Tveggja milljarða innspýting í umhverfismál

Guðmundur Ingi Guðbrandsson segir að verkefni stjórnvalda á sviði umhverfismála dreifist víða um land og muni m.a. nýtast í baráttunni gegn loftslagsbreytingum, til að vernda viðkvæma náttúru og efla vöktun og viðbrögð okkar við náttúruvá.

Auglýsing

Því fer fjarri að kór­ónu­veiran sé aufúsu­gestur í sam­fé­lag­inu okk­ar. Stjórn­völd munu halda áfram að gera allt sem í þeirra valdi stendur til þess að milda höggið fyrir sam­fé­lag­ið. Það gera þau með því að leggja traust á mat sér­fræð­inga, efla heil­brigð­is­kerfið og styrkja stoðir efna­hags­kerf­is­ins eins og hægt er, svo íslenskt sam­fé­lag kom­ist á réttan kjöl sem fyrst. En það fel­ast líka tæki­færi í því að end­ur­skipu­leggja og end­ur­meta ákveðna þætt­i.  

Alþingi sam­þykkti í lok mars sér­stakt fjár­fest­inga­á­tak á árinu 2020, þar sem millj­örðum verður varið í ýmiss konar opin­bera fjár­fest­ingu. Til­gang­ur­inn er að vega upp á móti kóln­andi áhrifum kór­ónu­veirunnar í hag­kerf­inu og á vinnu­mark­aði. Vegna þessa munu heilir tveir millj­arðar renna auka­lega til verk­efna á ábyrgð­ar­sviði umhverf­is- og auð­linda­ráðu­neyt­is­ins. Og munar um minna. Fjár­fram­lög til umhverf­is­mála hafa að vísu aldrei verið meiri en í tíð þess­arar rík­is­stjórn­ar, og hafa fyrir þetta átak þegar auk­ist um 32% miðað við upp­haf kjör­tíma­bils­ins. En lengi má gott bæta. 

Lofts­lags­mál: Flýt­ing orku­skipta, aukin kolefn­is­bind­ing og efl­ing nýsköp­un­ar 

Í fjár­fest­inga­átak­inu felst meðal ann­ars að fjár­fram­lög til kolefn­is­bind­ingar og orku­skipta aukast um hálfan millj­arð á árinu sem gerir okkur kleift að flýta nauð­syn­legri inn­viða­upp­bygg­ingu fyrir orku­skipti. Þannig verður styttra þar til jarð­efna­elds­neyti víkur fyrir end­ur­nýj­an­legum orku­gjöfum í sam­fé­lag­inu okk­ar. Hér verður sér­stak­lega horft til raf­væð­ingar hafna, vist­vænni bíla­leigu­bíla og þunga­flutn­inga. Hér er því tæki­færi til end­ur­skipu­lagn­ing­ar. 

Auglýsing

Hvað kolefn­is­bind­ing­una varðar eru fjöldi verk­efna á teikni­borð­inu sem ráð­ist verður í strax á þessu ári. Til dæmis aukin end­ur­heimt vot­lend­is, aukin land­græðsla, birk­isán­ing og grisjun í skóg­rækt. Þá verður ráð­ist í verk­efni til að nýta moltu í auknum mæli við land­græðslu, í takt við hug­mynda­fræði hringrás­ar­hag­kerf­is­ins. Lofts­lags­sjóður fær síðan 50 millj­ónir króna auka­lega, til við­bótar við þær 140 millj­ónir sem sjóð­ur­inn hafði til ráð­stöf­unar á þessu ári. Hlut­verk sjóðs­ins er að styrkja nýsköp­un­ar­verk­efni á sviði lofts­lags­mála og fræðslu. Aft­ur, hér eru tæki­færi til að breyta í umhverf­is­vænni átt. 

Upp­bygg­ing á frið­lýstum svæðum

Fjár­fest­inga­átakið verður líka til þess að hægt verður að veita ríf­lega 650 m.kr. til upp­bygg­ingar á frið­lýstum svæð­um, til við­bótar við heilan millj­arð króna sem áður hafði verið ráð­stafað til þess mála­flokks á þessu ári og kom af lands­á­ætlun um upp­bygg­ingu inn­viða til verndar nátt­úru og menn­ing­ar­sögu­legum minj­um. Þess munu sjást merki víða um land, ekki síst við Jök­ulsár­lón, á Þing­völl­um, við Dyr­hólaey og innan Friðlands að Fjalla­baki. Mjög mik­il­vægt er að vernda nátt­úru þess­ara fjöl­sóttu svæða með styrk­ingu inn­viða þannig að ferða­menn geti notið þeirra án þess að nátt­úran hljóti skaða af.  

