Ólafur Ragnar Gríms­son, for­seti Íslands, tók af allan vafa í við­tali við sjón­varps­þátt­inn Eyj­una í gær um að hann ætli að sitja út þetta kjör­tíma­bil.

Í því voru fólgin tölu­verð tíð­indi, enda hefur Ólafur Ragnar ekki viljað svara því hvort hann hafi ætlað sér að sitja út kjör­tíma­bilið eða hætta fyrr, þegar leitað hefur verið svara við þeirri spurn­ingu. Ljóst er að ummæli for­set­ans um hvað hann ætli að gera hafa verið mjög mis­vísandi.

Þegar Ólafur Ragnar Gríms­son sendi frá sér yfir­lýs­ingu þann 4. mars 2012 þá sagði í henni: „Það er þó ein­læg ósk mín að þjóðin muni sýna því skiln­ing þegar stöð­ug­leiki hefur skap­ast í stjórn­skipan lands­ins og stjórn­ar­fari og staða okkar í sam­fé­lagi þjóð­anna hefur skýr­st, ákveði ég að hverfa til ann­arra verk­efna áður en kjör­tíma­bilið er á enda og for­seta­kjör fari þá fram fyrr en ella“.

Skömmu síðar sagði Ólafur Ragn­ar m.a.: „Og eftir þónokkra umhugsun þá varð það nið­ur­staða mín að verða við þessum óskum, en þó með þeim fyr­ir­vara, eins og ég nefndi í yfir­lýs­ing­unni, að þegar von­andi allt verður orðið stöðugra og kyrrð hefur færst yfir, bæði varð­andi stjórn­skipun og stöðu mála í land­inu, þá hafi menn á því skiln­ing að ég muni þá ekki sitja út allt næsta kjör­tíma­bil, og for­seta­kosn­ingar færu þá fram fyrr en ella.“

Örn­ólfur Thors­son for­seta­rit­ari sagði við frétta­stofu RÚV þann 17. júlí síð­ast­lið­inn að for­set­inn ætl­aði sér ekki að veita við­tal um þetta efni, hvort hann hygg­ist sitja út kjör­tíma­bil­ið, enda ræði hann „það ekki sem fram hafi komið í kosn­inga­bar­áttu, eftir að hann hefur tekið við emb­ætti. Umræða í kosn­inga­bar­áttu verði ekki fram­lengd inn í emb­ætt­is­tíð for­set­ans“.

Í Bak­her­bergj­unum túlka menn það sem svo að for­set­inn telji hvorki hafa skap­ast stöð­ug­leiki í stjórn­skipan lands­ins og stjórn­ar­fari, né að staða Íslands í sam­fé­lagi þjóða hafi skýrst. Því þurfi þjóðin á Ólafi Ragn­ari að halda í að minnsta kosti tæp tvö ár í við­bót. Í við­tal­inu í gær úti­lok­aði for­set­inn raunar ekki að bjóða sig fram enn einu sinni. Mögu­lega veltur sú ákvörðun á því hvort sitj­andi stjórn­völd nái að sann­færa for­set­ann um að þau séu starfi sínu vaxin og þurfi ekki á áfram­hald­andi við­veru hans að halda.