inu öllu vegna kór­ónu­veiru-far­ald­urs­ins eru for­dæma­lausar og ekki sér enn fyrir end­ann á þessum miklu hremm­ing­um. Þær aðgerðir sem stjórn­völd hafa kynnt til að styðja við fyr­ir­tækin í land­inu eru fagn­að­ar­efni en því miður henta þær ekki sprota­fyr­ir­tækjum nema að litlu leyti.

Sprota­fyr­ir­tæki sem byrjuð eru að selja vörur sínar en eru enn með nei­kvætt fjár­flæði standa nú frammi fyrir sam­drætti í tekjum sem eykur fjár­magns­þörf þeirra. Gera má ráð fyrir því að sprotar sem enn eru í þróun eigi einnig erf­ið­ara með að sækja fjár­magn á næstu vikum og mán­uð­um.

Sem betur fer á þetta ekki við um öll sprota­fyr­ir­tæki og sum þeirra vel fjár­mögnuð til næstu 12–18 mán­aða jafn­vel leng­ur. Hættan fyrir öll sprota­fyr­ir­tæki er hins vegar sú að við­skipti muni drag­ast veru­lega saman eða stöðvast.

Í við­tali við RÚV lýsir for­stjóri Nox Med­ical stöð­unni sem við þeim blas­ir. „En skað­inn sem af henni [hluta­bóta­leið­inni] hlýst fyrir okkar starf­semi með því að þró­un­ar­verk­efni ein­fald­lega súrna og það er erfitt að koma þeim af stað. Og ekki síður kannski það tap sem liggur í því að rík­is­sjóður verður af gríð­ar­legum tekjum við það að allir fara heim og engar skatt­tekjur renna í rík­is­sjóð og enn meira verður tapið þegar rík­is­sjóður þarf að borga fólki fyrir að gera ekki neitt.“

Tug­þús­undir Íslend­inga hafa ýmist misst vinn­una eða orðið fyrir stór­felldri skerð­ingu á starfs­hlut­falli sínu og við blasir að þús­undir háskóla­nema verði án atvinnu í sum­ar. Við erum langt frá því að nýta alla þá þekk­ingu og mannauð sem þjóðin á og ljóst að hætta er á að mikil verð­mæti fari for­görðum sé ekki gripið til mark­vissra aðgerða.

Í þess­ari flóknu stöðu eru þó ýmsar leiðir færar til gagn­sókn­ar. Þegar við komum út úr þess­ari krísu skiptir máli að útflutn­ings­greinar okkar séu sterk­ar. Öfl­ugt nýsköp­un­ar­um­hverfi mun hjálpa okkur í við­spyrn­unni, hraða upp­bygg­ingu, fjölga störfum og auka hag­vöxt.

Í kjöl­far efna­hags­hruns­ins fyrir rúmum ára­tug tók nýsköpun að blómstra sem aldrei fyrr og lif­andi sam­fé­lag varð til í kringum frum­kvöðla og sprota­fyr­ir­tæki á Íslandi. Fólk sem misst hafði vinn­una fékk tæki­færi til að vinna að við­skipta­hug­myndum sem það hafði lengi dreymt um að koma í fram­kvæmd og mörg okkar öfl­ug­ustu nýsköp­un­ar­fyr­ir­tæki urðu til.

Það hefur sjaldan verið jafn mik­il­vægt að senda út í sam­fé­lagið jákvæð og upp­byggi­leg skila­boð. Ég ætla að leyfa mér að trúa því að rík­is­stjórnin sjái leiðir og muni á næstu dögum kynna frek­ari aðgerðir sem koma betur til móts við nýsköp­un­ar­fyr­ir­tækin okkar og aðgerðir sem munu virkja til athafna þann mannauð sem er án atvinnu. Þannig má margefla umhverfi nýsköp­unar og tryggja að við komum út úr þess­ari krísu hlaup­andi!

Höf­undur er fram­kvæmda­stjóri Icelandic Startups.