Von

Dóra Björt Guðjónsdóttir segir að það þurfi að festa nýja stjórnarskrá í sessi og tryggja til framtíðar réttlæti fyrir almenning.

Auglýsing

Ég vakn­aði upp við minn­ingu á Face­book um að ég hafi fyrir sjö árum síðan á þessum degi verið að baka íslenskar pönnu­kökur í Osló í Nor­egi þar sem ég bjó árum sam­an. Stúd­ínan stendur gal­vösk, prýdd nátt­föt­um, í eld­húsi íbúðar sem ég deildi með norskum vin­um. Til­efnið var þjóð­há­tíð­ar­dagur Norð­manna 17. maí sem er fagnað rösk­lega ár hvert með skrúð­klæddum land­anum í morg­un­verð­ar­pálínu­boðum þar sem hjörtu slá í takt og sam­ein­ast í gleði líð­andi stund­ar.Í Osló fyrir sjö árum.

Upp­haf­lega þótti mér þessi hefð und­ar­leg. Þegar ég flutti til Nor­egs árið 2009 var hrunið í algleym­ingi sem fletti ofan af yfir­gengi­legri græðgi, land­lægri spill­ingu og hræsni. Á örskammri stundu var hul­unni svipt af þessu húsi sem var byggt á sandi, af blekk­ingum ráða­manna og við­skipta­lífs­ins þar sem almenn­ingur var hafður að leiksoppi og hagur lands­ins með­höndl­aður sem spila­pen­ingur í vafasömum leik þar sem einu sig­ur­veg­ar­arnir gátu verið þeir sem öll völdin höfðu. Ég fann satt best að segja fyrir bit­urð í garð lands­ins míns, langt umfram stoltið sem Norð­menn­irnir virt­ust deila. Fyrir mér var Ísland land órétt­læt­is­ins, spill­ing­ar­innar og óvand­aðra vinnu­bragða þar sem einn flokkur var búinn að vaða uppi allt of lengi til þess eins að skapa kerfi sem þjón­aði vinum þeirra fremur en almanna­hag.

Eftir að hafa séð og upp­lifað árum saman hvernig hægt var að standa betur að skipu­lagi sam­fé­lags­ins fór mig að klæja í fing­urna að hjálpa til við að raun­gera þau tæki­færi til breyt­inga sem ég hafði orðið vitni að erlend­is. Sú til­finn­ing leiddi að end­ingu til þess að ég kom aftur til Íslands.

Eftir hrunið sáum við upp­risu almenn­ings sem neit­aði að taka áfram þátt í því órétt­læti og þeim ófag­leg­heitum sem höfðu lagt grunn að fall­inu. Þrýst­ingur var á raun­veru­legar breyt­ingar til fram­búðar til að varna því að sagan gæti end­ur­tekið sig. Skrifuð var ný stjórn­ar­skrá af fólk­inu fyrir fólkið þar sem sam­eig­in­legum grunn­gildum var stillt upp sem leið­ar­stefi þjóð­fé­lags­ins. Þar sem almenn­ingi yrðu færð aukin sam­fé­lags­leg völd en einnig aukin stjórn yfir þeim perlum sem Ísland býr yfir, þeirri nátt­úru og þeim auð­lindum sem hafa skil­greint okkur sem þjóð og hafa mótað okkar sögu. Þar sem tryggt skyldi raun­veru­legt jafn­ræði og jafn­rétti fyrir lögum í rétt­ar­ríki. Við eygðum von um breyt­ing­ar. Enn bíðum við þó eftir nýrri stjórn­ar­skrá.

Auglýsing
Í störfum mínum sem kjör­inn full­trúi hef ég haft aukið rétt­læti fyrir almenn­ing og fram­tíð­ar­kyn­slóðir og öfl­ugra lýð­ræði að leið­ar­ljósi. Ég hef unnið að því að auka gagn­sæið í stjórn­sýsl­unni, dreifa vald­inu meðal minni­hluta og meiri­hluta og að fest séu í sessi reglur og kerfi þar sem yfir allan vafa er hafið og öllum er ljóst að vinnu­að­ferðum for­tíðar þar sem flokks­hestar fengu útdeilt góðum bit­um, hvort sem það voru valda­mikil störf eða önnur gæði, er úthýst. Nú síð­ast hafa nýjar reglur um ráðn­ingu æðstu emb­ætt­is­manna borg­ar­innar skilað okkur borg­ar­rit­ara sem eng­inn kjör­inn full­trúi kom að því að ráða á nokkru stigi máls fyrr en hæfn­is­nefnd skil­aði end­an­legri nið­ur­stöðu sinni og hæf­asti ein­stak­ling­ur­inn sam­kvæmt hennar mati var ráð­inn. Sem betur virð­ist víða skiln­ingur á mik­il­vægi gagn­sæis og vand­aðra vinnu­bragða hafa náð að hreiðra um sig við rekstur inn­viða sam­fé­lags­ins eftir hrun, þó sami rétt­læt­is­and­inn ríki ekki alls­stað­ar. En við þurfum að festa nýja stjórn­ar­skrá í sessi og tryggja til fram­tíðar rétt­læti fyrir almenn­ing.

