Magnús Garð­ars­son var ráð­inn fram­kvæmda­stjóri United Sil­icon, sem hyggst reisa og reka kís­il­verk­smiðju í Helgu­vík í Reykja­nes­bæ,  í sum­ar. Magnús bjó áður lengi í Dan­mörku þar sem hann lauk prófi í verk­fræði við Tækni­há­skól­ann í Dan­mörku (DTU) og síðar meist­ara­námi í umhverf­is­verk­fræði frá sama skóla.

Á meðan að Magnús var við nám æfði hann einnig dýf­ingar af miklum móð og náði meðal ann­ars að verða tví­vegis Dan­merk­ur­meist­ari í grein­inni. Svo mikil alvara var í dýf­ing­ar­ferli Magn­úsar að hann tók hluta af námi sínu við Florida Atl­antic háskól­ann í Boca Raton í Banda­ríkj­unum sökum þess að dýf­ing­ar­þjálf­arar skól­ans þykja yfir­burð­ar. Hann ætl­aði nefni­lega að reyna að kom­ast á Ólymp­íu­leik­anna í Atl­anta árið 1996.

Í sam­tali við Við­skipta­blaðið í ágúst síð­ast­liðnum sagði Magn­ús: „Ég var ansi nálægt því að kom­ast á Ólymp­íu­leik­ana en ég meidd­ist á hné í lok árs 1995 og þar með var sá draumur úti.“

Dýf­ing­ar­draum­ur­inn var reyndar ekki alveg úti því að Magnús hélt áfram að dýfa sér. Á inter­net­inu er meðal ann­ars hægt að sjá ein­vígi Magn­úsar og Orlando Duque í heims­meist­ara­mót­inu í kletta­dýf­ingum í Aþenu árið 2002 (e. Cliff div­ing World Cup Athens 2002). Magnús náði  ekki að skaka Duque í þetta sinnið en var engu að síður magn­að­ur. Sjón er sögu rík­ari.

https://www.youtu­be.com/watch?v=bK­B­h8Jx__jU