Er friðurinn úti?

Árlegir friðardagar í Reykjavík fara í þetta sinn fram á netinu í formi hlaðvarpsþáttaraðar undir yfirskriftinni: Er friðurinn úti?

friðarsetursmynd.jpg
Auglýsing

Ísland hefur verið leið­andi í kynja­jafn­rétti á alþjóða­vísu og setið efst á kynja­jafn­rétt­is­lista Alþjóða­efna­hags­ráðs­ins (World Economic For­um) ell­efu ár í röð. Sam­kvæmt Kids­Rights index eru rétt­indi barna hvergi betur tryggð en hér á landi, en mæli­kvarð­inn tekur mið af Barna­sátt­­mála Sam­ein­uðu þjóð­anna. Þessi staða hefur styrkt rödd Íslands og gert okkur kleift að hafa áhrif á alþjóða­vett­vangi í mik­il­vægum mála­flokkum á sviði jafn­réttis og mann­rétt­inda. Það sést meðal ann­ars á fram­göngu Íslands í mann­réttinda­ráði Sam­ein­uðu þjóð­anna þar sem Ísland fór  fyrir sam­eig­in­legum yfir­lýs­ingum um mann­rétt­inda­brot í Sádí Arabíu og Fil­ipps­eyj­um. Haft var eftir John Fis­her, fram­kvæmda­stjóra Gen­far­skrif­stofu Mann­rétt­inda­vakt­ar­innar (Human Rights Watch), að Ísland sann­aði það að smá­ríki geta verið leið­togar á heims­vísu.

Til þess að geta sinnt þessu hlut­verki þarf Ísland áfram að standa vörð um mann­rétt­indi, um rétt­indi kvenna og barna á alþjóða­vísu og hér heima fyr­ir. COVID-19 far­ald­ur­inn hefur nú þegar haft miklar afleið­ingar í för með sér, bæði fyrir ein­stak­linga sem og sam­fé­lagið í heild sinni. Ástandið und­an­farna mán­uði hefur svipt hul­unni af ofbeldi sem konur og börn búa enn við í íslensku sam­fé­lagi, þrátt fyrir hlut­falls­lega góða stöðu þess­ara hópa í sam­an­burði við önnur lönd. 

Auglýsing
Fimm þús­und til­kynn­ingar bár­ust um ofbeldi gagn­vart börnum á Íslandi í fyrra og sam­kvæmt rann­sókn­inni Líðan þjóðar í COVID hafa um 8% kvenna og 6% karla orðið fyrir ofbeldi á heim­ilum sínum frá því í vor þegar rann­sóknin hófst. Það þýðir að fyrir eitt til tvö börn í hverjum bekk í grunn­skóla er ekk­ert skjól að finna inni á heim­il­inu, þar ríkir ekki frið­ur. Það er því mik­il­vægt að við stuðlum að umræðu um ofbeldi í nærum­hverfi á Íslandi og ræðum opin­skátt um að ekki allir ein­stak­lingar búa við frið hér á land­i. 

Á árlegum frið­ar­dögum í Reykja­vík, sem fram fara á net­inu í ár í formi hlað­varps­þáttar­aðar undir yfir­skrift­inni: Er frið­ur­inn úti?, verður fjallað sér­stak­lega um hug­takið frið og hvernig það teng­ist okkur sem ein­stak­lingum og sam­fé­lagi. Við veltum því fyrir okkur hvort friður ein­kenn­ist ein­ungis af því að ekki ríki stríð eða hvort friður ríki þá aðeins ef allir ein­stak­lingar sam­fé­lags­ins lifa í friði án ofbeldis og mis­mun­un­ar. Einn við­mæl­andi hlað­varps­þátt­anna bendir á að ófriður í nærum­hverf­inu, sér­stak­lega umhverfi barna, muni alltaf leiða til ófriðar í fram­tíð­inni. Það er því  mik­il­vægt að börn eigi sér málsvara og búi við öryggi og frið, bæði inni á eigin heim­ilum en einnig úti í sam­fé­lag­inu. Ein stærsta ógnin sem steðjar að öryggi kom­andi kyn­slóða eru lofts­lags­breyt­ing­ar. Sífellt fleiri fræði­menn benda á lofts­lags­breyt­ingar sem eina af orsökum óstöð­ug­leika í heim­in­um. Ban Ki-Moon, fyrrum aðal­­­rit­­ari Sam­ein­uðu þjóð­anna, hefur sagt að ógnir vegna lofts­lags­breyt­inga séu að minnsta kosti jafn­­­miklar og ógnir vegna stríðs­á­­taka. Þá spáir Flótta­manna­stofnun Sam­ein­uðu þjóð­anna því að áður en árið 2050 gengur í garð verði um 250 milljón manns á flótta undan afleið­ingum lofts­lags­breyt­inga. Tengsl lofts­lags­breyt­inga og ófriðar eru því einnig tekin fyrir í hlað­varps­þátt­unum og mik­il­vægt hlut­verk ungs fólks í að stuðla að breyt­ing­um, eða eins og einn við­mæl­and­inn benti á: “Trúum á vís­indin og hlustum á unga fólk­ið”.

Umræða Frið­ar­daga í Reykja­vík verður í hámarki dag­ana 12. - 16. októ­ber en hún fer fram hér á Kjarn­anum og á vef­síðu Höfða frið­ar­set­urs, www.frid­ar­set­ur.is. Fylgstu með og taktu þátt í umræð­unni um það hvernig Ísland getur gert betur þegar kemur að ofbeldi og mis­munun í íslensku sam­fé­lagi og um leið verið enn öfl­ugri málsvari friðar á alþjóða­vett­vangi.

F.h. Höfða frið­ar­set­urs Reykja­vík­ur­borgar og Háskóla Íslands:

Auður Birna Stef­áns­dótt­ir, Pi­a Hans­son og Auður Örlygs­dótt­ir.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Sonja Ýr Þorbergsdóttir formaður BSRB
„Hlutverk hins opinbera er að tryggja öllum húsnæðisöryggi“
Formaður BSRB segir að margt sé til bóta í tillögunum starfshóps um aðgerðir og umbætur á húsnæðismarkaði – og gefi ástæðu til hóflegrar bjartsýni um betri tíma.
Kjarninn 19. maí 2022
Árni Guðmundsson
Af þreyttasta frumvarpi Íslandssögunnar
Kjarninn 19. maí 2022
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Claudia Ashanie Wilson, Eiríkur Rögnvaldsson, Eliza Reid, Eyrún Ólöf Sigurðardóttir, Gísli Pálsson og Sema Erla Serdaroglu
Kynþáttamörkun
Kjarninn 19. maí 2022
Meira úr sama flokkiAðsendar greinar