Doktor Bjarni Már Magn­ús­son, pró­fessor við laga­deild HR. hefur sent frá sér grein rétt í þessu til birt­ingar í Kjarn­anum sem hann nefn­ir; „upp­lýs­inga­mengun í boði Alþing­is.“

Það er ekki ráð­ist á garð­inn þar sem hann er lægstur að svara slík­um, en óum­flýj­an­legt þar sem veru­legs mis­skiln­ings svo ekki sé sagt van­þekk­ingar gætir í grein­inni á því hvernig um útgáfu laga­safns­ins er búið.

­Fyrir það fyrsta er það sér­stök rit­stjórn laga­safns­ins sem fer með það hlut­verk, sbr. 9. gr. laga nr. 15/2005 um Stjórn­ar­tíð­indi og Lög­birt­inga­blað, sem dóms­mála­ráð­herra skip­ar. For­seti Alþingis til­nefnir að vísu einn mann í þá rit­stjórn en hún er sem slík sjálf­stæð og for­seti Alþingis hefur ekki afskipti af hennar störf­um. Rit­stjórnin mótar sér rit­stjórn­ar­stefnu og hef ég ástæðu til að ætla að sú sem nú situr hafi siglt eftir svip­uðum sigl­inga­ljósum og þær næstu á undan henn­i. 

Hitt er allt annað mál að laga­safnið er aðgengi­legt á vef Alþingis enda mikið til þess gripið hér á bæ eðli máls­ins sam­kvæmt, ekki síst í störfum þing­nefnda. Það, að laga­safnið sé aðgengi­legt á vef Alþing­is, gefur hins vegar leikum hvað þá lærðum engin til­efni til að álykta út frá því að Alþingi sé ábyrgt fyrir útgáf­unni og slá um sig með krassandi fyr­ir­sögnum á grund­velli þess.

Með þessu er ekki sagt að ekki megi gera betur hvað varðar skýr­leika og fram­setn­ingu við birt­ingu laga­safns­ins sem nú er raf­ræn og hefur verið síðan síð­asta prent­aða útgáfan kom 2007. Ábend­ingar Bjarna Más hvað varðar mis­ræmi í birt­ingu alþjóða­samn­inga og/eða fyr­ir­vara sem við þá kunna að hafa verið gerðir eru allrar athygli verðar og til­valið að beina því til rit­stjórnar laga­safns­ins að fara yfir það mál og bæta úr ef við á. En, aftur verður þá að beina slíku í rétta átt og ekki hengja hér bak­ara fyrir smið, þ.e. Alþingi í stað þess að eiga það við rit­stjórn­ina. Einnig ber að hafa í huga að halli er á birt­ingu alþjóða­samn­inga í C-deild stjórn­ar­tíð­inda, en það er verk­efni utan­rík­is­ráðu­neyt­is­ins en ekki Alþingis að drífa þá hluti áfram.

Höf­undur er for­seti Alþing­is.