Eftir lær­dóm síð­ustu krísu um að spill­ing, frænd­hygli og óvönduð vinnu­brögð geti orðið okkur öllum að falli stöndum við nú frammi fyrir nýju hruni, nýrri krísu. Á meðan við verðum að halda í hávegum þennan lær­dóm og vanda okkur við að deila út gæðum almenn­ings til að koma land­inu á réttan kjöl virð­ist flæða yfir okkur ný þekk­ing, nýr skiln­ing­ur. Það er hægt að lifa án þess að hlaupa í hjóli hamst­urs­ins. Taktur sam­fé­lags­vélar nútím­ans hefur róast og sums staðar staðnað og mörg fagna hvíld­inni frá því að vera hlekkur mót­ors sem aldrei stopp­ar. Það er hægt að fagna 1. maí og nú 17. maí án skrúð­göngu. Að sama skapi sjáum við að nútím­inn getur ein­kennst af öðru en að meng­un­ar­gildin séu stans­laust yfir hættu­mörk­um. Þegar við mann­fólkið höldum okkur til hlés stíga dýrin fram og taka svið­ið. Líf­ríkið teygir úr sér eins og köttur eftir blund og nær áður fjar­ver­andi jafn­vægi. Það sem við hrædd­umst að væri ómögu­legt í nútíma­sam­fé­lagi hefur orðið raun­in. Kannski það sé enn von um líf fyrir fram­tíð­ar­kyn­slóð­ir?

Spurn­ingin er hvort þessi nýja vit­neskja fái að fest­ast í sessi og breyta sam­fé­lög­unum til fram­tíð­ar. Hvort sam­fé­lag óstöðv­andi neyslu, hvort sem það er í iðn­aði eða per­sónu­legum lífum okk­ar, fái að deyja dauða sínum og að við fæð­umst öll á ný úr nýjum kjarna. Rísum úr ösk­unni eins og Fön­ix­inn. Eða hvort henni verði ýtt til hlið­ar, eins og stjórn­ar­skránni eftir síð­asta hrun.

Höf­undur er borg­ar­full­trúi Pírata.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Dauði geisladisksins, tilkoma Spotify og upprisa vínylplötunnar
Áætlað er að Spotify hafi haft um 700 milljónir króna í tekjur af íslenskum notendum á árinu 2019, og að 90 prósent allra tekna vegna sölu á tónlist hafi verið vegna streymisveitna. Sala á vínylplötum hefur þó líka tekið kipp, og átjánfaldast á fáum árum.
Kjarninn 2. mars 2021
Halldór Gunnarsson
Samtök eldri borgara ráðalaus eða hvað?
Kjarninn 2. mars 2021
Helga Vala Helgadóttir formaður velferðarnefndar.
Neitar að hafa brotið trúnað og segir „kostulegt“ að ráðuneytið geri athugasemdir
Helga Vala Helgadóttir telur sig ekki hafa brotið trúnað með því að ræða um efnisatriði sem komu fram á lokuðum nefndarfundi í sjónvarpsviðtali. Hún segir stöðu hjúkrunarheimila of alvarlega fyrir „pólitíska leiki.“
Kjarninn 2. mars 2021
Áréttar að það sé „salur til rannsóknar en ekki ráðherra“
Símtöl dómsmálaráðherra til lögreglustjóra höfuðborgarsvæðisins voru rædd í óundirbúnum fyrirspurnatíma á Alþingi í dag. Áslaug sagði símtölin ekki skráningarskyld þar sem hún hefði hringt til að afla sér upplýsinga en ekki í formlegum erindagjörðum.
Kjarninn 2. mars 2021
Helga Vala Helgadóttir þingmaður Samfylkingar og formaður velferðarnefndar Alþingis.
Heilbrigðisráðuneytið gerir „alvarlegar athugasemdir“ við orð Helgu Völu
Heilbrigðisráðuneytið telur að málflutningur formanns velferðarnefndar í frétt RÚV um Sjúkratryggingar Íslands í gærkvöldi hafi verið ógætilegur og að trúnaðar um það sem fram fór á lokuðum nefndarfundi hafi ekki verið gætt.
Kjarninn 2. mars 2021
Bjarni Benediktsson fjármála- og efnahagsráðherra segir nauðsynlegt að ræða áhrif launabreytinga á verðbólgu
Hvaðan kemur verðbólgan?
Verðbólga hér á landi mælist nú í rúmum fjórum prósentum og hefur ekki verið jafnmikil í rúm sjö ár. Hvað veldur þessari miklu hækkun?
Kjarninn 2. mars 2021
Hreinn Loftsson, lögmaður og annar aðstoðarmaður dómsmálaráðherra.
Segir það vekja furðu hvernig stjórnmálamenn og fjölmiðlar „hamast á dómsmálaráðherra“
Hreinn Loftsson segir dómsmálaráðherra ekki hafa gert neitt rangt þegar hún hringdi í lögreglustjórann á höfuðborgarsvæðinu á aðfangadag vegna Ásmundarsalsmálsins. Fjölmiðlar hafi ekki virt helgifrið og heimtað svör frá ráðherranum.
Kjarninn 2. mars 2021
Gunnar Smári Egilsson er formaður framkvæmdastjórnar Sósíalistaflokks Íslands.
Sósíalistaflokkurinn hefur aldrei mælst stærri í könnunum Gallup
Stjórnarflokkarnir hafa saman tapað fylgi á kjörtímabilinu en eru við það að geta endurnýjað samstarfið, samkvæmt könnunum, standi vilji þeirra til þess. Þrír stjórnarandstöðuflokkar hafa styrkt stöðu sína á kjörtímabilinu en tveir veikst.
Kjarninn 2. mars 2021
Meira úr sama flokkiAðsendar greinar