Odd­geir Ágúst Ottes­en, hag­fræð­ingur og vara­þing­maður Sjálf­stæð­is­flokks, skrif­aði harð­yrta grein sem birt­ist í Morg­un­blað­inu í dag, undir fyr­ir­sögn­inni: „Um blekk­ingar og áróður um „Leið­rétt­ing­una.““ Greinin vakti athygli og eilitla kátínu í bak­her­berg­inu.

Í grein­inni hjólar vara­þing­mað­ur­inn bæði í sjálfar skulda­nið­ur­fell­ing­ar­að­gerð­irn­ar, sem og skrif þing­manna Fram­sókn­ar­flokks­ins um að­gerð­irn­ar.

Odd­geir segir rang­færslur og vill­andi umfjöllun hafa ein­kennt umræður og skrif um nið­ur­stöður „Leið­rétt­ing­ar­inn­ar“ og skrif­ar: „Þing­menn Fram­sókn­ar­flokks­ins hafa til dæmis í riti og ræðum í kjöl­far kynn­ing­ar­innar lagt áherslu á að „Leið­rétt­ing­in“ gagn­ist fyrst og fremst þeim tekju­lægri í þjóð­fé­lag­in­u. Líneik A. Sæv­ars­dóttir og Karl ­Garð­ar­son, þing­menn Fram­sókn­ar­flokks­ins, ­full­yrða til dæm­is í Morg­un­blað­in­u 17. nóv­em­ber síð­ast­lið­inn að jöfn­un milli tekju­hópa ein­kenni aðgerð­ina og að í raun eigi sér stað til­færsla frá­ ­tekju­hærri hópum til tekju­lægri! Þessi full­yrð­ing er mjög fjarri raun­veru­leik­an­um.“

Að mati Odd­geirs gengur leið­rétt­ingin fyrst og síð­ast út á að bæta hluta af þjóð­inni upp hluta af tapi vegna banka­hruns­ins, og að fyr­ir­liggj­andi gögn sýni að þeir tekju­hærri séu að með­al­tali að fá mun meira í sinn hlut. Þá bendir Odd­geir á að ein­stak­lingar með undir 500 þús­und krónur í mán­að­ar­tekjur séu að fá að með­al­tali 130 þús­und krónu í sinn hlut í leið­rétt­ing­unni, á meðan ein­stak­lingar með yfir 500 þús­und krónur í mán­að­ar­tekjur fá að með­al­tali um 440 þús­und krónur út úr skulda­nið­ur­færsl­unni.

„Heild­ar­fjár­hæð ­leið­rétt­ing­ar­inn­ar er um 75 millj­arðar króna. Ef þess­ari fjár­hæð hefði verið dreift á alla skatt­greið­endur hefð­i hver skatt­greið­and­i ­fengið um 280.000 krónur í s­inn hlut. Eðli­legt er að líta svo á að hinir tekju­lægri eigi jafn­mik­inn hlut í almannafé og hin­ir ­tekju­hærri. Aðgerð­ir ­stjórn­valda fela því í raun í sér að tekju­lágir greiði tekju­háum bæt­ur.“

Þá segir Odd­geir að stjórn­mála­menn hafi túlkað árs­laun upp á sjö millj­ónir króna hjá ein­stak­lingum og 16 millj­ónir króna hjá fólki í sam­búð sem lág laun, og þeir hafi bent á að 75 pró­sent af leið­rétt­ing­unni fari farið til fólks með tekjur undir þessum við­mið­un­ar­mörk­um. Gögn frá Rík­is­skatt­stjóra sýni hins vegar að tæp 90 pró­sent af skatt­fram­telj­endum séu undir þessum við­mið­un­ar­mörk­um, og því fái um 10 pró­sent hinna tekju­hæstu um 25 pró­sent leið­rétt­ing­ar­inn­ar. Þá sýni gögn Hag­stof­unnar að helm­ingur fólks í fullri vinnu árið 2013 hafi haft lægri heild­ar­laun en 464 þús­und krónur á mán­uði.

„Jafn­vel þótt stjórn­mála­menn end­ur­skil­grein­i hvað séu lág laun í land­in­u, þá breyt­ist það ekki að skulda­nið­ur­fell­ing­in ­felur í sér til­færslu á fjár­munum frá hinum tekju­lægri til­ hinna tekju­hærri,“ skrifar vara­þing­maður Sjálf­stæð­is­flokks­ins að end­ingu.