Lang­þráð átak í frá­veitu­málum hefst

Fjár­fest­inga­átakið verður einnig til þess að ríkið getur hafið stuðn­ing sinn við úrbætur í frá­veitu­málum sveit­ar­fé­laga á þessu ári, fyrr en ráð­gert hafði ver­ið. Alls verður 200 millj­ónum króna varið í stuðn­ing vegna þessa í ár, sem er bara byrj­unin á brýnu verk­efn­i.  Með auk­inni hreinsun skólps drögum við úr mengun vatns og sjávar og ég mun leggja áherslu á að fá auk­inn fjár­stuðn­ing fyrir frá­veitu­mál á næstu árum. 

Varnir gegn snjó­flóð­um, nátt­úruvá og land­broti

Nú þegar hefur verið sam­þykkt að verja rúmum millj­arði króna í bygg­inu varn­ar­garða vegna snjó­flóða á þessu ári. Því til við­bótar bæt­ast nú 350 millj­ónir króna, vegna fjár­fest­inga­átaks­ins. Sjö­tíuog­fimm millj­óna króna við­bót­ar­fjár­magn verður sett í varnir gegn land­broti. Hund­raðo­gn­íu­tíu millj­ónir verða not­aðar í mæli- og vökt­un­ar­bún­að, hug­búnað og veð­ursjár­kerfi, sem hluti af styrk­ingu inn­viða vegna óveð­urs­ins í des­em­ber og jan­ú­ar. Auk þess verður fjár­magni varið í að hraða máls­með­ferð meðal ann­ars í skipu­lags­mál­u­m. 

Umhverf­is­vernd skapar betri fram­tíð

Stjórn­völd eru þessa dag­ana að stíga mik­il­væg skref fyrir heim­ili og fyr­ir­tæki í land­inu. Fjár­fest­inga­átakið er afar brýnt til að auka opin­bera fjár­fest­ingu, fjölga störfum og glæða efna­hags­lífið á þessum sér­stöku tímum sem við göngum nú í gegn­um. Verk­efnin á sviði umhverf­is­mála dreifast víða um land og munu m.a. nýt­ast í bar­átt­unni gegn lofts­lags­breyt­ing­um, til að vernda við­kvæma nátt­úru og efla vöktun og við­brögð okkar við nátt­úru­vá. Allt eru þetta atriði sem snúa að því að bæta lífs­skil­yrði og mögu­leika okkar í fram­tíð­inn­i. 

Höf­undur er umhverf­is- og auð­linda­ráð­herra.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Fimm forvitnilegar (og covid-lausar) fréttir
Stórmerkilegur fundur í Argentínu, fugl vakinn upp frá dauðum, úlfur á landshornaflakki, „frosnar“ skjaldbökur teknar í skjól og alveg einstaklega áhugaverð mörgæs. Það er ýmislegt að frétta úr heimi dýranna.
Kjarninn 1. mars 2021
Jóhannes Hraunfjörð Karlsson
Ritdómur um Spegil fyrir skuggabaldur
Kjarninn 1. mars 2021
Samkvæmt tölum frá Seðlabanka Íslands er lífeyriseign landsmanna á við tvöfalda landsframleiðslu.
Lífeyriseign landsmanna rúmlega sex þúsund milljarðar
Lífeyrissparnaður landsmanna jókst um 773 milljarða króna á síðasta ári þrátt fyrir óvissu á fjármálamörkuðum. Hlutfall erlendra gjaldmiðla af heildareignum samtryggingardeilda hefur aldrei verið hærra.
Kjarninn 1. mars 2021
Áslaug Arna Sigurbjörnsdóttir dómsmálaráðherra.
Vissi að Bjarni hefði verið í Ásmundarsal þegar hún hringdi í lögreglustjórann
Áslaug Arna Sigurbjörnsdóttir dómsmálaráðherra hafði ekki verið í sambandi við Bjarna Benediktsson áður en hún hringdi í lögreglustjórann á höfuðborgarsvæðinu á aðfangadag. Hún vissi hins vegar að hann væri sá ráðherra sem hefði verið í Ásmundarsal.
Kjarninn 1. mars 2021
Gylfi Magnússon, prófessor í viðskiptafræðideild Háskóla Íslands
Segir Bitcoin vera „túlipana 21. aldarinnar“
Prófessor í viðskiptafræðideild HÍ segir miklar verðhækkanir á Bitcoin vera fjárfestingabólu og að heildarframlag rafmyntarinnar til hagkerfisins verði neikvætt þegar bólan springur.
Kjarninn 1. mars 2021
Samtal við samfélagið
Samtal við samfélagið
Samtal við samfélagið – Afreksvæðing barnaíþrótta
Kjarninn 1. mars 2021
Þórður Snær Júlíusson
50.876 Íslendingar
Kjarninn 1. mars 2021
Rósa Björk Brynjólfsdóttir
Það þarf að fremja jafnrétti strax
Kjarninn 1. mars 2021
Meira úr sama flokkiAðsendar greinar