Bjargráð – ekki bólur

Varaformaður Viðreisnar segir að Seðlabankinn verði að breyta stefnu sinni þannig að hann auki áherslu á að kaupa skuldabréf ríkis og sveitarfélaga til að auka rými þeirra til aðgerða, fremur en að fjármagna uppgang á fasteignamarkaði.

Auglýsing

Síðastliðna viku hafa borist afar jákvæðar fréttir sem varða framtíðarhorfur heimsins. Tvö lyfjafyrirtæki, Pfizer og Moderna, hafa tilkynnt um árangur af þróun bóluefna gegn kórónuveirunni. Ísland hefur tryggt sér aðgang að báðum gegnum samstarf við Evrópuþjóðir. Ekki er hægt að undirstrika nægilega hve jákvæðar og mikilvægar þessar fréttir eru. Nú er í fyrsta skipti hægt að tímasetja hvenær yfirstandandi faraldri líkur og lífið getur færst aftur í eðlilegt horf.

Íslenskt stjórnvöld hafa getað gripið til umfangsmikilla mótvægisaðgerða í skjóli sterkrar stöðu ríkissjóðs og umfangsmikils gjaldeyrisvaraforða. Aðgerðirnar hafa samt litast af óvissu um hvort og hvenær bóluefni fyndist. Aðgerðirnar hafa verið fjölbreyttar og áætlanir gert ráð fyrir að þær gætu staðið í nokkurn tíma. Nú þegar verulega hefur verið dregið úr þessari óvissu er mikilvægt að endurmeta þessar aðgerðir þannig að árangur þeirra verði sem mestur.

Fjármálaráð hefur ítrekað bent á þá hættu sem getur fylgt stórauknum umsvifum ríkisins. Séu slíkar aðgerðir til langs tíma er hætta á að þær nái yfir uppgangstímabil í hagkerfinu og valdi þenslu. Fjármálaráð hefur því lagt áherslu á að ríkið geri ráð fyrir reglulegri endurskoðun aðgerðanna til að forðast það. Undir þetta verður að taka.

Hjarðónæmi í okkar helstu viðskiptalöndum um og eftir mitt næsta ár mun opna að nýju fyrir þau viðskipti sem lokuðust þegar faraldurinn skall á. Nærtækustu tækifærin til að auka verðmætasköpun og skapa störf er að endurvekja þau viðskipti. Því ætti að endurskoða áætlanir stjórnvalda með það að markmiði að gera þessar atvinnugreinar í stakk búnar til þess að grípa aftur þau tækifæri sem hurfu með faraldrinum.

Þrátt fyrir samdrátt og mikla aukningu í atvinnuleysi hefur kaupmáttur haldist nokkuð stöðugur frá því faraldurinn hófst. Það þýðir að mörg fyrirtæki og einstaklingar finna lítið fyrir neikvæðum efnahagslegum afleiðingum faraldursins. Óþarfi er að grípa til aðgerða sem styðja þennan hóp. Almennar skattalækkanir sem og innspýting fjármagns inn í bankakerfið eru dæmi um slíkar aðgerðir. Raunar virðist innspýting fjármagns inn í bankakerfið fyrst of fremst hafa leitt til uppgangs og verðhækkana á fasteignamarkaði. Fjárfestingar hins opinbera sem ekki koma til framkvæmda fyrr en eftir mitt næsta ár eru einnig því marki brennd að skapa fremur hættu á þenslu en að leysa aðsteðjandi vanda.

Auglýsing
Sértækar aðgerðir, sem beinast að þeim fyrirtækjum sem orðið hafa fyrir tjóni og þeim einstaklingum sem misst hafa vinnuna eru líklegri til að koma að gagni. Hlutabætur, tekjutenging atvinnuleysisbóta, hækkun bóta, menntunarúrræði og félagslegur stuðningur við atvinnulausa eru dæmi um aðgerðir í þágu þeirra sem líklegar eru að draga úr neikvæðum áhrifum kreppunnar. Gagnvart sjálfstætt starfandi einstaklingum og fyrirtækjum þarf að beita beinum stuðningi. Nágrannalönd okkar, t.d. Danmörk og Þýskaland, hafa þegar hafið slíkar aðgerðir. Þeim er ætlað að viðhalda getu fyrirtækja til að bregðast við þegar eftirspurn eftir framleiðslu þeirra tekur aftur við sér upp úr miðju næsta ári. Vísir að þessu er þegar til staðar, t.d. gagnvart listamönnum. Aðgerð af sambærilegri stærðargráðu gagnvart ferðaþjónustunni er líklega öruggasta leiðin til þess að tryggja að kreppan verði stutt.

Þessar aðgerðir þarf að fjármagna. Í því samhengi virðist augljósast að stefnu Seðlabankans verði breytt þannig að hann auki áherslu á að kaupa skuldabréf ríkis og sveitarfélaga til að auka rými þeirra til aðgerða, fremur en að fjármagna uppgang á fasteignamarkaði. Slík útfærsla magnbundinnar íhlutunar mundi auðvelda ríki og sveitarfélögum að grípa til nauðsynlegra aðgerða, nú þegar endamarkið er í augsýn.

Höf­undur er vara­for­maður Við­reisn­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árvakur hf. gefur út Morgunblaðið, mbl.is og útvarpsstöðina K100.
Útgáfufélag Morgunblaðsins tapaði 75 milljónum þrátt fyrir 100 milljóna ríkisstyrk
Tap Árvakurs, útgáfufélags Morgunblaðsins, minnkaði um 135 milljónir á milli ára. Framkvæmdastjóri fyrirtækisins þakkar veigamiklum hagræðingaraðgerðum fyrir það að reksturinn hafi batnað þrátt fyrir veirufaraldurinn.
Kjarninn 26. júlí 2021
Joe Biden Bandaríkjaforseti.
Bandaríkin ætla að halda ferðabanni gagnvart Evrópu til streitu enn um sinn
Íslendingar og aðrir Evrópubúar munu ekki geta sótt Bandaríkin heim alveg á næstunni án þess að hafa sérstakar undanþágur. Í ljósi útbreiðslu delta-afbrigðis kórónuveirunnar hefur Bandaríkjastjórn ákveðið að halda núverandi ferðatakmörkunum í gildi.
Kjarninn 26. júlí 2021
Eyþór Eðvarðsson
Fjórar spurningar um loftslagsmál sem kjósendur þurfa að fá svar við
Kjarninn 26. júlí 2021
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Meira úr sama flokkiAðsendar greinar