Erum við að missa af tækifærunum?

Smári McCarthy spyr hvort við séum að missa af tækifærum varðandi loftslagsmál – klúðra einhverju stórkostlega – en Umhverfisþing Pírata fer fram í dag.

Auglýsing

Við þurfum að ræða um trúverðugleika Íslands í loftslagsmálum. Um það hvort mannkynið í heild geti bjargað sér undan sjálfskaparvíti og hvernig Ísland getur hjálpað til, meira en þegar er gert. Ég lít svo á að við séum öll bandamenn í þeirra umræðu, í því hvernig við viðhöldum lífvænleika jarðar.

Ljóst er að mörg lönd, meðal annars sum stærstu lönd heims, munu ekki að óbreyttu ná að draga úr losun svo nokkru nemi. Jafnvel þar sem pólitískur vilji er til staðar að nafninu til virðast önnur efnahagsleg og samfélagsleg markmið ráða för.

Verstu skógareldar sögunnar geisa um heiminn ár eftir ár, fellibyljum hvers árs fer fjölgandi. Metþurrkar, landeyðing og hækkun sjávarmáls eru löngu hætt að vera fræðilegar ógnir. Við þurfum að forgangsraða stórtækum aðgerðum fram yfir smærri puntverkefni sem láta stjórnmálin líta vel út en hafa litla þýðingu í reynd.

Auglýsing

Eftir því sem á líður bendir fleira til þess að við þurfum að gera grundvallarbreytingar á hagkerfi heimsins ef markmiðið eigi að nást. Það er hverjum þeim ljóst sem lætur sig loftslagsmál varða af einhverri alvöru að engin leið er að skapa sjálfbært samfélag manna án þess að breyta því hvernig gangverk efnahagsmála virkar á heimsvísu.

Á meðan efnahagskerfin undanskilja ágang á náttúruauðlindir frá hagnaðartölum og á meðan krafan um hinn endalausa hagvöxt er ekki kveðin niður er engin leið að ætla að árangur náist í loftslagsmálum. Því verður að gera nákvæmlega sömu kröfur til loftslagsbókhalds og gerðar eru til ríkisfjármála, auk þess sem hið opinbera þarf að samtvinna aðgerðir í efnahagslífinu við loftslagsmál. Næsta ríkisstjórn gæti t.d. sett á fót embætti umhverfis- og efnahagsmálaráðherra. Ég teldi það a.m.k. umræðunnar virði.

Hvernig gengur okkur, hvar gætum við verið að standa okkur betur? Erum við að missa af tækifærum, að klúðra einhverju stórkostlega? Eða erum við jafnvel að missa sjónar á vandamálinu, til dæmis vegna heimsfaraldurs Covid-19?

Þessum spurningum og öðrum ætlum við að varpa upp á Umhverfisþingi Pírata, sem fram fer í dag á piratar.tv klukkan 11. Þar geta áhugasöm fylgst með og sent spurningar til framsögufólksins, sem er ekki af verri endanum. Þeirra á meðal eru Andri Snær Magnason rithöfundur, Auður Önnu Magnúsdóttir framkvæmdastjóri Landverndar, Kristín Vala Ragnarsdóttir prófessor í sjálfbærnivísindum og Geir Guðmundsson verkefnastjóri hjá Nýsköpunarmiðstöð Íslands.

Við ætlum að ræða stóra hugmyndir enda eru úrlausnarefnin stór. Við þurfum að setja markið hátt, því til þess að ná árangri þá þurfum við að þora. Sem fyrr segir hefst þingið klukkan 11 og er hægt að horfa á það með því að smella hér.

Höfundur er þingmaður Pírata. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Örn Bárður Jónsson
Ný stjórnarskrá í 10 ár – Viska almennings og máttur kvenna
Kjarninn 29. júlí 2021
Til að fá að fljúga með flugfélaginu Play verða farþegar að skila inn vottorði um neikvæða niðurstöðu úr PCR-prófi eða hraðprófi.
Hafa þurft að vísa vottorðalausum farþegum frá
Flugfélagið Play hefur fengið jákvæð viðbrögð við þeirri ákvörðun að meina farþegum um flug sem ekki hafa vottorð um neikvætt COVID próf. Fyrirkomulagið verður enn í gildi hjá Play þrátt fyrir að vottorðalausum muni bjóðast sýnataka á landamærunum.
Kjarninn 29. júlí 2021
Kamilla Jósefsdóttir og Alma Möller landlæknir.
Sértæk bóluefni gegn delta-afbrigði „okkar helsta von“
Frá því að fjórða bylgja faraldursins hófst hér á landi hafa sextán sjúklingar legið á Landspítala með COVID-19. Tíu eru inniliggjandi í dag, þar af tveir á gjörgæslu.
Kjarninn 29. júlí 2021
Kort Sóttvarnastofnunar Evrópu sem uppfært var í dag.
Ísland orðið appelsínugult á korti Sóttvarnastofnunar Evrópu
Mikil fjölgun greindra smita hér á landi hefur haft það í för með sér að Ísland er ekki lengur grænt á korti Sóttvarnastofnunar Evrópu. Væru nýjustu upplýsingar um faraldurinn notaðar yrði Ísland rautt á kortinu.
Kjarninn 29. júlí 2021
Jóhann Björn Skúlason, yfirmaður smitrakningateymis almannavarna.
Smitrakningunni „sjálfhætt“ ef fjöldi smita vex gríðarlega úr þessu
Miklar annir eru nú hjá smitrakningarteymi almannavarna. Á bilinu 180-200 þúsund notendur eru með smitrakningarforrit yfirvalda í símum sínum og það gæti reynst vel ef álagið verður svo mikið að rakningarteymið hafi ekki undan. Sem gæti gerst.
Kjarninn 29. júlí 2021
Ari Trausti Guðmundsson
Faraldur er ekki fyrirsjáanlegur
Kjarninn 29. júlí 2021
Áslaug Arna Sigurbjörnsdóttir dómsmálaráðherra.
„Ekki má hringla með marklínuna“
Dómsmálaráðherra vonar að stjórnarandstöðunni „auðnist ekki að slíta í sundur þá einingu sem ríkt hefur meðal landsmanna í baráttunni gegn veirunni“. Samhliða útbreiddri bólusetningu þurfi að slá nýjan takt og „leggja grunn að eðlilegu lífi á ný“.
Kjarninn 29. júlí 2021
Þorsteinn Már Baldvinsson forstjóri Samherja.
Samherji kannar hvernig afsökunarbeiðnir leggjast í landann
Þátttakendur í viðhorfahópi Gallup fengu í vikunni sendar spurningar um Samherja. Fyrirtækið, sem baðst tvívegis afsökunar fyrr í sumar, virðist fylgjast grannt með almenningsálitinu.
Kjarninn 29. júlí 2021
Meira úr sama flokkiAðsendar greinar