Nú er geng­inn í hönd sá tími árs, þar sem búast má við örtröð óskipu­lagðra Íslend­inga í versl­un­um, í við­leitni sinni til að kaupa síð­ustu jóla­gjaf­irnar þetta árið.

Eins og flestir hafa vafa­lítið tekið eftir er umferð tekin að þyngj­ast veru­lega um götur höf­uð­borg­ar­inn­ar, og versl­anir eru þétt­setnar með til­heyr­andi við­rekstrum og oln­boga­skot­um.

Í bak­her­berg­inu var af þessu til­efni rifjuð upp lög­reglu­sam­þykkt fyrir Reykja­vík­ur­borg, að gamni, þar sem skýrt er kveðið á um hvernig bregð­ast skuli við í mann­þröng á almanna­færi.

Með almanna­færi er í lög­reglu­sam­þykkt­inni átt við göt­ur, vegi, gang­stétt­ar, gang­stíga, svæði ætluð til almenn­ings­nota og staði sem eru opnir almenn­ingi, svo sem kvik­mynda­hús, leik­hús, sam­komu­hús, söfn, veit­inga­stað­ir, versl­an­ir, leik­tækja­stað­ir, bif­reiða­stöðv­ar, bið­skýli og sölu­turna.

Svo segir orð­rétt í 5. grein lög­reglu­sam­þykkt­ar­inn­ar: „Þegar fjöl­menni safn­ast saman á almanna­færi svo sem í eða við bið­stöðvar almenn­ings­­vagna og leigu­bif­reiða, miða­söl­ur, banka, veit­inga­staði, versl­anir og aðra afgreiðslu­staði, skal fólk að jafn­aði raða sér þannig að þeir, sem fyrstir koma, fái fyrstir afgreiðslu.“

Í bak­her­berg­inu finnst körlum og konum sposkt að sér­stak­lega sé kveðið á um hvernig fólk eigi að haga sér í fjöl­menni í lög­reglu­sam­þykkt Reykja­vík­ur­borg­ar. Í ljósi þess hvernig Íslend­ing­ur­inn hagar sér í jólastress­inu, er það kannski ekk­ert svo heimsku­leg hyg­mynd.