Í upp­hafi árs er ágætt að skoða fjár­málin og þá má ekki und­an­skilja líf­eyr­is­fram­lagið sem nú eru 15,5% af mán­að­ar­legum heild­ar­laun­um.  Beint fram­lag okkar launa­fólks er sam­tals 15,5% sem skipt­ist þannig að 4% er til frá­dráttar útborg­uðum launum en  atvinnu­rek­andi skilar mán­að­ar­lega 11,5% því til við­bót­ar.  Líf­eyr­is­sjóðs­fram­lagið var hækkað um 3,5% af heild­ar­launum hjá öllum sem vinna sam­kvæmt kjara­samn­ingi SA og ASÍ frá árinu 2016, til að tryggja jöfnun líf­eyr­is­rétt­inda milli þeirra sem vinna hjá ríki og sveit­ar­fé­lögum og hinna sem starfa á almennum vinnu­mark­að­i..  Laun­þegar á almenna mark­aðnum hafa þannig val um hvort þetta við­bót­ar­fram­lag upp á 3,5%  bæt­ist að hluta eða öllu leyti við sam­trygg­ing­una eins og verið hefur með þau 12% sem áður voru lög­fest, eða hvort við ráð­stöfum þess­ari við­bót í til­greinda sér­eign.

Til­greind sér­eign er ný teg­und sér­eignar sem er alveg ótengd hinum frjálsa sér­eign­ar­sparn­aði. Sjóðs­fé­lagar verða sjálfir að taka ákvörðun um hvort þeir vilji að allt að 3,5% af skyldu­ið­gjaldi sem þeim ber að greiða fari í sam­trygg­ing­ar­sjóð eða í sér­eigna­sjóð sem nefn­ist til­greind sér­eign.

Ef ekk­ert er valið fer allt fram­lagið í sam­trygg­ingu

Það er mik­il­vægt að skoða vel hvað hentar hverjum og einum í þessu sam­bandi og á heima­síðu líf­eyr­is­sjóð­anna eru ágætar upp­lýs­ing­ar ­fyrir sjóðs­fé­laga  til þess að auð­velda þeim að taka upp­lýsta ákvörðun fyrir sig.  

Ef tekið er dæmi um launa­fólk á þrí­tugs­aldri á með­al­laun­um, sem velur að setja sitt við­bót­ar­fram­lag í til­greinda sér­eign, getur það átt von á því að eiga tæpar 25 milj­ónir í til­greindri sér­eign við 67 ára aldur miðað við 500 þús­und króna laun á mán­uði sbr. útreikn­ing á heima­síðu live.is þann 4. jan­úar 2021.  

Hafa ber í huga að allar fjár­hæðir eru áætlun hvað ávöxtun varðar og miða við 3,5% ávöxtun en jafn­framt að til­greind sér­eign er sann­ar­lega sér­eign sem erf­ist sem er kostur umfram sam­trygg­ing­una.  Til­greind sér­eign er einnig útgreið­an­leg fimm árum fyrir hefð­bund­inn líf­eyr­i­s­töku­ald­ur, en þá verða áætl­aðar fjár­hæðir líf­eyr­is­greiðslna úr sam­trygg­ingu lægri að sama skapi ef 12% fer í sam­trygg­ingu og 3,5% í til­greinda sér­eign. 

Hér kemur vel fram í hverju mun­ur­inn felst og rétt að ítreka að þetta er áætlun miðað við 3.5% með­al­á­vöxt­un.  

Hér er um veru­lega hags­muni að ræða og því mik­il­vægt að hver og einn sjóðs­fé­lagi sem fellur undir þessa kjara­samn­inga frá árinu 2016 skoði hvernig hann vill ráð­stafa sínu fram­lagi en allt fram­lagið fer í sam­trygg­ingu ef ekk­ert er val­ið.

Höf­undur er bók­ari, bæj­ar­full­trúi hjá Hafn­ar­fjarð­arbæ og stjórn­ar­maður í VR og LIVE.