Fjöldatakmarkanir hins opinbera

Björn Leví Gunnarsson fjallar um tillögu Pírata um endurskoðun á hjúskaparlögum þannig að hjúskapur og skráð sambúð geti átt við um fleiri en tvo einstaklinga, skylda sem óskylda.

Auglýsing

Nei, þetta er ekki pistill um hversu margir geta verið í kirkju eða safni á sama tíma. Þetta er pistill um fjöldatakmarkanir á sambúð. Í dag birtu Píratar tillögu og beiðni um samráð um endurskoðun á hjúskaparlögum þannig að hjúskapur og skráð sambúð geti átt við um fleiri en tvo einstaklinga, skylda sem óskylda. 

Fyrir um áratug var hjúskaparlögum breytt þannig að hjúskapur eða skráð sambúð væri á milli tveggja einstaklinga óháð kyni. Hér er bætt við að slíkur samningur sé óháður fjöldatakmörkunum af hálfu hins opinbera. Þrír í hjúskap? Af hverju ekki? Fjórar að ættleiða saman? Af hverju ekki? Fimm í sambúð sem bera sameiginlega ábyrgð á leigusamningi, af hverju ekki? Af hverju ætti ríkið að ákveða hverjir geti gert með sér slíka samninga?

Umræðan fer mögulega í sögulegar vangaveltur um fjölkvæni og inn á trúarlegar brautir. Barn á bara tvo líffræðilega foreldra og það stjórnar því hvað hjúskapur eða skráð sambúð felur í sér. Við erum hins vegar komin langt umfram þær takmarkanir. Börn eiga alls konar foreldra: Líffræðilega foreldra, fósturforeldra, nýjar mömmur og pabba eftir skilnað eða andlát, tvo pabba eða tvær mæður. Og af hverju ekki þrjár samkvæmt hjúskapar- eða ættleiðingarlögum?

Auglýsing

Aukin þekking á kynvitund og kynhneigð undirstrikar fjölbreytileika mannfólksins. Það eru líka til sambönd milli tveggja eða fleiri einstaklinga sem eru ekki kynferðisleg á neinn hátt. Forsendur sambúðar eftir kynvitund eða kynhneigð koma löggjafanum ekki við.

Ríkisvarðar hefðir?

Við setjum ýmsar samfélagsvenjur í lög: Hvaða nafn fólk má bera, hvaða trúarsöfnuður er þjóðkirkja og hvernig það mátti ekki spila bingó á páskunum. Ef til vill eru þetta góðar og gildar hefðir en til hvers þurfa góðar hefðir lögverndun? 

Tillaga um að hjúskapur og sambúð geti verið milli tveggja eða fleiri einstaklinga, óháð skyldleika, breytir í raun engum hefðum. Einungis er skilgreint að samningar milli einstaklinga um ákveðna ábyrgð, skyldur og réttindi geti verið milli fleiri en tveggja. Auðvitað ættu slíkir samningar að geta verið milli allra þeirra sem vilja gera slíkan samning – ekki takmörkum við aðra samninga við einungis tvo einstaklinga. Þrjár systur geta keypt saman hús en mega samkvæmt núverandi lögum ekki vera skráðar í sambúð í því húsi og geta ekki nýtt sér þau réttindi sem það hefði í för með sér.

Ég skil vel að þessi tillaga vefjist fyrir sumum, á sama hátt og einhverjum finnst enn flókið að hjúskapur geti verið milli tveggja einstaklinga óháð kyni. Það er skoðun og er fólki frjálst að haga sínum hjúskap samkvæmt þeirri sannfæringu sinni. Skoðun eins á hins vegar ekki að hafa áhrif á hjúskaparákvörðun annarra, hvað þá með hjálp ríkisvaldsins.

Ég vil hvetja öll til að segja skoðun sína á þessari tillögu, koma með ábendingar og athugasemdir. Það er hægt að gera með því að smella hér, þar sem jafnframt má finna nánari upplýsingar.

Höfundur er þingmaður Pírata.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Skriður á rannsókn saksóknara og skattayfirvalda á meintum brotum Samherja
Bæði embætti héraðssaksóknara og skattrannsóknarstjóri hafa yfirheyrt stjórnendur Samherja. Embættin hafa fengið aðgang að miklu magni gagna, meðal annars frá fyrrverandi endurskoðanda Samherja og úr rannsókn Seðlabanka Íslands á starfsemi fyrirtækisins.
Kjarninn 23. júní 2021
Katrín Jakobsdóttir, forsætisráðherra.
„Eðlilegt að draga þá ályktun að verðið hafi hækkað vegna áhuga á útboðinu“
Forsætisráðherra segir að það bíði næstu ríkisstjórnar að ákveða hvort selja eigi fleiri hluti í Íslandsbanka. Salan hafi verið vel heppnuð aðgerð.
Kjarninn 23. júní 2021
Jenný Ruth Hrafnsdóttir
Ísland - Finnland: 16 - 30
Kjarninn 23. júní 2021
Þórólfur Guðnason sóttvarnalæknir.
Engin smit út frá bólusettum með virkt smit – „Hver er þá áhættan? Mikil eða lítil?“
Ellefu bólusettir einstaklingar hafa greinst með veiruna á landamærunum. Engin smit hafa hins vegar greinst út frá þeim. Sóttvarnalæknir segir enn óvíst hvort smithætta fylgi bólusettum með smit en að hún sé „alveg örugglega“ minni en frá óbólusettum.
Kjarninn 23. júní 2021
Benedikt Jóhannesson hefur veifað bless við framkvæmdastjórn flokksins sem hann var aðalhvatamaðurinn að því að stofna.
Hefur sagt sig úr framkvæmdastjórn og segir framgöngu formanns mestu vonbrigðin
Fyrrverandi formaður Viðreisnar telur að atburðarás hafi verið hönnuð til að koma ákveðnum einstaklingum í efstu sætin á lista flokksins á höfuðborgarsvæðinu og halda öðrum, meðal annars honum, frá þeim sætum.
Kjarninn 23. júní 2021
Drífa Snædal, forseti ASÍ.
ASÍ hvetur forsætisráðherra til að beita sér fyrir alþjóðlegum fyrirtækjaskatti
Verkalýðshreyfingin kallar eftir því að lagður verði á 25 prósent skattur á hagnað alþjóðlegra stórfyrirtækja þar sem hann verður til.
Kjarninn 23. júní 2021
Viðskipti hófust með bréf Íslandsbanka í gær.
20 fjárfestar keyptu rúmlega helminginn af því sem selt var í Íslandsbanka
Búið er að birta lista yfir stærstu eigendur Íslandsbanka. Auk ríkisins eiga lífeyrissjóðir og erlendir fjárfestingarsjóðir stærstu eignarhlutina. Margir einstaklingar leystu út hagnað af viðskiptunum í gær.
Kjarninn 23. júní 2021
Engin ákvörðun hefur enn verið tekin um hvort og þá hvenær farið verður að bólusetja börn við COVID-19 á Íslandi.
Ráðleggja óbólusettum – einnig börnum – frá ónauðsynlegum ferðalögum
Sóttvarnarlæknir segir þær ráðleggingar embættisins að óbólusettir ferðist ekki til útlanda gildi einnig fyrir börn. Engin ákvörðun hefur enn verið tekin um almenna bólusetningu barna.
Kjarninn 23. júní 2021
Meira úr sama flokkiAðsendar greinar