Betur vinnur vit en strit

Jón Steindór Valdimarsson segir að Viðreisn vilji ekki skammtímalausnir heldur lausnir sem séu sniðnar þannig að raunverulegar breytingar verði meiri og hraðari.

Auglýsing

Íslenskt atvinnu­líf hefur löngum ein­kennst af fábreytni sem hefur leitt til þess að hagur okkar hefur um of ráð­ist af árferði til sjávar og sveita. Hag­kerfið er auð­linda­drif­ið. Sjáv­ar­út­veg­ur, orku­frekur iðn­aður og nú síð­ast ferða­þjón­usta hafa verið hinar stóru grein­ar. Gall­inn við þetta er sá að sveiflur og áföll í þessum greinum hafa víð­tæk áhrif og valda á víxl upp- og nið­ur­sveiflum í grein­unum sjálfum en ekki síður í hag heim­ila lands­ins með geng­is­sveifl­um, verð­bólgu, kaup­mátt­ar­skerð­ingum og sveiflum í atvinnu­þátt­töku og atvinnu­leysi.

Sagan end­ur­tekur sig

Þegar vel árar virð­ist þetta ágætt og allir vilja meira af því sama. Þegar illa árar opn­ast hins vegar augu flestra fyrir því að sam­setn­ing atvinnu­lífs­ins er ekki eins og best verður á kos­ið. Þá er byrjað að tala um að auka fjöl­breytni, skjóta fleiri stoðum undir atvinnu­lífið og töfra­orðin nýsköp­un, tækni og vís­indi verða á hvers manns vör­um. Þetta hefur end­ur­tekið sig marg­sinnis, m.a. í kjöl­far banka­hruns­ins og nú síð­ast þegar Covid reið yfir.

Auglýsing
Gallinn er hins vegar sá að það skortir úthald og fram­tíð­ar­sýn. Umbreyt­ing í atvinnu­líf­inu sem byggir á stækkun alþjóða­geirans, tækni og hug­viti sem drífur áfram auk­inn útflutn­ing og skapar ný og verð­mæt störf er lang­tíma­verk­efni en ekki kreppu­við­bragð. Fögur fyr­ir­heit og ásetn­ingur fellur strax í skugg­ann þegar grein­arnar sem urðu fyrir áfalli taka að rétta úr kútn­um.

Skortur á fram­sýni

Gott dæmi um þetta eru við­brögð núver­andi rík­is­stjórnar í tengslum við efna­hags­vand­ann sem Covid hefur skap­að. Nú skyldi nýsköpun og sprota­starf­semi bjarga mál­un­um. Sá hængur er þó á að allar úrbætur voru gerðar til bráða­birgða, ekki til langs tíma. Gripið var til nokk­urra ráða:

  • Hækkun á end­ur­greiðslum vegna rann­sókn­ar- og þró­unar

    - til skamms tíma!
  • Hækkun á heim­ildum líf­eyr­is­sjóða til að fjár­festa í nýsköp­un­ar­sjóðum

    - til skamms tíma! 
  • Sjóð­ur­inn Kría stofn­aður eftir langa með­göngu

    - með of litlu fé! 
  • Stuðn­ings Kría sett á lagg­irnar til hjálpar sprota­fyr­ir­tækjum í vanda

    - með of litlu fé og of ströngum skil­yrð­um!

Við­reisn vill aðrar leiðir

Nýsköpun þarfn­ast marg­vís­legra nær­ing­ar­efna, bæði efn­is­legra og hug­lægra. Horfa verður á nýsköpun sem við­var­andi við­fangs­efni en ekki skamm­tíma­úr­ræði til að grípa til þegar að krepp­ir. Móta þarf stuðn­ings­um­hverfi til langs tíma. Þetta á ekki síst við um fjár­mögn­un, styrki, fram­lag til vís­i­sjóða og skatta­legra hvata. Þannig fæst nauð­syn­leg festa sem er grund­vall­ar­at­riði í upp­bygg­ingu útflutn­ings­drif­inna hug­vits­fyr­ir­tækja.

Við­reisn vill ekki skamm­tíma­lausn­ir. Við­reisn vill lausnir sem eru sniðnar þannig að raun­veru­legar breyt­ingar verði meiri og hrað­ari. Þau fyr­ir­tæki og frum­kvöðlar sem leggja út í óviss­una til þess að skapa eitt­hvað nýtt verða að geta treyst því þegar lagt er af stað að starfs­um­hverfi þeirra og stuðn­ingur sé eins stöðugt og unnt er og muni hald­ast að minnsta kosti ára­tug frá þeim tíma að lagt er af stað. Stuðn­ing­inn þarf að sjálf­sögðu sífellt að end­ur­skoða, laga og bæta en það á ekki að ger­ast með þeim hætti að honum sé koll­varpað í miðri á. Ekki er betra að hann dugi ekki þegar í upp­hafi nema út í miðja á eins og hefur verið raunin í tíð núver­andi rík­is­stjórn­ar.

Til við­bótar vitum við öll að krón­an, háir vextir og verð­bólga valda sveiflum sem reyn­ast öllum fyr­ir­tækjum skeinu­hætt­ar, ekki síst þeim sem fást við nýsköpun og ætla sér land­vinn­inga á erlendum mörk­uð­um. Besta lausnin er auð­vitað að tengja gengi krón­unnar strax við evru með samn­ingi við Seðla­banka Evr­ópu og taka síðan upp evru þegar Ísland gengur í Evr­ópu­sam­band­ið.

Gefðu fram­tíð­inni tæki­færi - kjóstu Við­reisn.

Höf­undur er alþing­is­maður og skipar 2. sæti í Reykja­vík norður á lista Við­reisn­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Meira úr sama flokkiAðsendar greinar